1 TIMOTHI 1:18 - Cho Bible Common Language 2016

¹⁸ Kahtapa Timothi, cau profet gui naw nang ah mawng ami pyein man ah mäih ah, kei naw shin ah bi cu khän ne ka ning ap ci. Cun ah thu cu, ng’tuk näng nak ah li la khim ah na mang vai nei.

1 TIMOTHI 1:18 Referans Kwoze

1 TIMOTHI 4:14

Profet gui ah thu awn, ak tahnga gui naw, na khan ah ami kut taih ne ami ning m’shumphyuk ah mümcha m’cümhnah nak cu, a i baw düt ah kä na ngaih-en vai nei.

1 TIMOTHI 6:20

Timothi, kei naw ka ning ap gui cu ngaih na ne nam htei vai nei, ak she ah thu nak la chang amshah naw cheishoh nak lam ami “Hmuhmat nak,” ah ami ngaih ah, ng’cuhcan küükneet nak cu na hlawi vai nei.

PHILIPPIAN 2:22

Nang mi naw Timothi ah hnün thawh la kei ni naw ng’pahta goi ah mäih ah Thu Ni ng’shäu ne kani bilawh cu nangmi naw nami hmat ci nei.

2 TIMOTHI 4:7

Kei cu ng’küükneet ne dawng nak ung ak ni pi bäih ah ka bi pyi ci nei, m’hnüt nak ung khüt sei ka dawng pyi ci nei, yum nak phi ka shum pyi ci nei.

1 TIMOTHI 1:2

Zum nak ung ka hta akcang ah kya ciah Tomithi-am ca ka guk law ci nei: Mi Pa Khanpughi lah Bawi Khrih Jesuh ah geinsei nak, chimhnat nak la dimdeih nak cu nang ung om sä.

2 TIMOTHI 1:2

Kam hni ah ka hta Timothi am ca ka ning guk lawk ci nei: Pa Khanpughi la Hunbawi Khrit Jesuh ah m’gein nak, chihnaa nak la dimdeih nak cu nak khan ah om sä.

1 TIMOTHI 4:4

Khanpughi ah tüi pyan phung cu nik ciah kyasei, a i ei phi kä hlawi vai, ei vai phung cu m’hlüngtai ne taigü nak awn dou vai kiak ci,

PHILIMON 1:10

Cun ah kyasei Bawi Chrit ung ka hta ah kyak ciah Onesimus ah hmawk ah kei naw ka ning pa nak ci a i ah kyasei ci ung, thawng ka kium nak ah kei cu, mümcha lam ung ani ah pa ah ka kyak lawk ci.

TITUS 1:4

Kei awn yum nak täng ne ka hta akcang ah kyak ciah Titus am ca ka guk lawk ci nei. Pa Khanpughi la mi Hunbawi Khrit Jesuh naw geinsei nak la dimdeeih nak cu ning pe sä.

LAMKTU 16:1

Paul cu Derbe la Listra pigaw gui ah gawk law ci. Listra pigaw ah Timothi ming nak ciah khritha tumat om ci. Ani cu Judah chang khritha ah kya ci, cun ung phi a pa cu Krik chang ah kya ci,

1 KORIN 4:17

Acun ah mawng ung Timohti cu nangmi ah ka tüi lawk khai nei. Ani cu khritha ghin nak ung ngaih gep vai la bekhüt ciah ka hta ah kyak ci nei. Kei kamät naw läk netah akho päng Khrithabum gui ung kam theithang ah, Bawi Khrih Jesuh ung kawng ät nak ah ghin nak thai ah a mawng tung gui cu ani naw ngami am ning shüm hmat ba sak gui khai nei.

1 KORIN 9:7

A u gakaap naw amät ah ei ei ne ng’tuk bi man ne ang? A u lo k’bi naw a lo ungka a geit cu kä ei ah om mang ne ang? A u htome k’shäm naw a shäm ah htome ah suuktui cu kä awk ah om man ne ang?

1 TIMOTHI 1:5

Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.