Biblia Todo Logo
Bib sou entènèt

- Piblisite -




1 TIMOTHI 1:10 - Cho Bible Common Language 2016

10 Pa la pa nu la nu ng’yawpawm düt ne pletbeng ci gui, chang phak ci gui, hleihlak ci gui, kä düng khai ah saksi ci gui la düng ciah yum nak hnu ng’tuk püi ci gui ah hmawk ah kya ci.

Gade chapit la Kopi




1 TIMOTHI 1:10
34 Referans Kwoze  

A u pami phi ak pami paw awn kä a ng’yawpawm en vai, cun cu Khanpughi naw thüi nak ci.


Chang gui naw düng ciah yum nak cu kä ngai ya hlü ne, amät ah ng’yak hlü düt läk ne, ami mät ah ng’yak hlü bä bä ah thu m’gawng khai ah, m’theithang ci gui cu k’tä ne ami shui nak ah akhin gawk lawk khai nei.


Cun ah kya sei Khanpughi naw chang gui cu shekat pi ciah thuihmai nak ung ami hteh vai ah nawng gui ci. Hnumi gui cu pami la hnumi ah ng’yaw ng’koh man ah kä kya u ne, ami mät ng’yaw ng’koh ci gui.


Cun ung phi kä theingcim ci phung api ah phi, cun ah mang gaw ah kä lut tuk khai. Thui ng’aa nak vai bik ci la hleeihlak ciah chang gui phi kä lut tuk khai gui. Htomehta ah ghin nak ca-uk ung angming guk ah chang gui bäng vah cun ah mang gaw ung lut tuk khai gui.


Hngihnga ciah yum nak m’theithang ne, Bawipa Jesuh Krih ah thu düng la mi yum nak ah m’theithang nak,


Sodom la Komorrah la ani pei ung ah gawnu gui cu ngaih-tüh ba shüm vä, cun ah gawnu gui ung om ciah chang gui cu, acun ah khan chang gui ah mäih ah ng’yawng’pawm hüithaw düt ne mupyei ci gui. Chang avan a khäntam nak ah ngami cu angtäi ah däi ciah mei awn m’shetkat nak gah ci gui.


Ani cu bä ciah thu, yum nak awn ät ci cu, khäng khai ah kutshum ciah chang ah kyak khai. Cun ung vah ani naw düng ciah m’thei thang nak awn chang hei gui cu m’hläm gui hlawt khai, hnu ng’tuk püi ci gui ah cheishoh nak phi tawk pe hlawt khai.


Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.


Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.


Pami tumat cu a hei pami awn ani ng’yawpawm ah a kyak ung, ngani cu kä akni pi bik ci goi ah kyak ci, ani nik hnih ngawn goi vai. Ngani cu ani mät ah sih nak vai ma nak ci goi ah kyak ci.


Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.


Kei naw ka ning m’theithang ah thu düng cu, thei nak vai ah ak htek ah kutshum ne, Bawi Khrit Jesuh ung kawng ät nak awn mi gah ah yum nak la m’hni nak cu na läk vai nei.


Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.


“Chang m’gu neta yoi ci, kä cung khleihtein ah hmoh ciah chang cu amät ngawn vai.


Lotah cu khü u ne, “Tuhmü na im ah ip tuk khai ah lawk ciah chang goi a hawi ang? Sodom chang pami gui naw kami ng’yawpawm püi goi vai ah na ap gui ä” cine k’thäh ci gui.


“Ka ng’ming cu akshe ah kä nami mang vai, ka ng’ming akshe ah mang ci phung cu, Kei, Bawipa nami Khanpughi naw ka m’kyuk khai.


Sing ng’ui, phakphai, phaknan, situi, mura, sapyit tui, khitui, püm, htang, sei, htome, ng’se yatha, khleihtein la chang hnun ghing gui ah kyak ci.


Akshe ah kä nami ng’u hneit tu vai. Hleei pyen ne kä nami ng’phyun vai. Kä ng’düng ci, hleeihlak la m’ghä m’ce nak cu kei naw ka thüi nak ci.”


A kholä ah ng’thu u ne, kä hman ciah shaitak u ne, kä mangca phyak khai ah ami om gui, taga nak cu kä taga nak ah kya law ne loma ah m’gui man ah ng’shun a däm law ah mäih ah kyak ci.


“A Israel chang paw m’guk ci, changshäm ah pyang ci, changshäm vai ah yoi ciah chang cu, ngawn vai. A cu cha ah nangmi naw akshe cu nami nawt heng vai.


Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.


M’gäi ciah Bawipa naw a pyen cu, ani naw ng’phyun nak cu yuk chah lawk khai, a hleei pyen ne ng’phyun ciah im päng ung lut khai. Acun cu ami im gui ah kyong ah om neta, ngami cu akshe ah nawng gui khai.”


Kei cu Hebru kho ah ami na hton ah kyak ci, Egypt khaw ung phi thawng kyum nak vai ka katnak kä om ci nei” cine pyen ci.


Ani cu mi si, mi sa mi nau ah kyak ci, kä mi ngawn hnga ne, Ismaela chang gui am mi yoih na gui kaw” cisei ami van naw yum u neta,


Nang naw shin ah m’cäi nak cu na phäi nau gui-am na peit law vai yung, na mät ah yum nak thu la na mät ah läk ah düng ciah m’theithang nak cu, läk ne Khrit Jesuh ah changshäm k’ni ah na kyak vai nei.


Swiv nou:

Piblisite


Piblisite