1 TIMOTHI 1:12 - Cho Bible Common Language 2016

^12-13 Shin ah bi ka bi nak vai ah thamah nak na pek ciah mi Bawipa Khrih Jesuh cu kam hlüngtai ci nei. Kei naw yanä Bawipa cu ak she ah pyein ne, dukdeiu na ne, yoshe na ne, ka kyak man pang ung phi, Bawipa naw kei cu na khinkha sak ne, abi ka bi vai ah nam hnüt sei Bawipa cu kam hlüngtai ci nei. Cun sang ung kei cu yum nak kä om sei, akni akshe phi kä ka hmat ci, cun ah kyasei Bawipa naw kei cu na chimgein ci.

1 TIMOTHI 1:12 Referans Kwoze

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

KOLOSE 1:25

Khanpughi naw kei cu khrithabum ah changshäm ah na pyang pyi ci nei, cun cu nangmi ah ni kyom nak vai ah kei-am ana peit ah kyak ci. Cun cu Thu Ni kümbe khai ah ng’shäu ne pyein nak vai ah kyak ci.

PHILIPPIAN 2:11

M’khuukdoong ne bawihma u netah, Ak ghing om avan naw, “Zesuh Khrit cu Bawipa nei,” cine ng’shäu u ne, Pa Khanpughi ah bämang nak cu m’dang khai gui.

2 KORIN 4:1

Khanpughi naw chimgein nak awn a khuut bi vai ah na pe gui sei, k’tha dam nak vai a i kä om ci.

1 KORIN 7:25

Ca guh ne nami na ng’shi nak ah kä chucei mah ci gui ah mawng ung; Kei naw ka pyein vai cu Bawipa ah thukhän ah kä kyak ci, cun ung phi Bawipa ah nam gein nak awn, ng’ap ne khin ciah chang tumat ah ka kyak nak awn, ka mät ah ngaih cu ka ning m’thein gui nei.

LAMKTU 9:22

Cun ung phi Soul naw, Bawipa Jesuh cu Messiah ah a kyak ah mawng cu m’khüt näng nak awn pyein khä tah, Damaskas ah om ciah Jew chang gui naw käm hlan tuba hlawt ci gui.

LAMKTU 9:15

Bawipa naw ani am, “Hteit ä, cun ah chang cu, changpakhui hei gui, ghangpughang gui lah Israel chang gui am, keiah ming cu m’thein gui khai ah ka ghü ah kyak ci nei.

LAMKTU 16:15

Cun ah kyasei amät la akyong ungka gui ami van cu tui hnim ci gui. Cun kawn ah Lidia naw, “Kei naw Bawipa cu akcang ah ka yum ciah nami ngaih gep ah a kyak ung ka im ah law ne om law tu vä” cine k’shet ne na khü gui ci.

1 TIMOTHI 1:11

Shin ah theithang nak cu Thu Ni ung hmu ah Khanpughi ah bämang nak la phruhtheh nak ung ka lawk ciah Thu Ni, Kei naw ka shäu vai ah Khanpughi naw a na ap ah kya ci.

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

JOHAN 5:23

Cun ah kyak sei Apa kyih-aa ah mäih ah A Htapa phi chang van naw a kyih aa vai nei. A Htapa kä kyih aa ci cu, tüi lawk ciah Apa kä kyih-aa ciah kyak ci.

1 KORIN 3:5

Apollos cu a u-ang? Paul cu a u-ang? Keimi cu Khanpughi ah changshäm ah kya u ne, nangmi naw Khanpughi nami yum tu vai ah kami ning m’shüm tu gui ciah kyak ci. Keimi tumat ci naw Bawipa naw anam hnüt peit gui phäh phäh ah khuut cu kami bik ci.

KALATIAN 3:26

Nangmi cu yum nak awn Bawi Khrit Jesuh ung kawng ät ne Khanpughi ah hta ah nami kyak ci.

KALATIAN 3:28

Cun ah kyasei Jew chang la khui hei, khlei htein la khui mah, pami la hnumi ciah ang lakmah nak kä om ba ci: nangmi nami van cu Bawi Khrit Jesuh ung akawng ät ah nami kyak ci.

1 TIMOTHI 1:1

Mi Hunbawi Khanpughi la mi ngaih u Jesuh Khrih ah m’hnüt nak awn Bawi Khrih ah düih püi ah ka kya ciah kei Paul naw —

1 TIMOTHI 1:2

Zum nak ung ka hta akcang ah kya ciah Tomithi-am ca ka guk law ci nei: Mi Pa Khanpughi lah Bawi Khrih Jesuh ah geinsei nak, chimhnat nak la dimdeih nak cu nang ung om sä.

1 TIMOTHI 6:13

A päng avan am ghin nak pek ciah Khanpughi la Pontius Pilate ah ma ah a yum nak a kheng geng ah m’dang ciah Khrit Jesuh ah ma ah kei naw thukhän ka ning pek ci,

2 TIMOTHI 2:2

Saksi gui akda ah ma ah kei naw ka ng’shäu ah m’theithang nak gui cu, nang naw na ng’ya pyi ci nei, cun cu la netah, chang hei gui m’theithang tu ba hning khai ah ngaih gep ah chang gui am, nam thei tu ba gui vai nei.

TITUS 1:4

Kei awn yum nak täng ne ka hta akcang ah kyak ciah Titus am ca ka guk lawk ci nei. Pa Khanpughi la mi Hunbawi Khrit Jesuh naw geinsei nak la dimdeeih nak cu ning pe sä.

PHILIMON 1:9

Cun pang ung phi Bawi Khrit ah ng’shä tüih, ani ah hmawk ah thawng ung ka kium ciah kei Paul naw ka ning m’hni nak ung ng’paa nak awn ka pyein ci nei.

MATTHE 20:4

Cun gui-am, ‘Sapyit lo ah hteit ne bi bi tu vä, akhin vai ah ka ning cheng gui khai nei,’ cik ci.