1 TIMOTHI 1:19 - Cho Bible Common Language 2016

¹⁹ Na yum nak htek ne nam lung ngaih theing ciim sä. Chang am shah gui naw ami lung ung ciim sei kä ngai yäi u ne, ami yum nak cu shet sak ci gui.

1 TIMOTHI 1:19 Referans Kwoze

1 TIMOTHI 3:9

Ngahmi cu yum nak ah thu düng ah mawng, ci theing sei ngaih gep ne kut shum ci gui ah kyak khai.

THU PHLAAN 3:10

A i ah kyasei ci ung nang naw ka ng’thu cu na k’püüi ne na khäm ci, m’dek ah khan ah chang gui phawtcam gui khai ah yaica nak a gawk law hnüüp ung, nang cu kei naw ka ning ngung khai nei.

1 TIMOTHI 6:9

Bühmang hlük ciah chang gui cu tüihtok nak gah thei ci gui nei, ngami cu m’ghämce ne shetkat nak ah ng’yak nak hlü naw pha gui thei ci nei, cun ah yak hlü nak naw ngami cu didap sak gui thei ci nei.

TITUS 1:9

Ani cu bä ciah thu, yum nak awn ät ci cu, khäng khai ah kutshum ciah chang ah kyak khai. Cun ung vah ani naw düng ciah m’thei thang nak awn chang hei gui cu m’hläm gui hlawt khai, hnu ng’tuk püi ci gui ah cheishoh nak phi tawk pe hlawt khai.

THU PHLAAN 3:8

Nang ah na bi cu kei naw ka hmat ci, Nang ung hlüngtai nak api a om ung phi, kei ah m’thei cu läk ne kei ah khan ah na bekhüt cu kei naw ka hmat ci. Kei naw na maa ah m’kawt cu ka hnawng ci, cun ah m’kawt cu a u naw kä khai hlawt khai.

HEBRU 3:14

Mikmi cu ak htük ah mäih ah a khüt nak ung khüt sei, khäng ciah ngaihgep a om ah a kyak ung Bawi Khrit awn bilo ghawm ciah chang ah mi kyak ci.

2 TIMOTHI 4:4

Ngahmi cu Thucim kä ngai u ne, pumah awi düt ngai lawk khai gui nei.

1 JOHAN 2:19

Cun ah chang gui cu a i yah ung phi mikmi awn kä pui m’ca ci gui ah kya ne, na hteh tah gui ci gui nei. Ngami cu mikmi awn a täng ah pui m’ca ci gui ah mi chang ah ami kyak ung mikmi awn a täng ah om khai gui sü te nei. Cun ung phi ngami ami hteh cu, ngami ungka a u chang phi, mikmi awn kä ng’gui ng’phaa ba ci, cicu akdei ah ang dang nak ah kyak ci nei.

1 TIMOTHI 6:21

Chang amshah gui cu hmuhmat ci gui ah ami ngaih nak awn, yum nak ah lam cu hma ci gui nei. Nami van ah khan ah Khanpughi ah chimgein nak om sä.

1 TIMOTHI 1:5

Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.

KALATIAN 5:4

Khanpughi ung düng nak cu, thukhän läk nak awn nami shui ah akyak ung, nangmi cu Bawi Khrit awn ng’cha u ne, Khanpughi ah m’gein nak ah ak pung ah nami gawk ciah kyak khai.

1 KORIN 11:19

(Nami m’lung ngaih ang pai nak cu om khai, cun ung vah ng’düng nak cu dang lawk khai.)

THU PHLAAN 3:3

Nami ng’thei tu la nami ng’yak tu gui cu shüm ba ne läk u ne, nami katnak ungka ng’yu ba vä. Kä na thawh law ah a kyak ung m’gui-ei ah mäih ah na om nak ah kei ka lawk khai nei, kei ka law nak vai ah a khin cu nang naw kä na hmat khai.

MATTHE 6:27

Nangmi ungka a u naw, ang’ä ai nak awn, a hnun ghin nak ng’sau sak pi hning khai ang?

1 TIMOTHI 6:12

Zum nak ah dawng nak ung na näng vai ah dawng ne, angtäi ghin nak cu nak pan vai nei: cun ah ghin nak na gah vai ah nang cu Khanpughi naw a ning khü yah ung, saksi ciah chang khli ah ma ah, Bawipa na yum ah mawng cu ak küikyang ah nang kiaa pyi ci nei.

2 TIMOTHI 2:18

Ngahmi cu cacim ah düng nak ungka lam hma u ne, ‘Sih nak ung ka mi thawh nak ba cu gawk law pyi ci nei,’ ci u ne yum ciah chang gui ah yum nak cu ng’lat sak ci gui.