1 SAMUEL 9:6 - Cho Bible Common Language 2016

⁶ Ak changshäm naw, “Om cang ä! Shin ah gawnu ung theingcim ciah chang, ami chang m’sui aih ah chang tumat om ci, a i ah kyasei ci ung ani ah a pyen päng cu hman ci. Ani ah ni hteit kaw, la gui a hawi hmuh ba hning vai cu ani naw na pyen tu goi hning hngaw khai nei” cik ci.

1 SAMUEL 9:6 Referans Kwoze

THULÄÄN NAK 33:1

Shin gui cu Khanpughi ah chang Moses naw, kä a sih pha ung Israel chang gui ah khan ah ang ng’shäu ah hriham gui ah kyak ci.

1 GHANGPUGHANG GUI 13:1

Bawipa ah thumkhän nak awn Judah ah ka prophet tumat cu Bethela ah hteit ne sonkiang ung douthak khai ah Jeroboam ang düih yah ung gawk lawk ci.

1 TIMOTHI 6:11

Nang läi cu Khanpughi ah chang ah na kyak ci kya ne, shin ah shekha gui avan na hlawi vai nei. Düngdau nak, yum thei nak, yumnak, m’hni nak, hnimgei nak, ng’awigii nak gui awn kümbe vai ah nak tha nak vai nei.

1 THESSALONIAN 5:13

Ami khut bi ah hmawk ah ak hlüngtai säih ah m’hni nak la chang m’sui nak awn nami m’tamkhah gui vai nei. Nami mät ah kyong ungphi ding gei nak om sä.

1 THESSALONIAN 2:10

Nangmi cu keimi ah saksi ah nami kyak ci, Khanpughi phi saksi ah kiak ci; a i ah kyasei ci ung keimi cu yum nak om ciah nangmi awn mi ng’hmuhteng nak ung shetkat nak kä om ne ci cim nak la düng nak om ci.

MATTHE 24:35

Khankho la khomdek a maih ung phi kei ah thu cu kä maih khai nei.

ISAIAH 44:26

Cun ung phi kei ah ka chang shäm naw cängbang nak abi ah a kyak ung, kei ah ka pawng püi gui m’than khai ah ng’shächang ka tüih ah a kyak ung. Cun ah pawng püi nak gui la cängbang nak gui cu akcang ah kyak khai ah kei naw ka bik ci. Kei naw ka m’thein gui ci. Jerusalem ung chang gui om ba khai gui, Judah mang gaw gui co ba khai gui. Cun ah mang gaw gui cu didam nak ung ka, Tho law ba khai gui.

2 GHANGPUGHANG GUI 6:6

Elisha naw, “A hawn ung ang ayu kyak vü?” cine ng’shik ci. Cun ah chang naw a yu kyak vü nak cu m’hnuh khäta, Elisha naw sing chüng ne, tui ung yuk sük ne, ghei cu ng’phon sak neta,

1 SAMUEL 2:27

Bawipa ung ka lawk ciah shin ah ng’thu awn prophet cu Eli ah lawk ci: “Nami pupa Aaron la akyong khui cu Egypt ghangpughang changshäm ah ami kyak ung, kei naw ka mät Aaron ung ka m’than ci.

ATÜNNAK 24:42

Tuh ngawi tuishawk ung gawk law neta, ka taigü ci, “Bawipa, ka bawi Abraham ah Khanpughi, ka bi nak ung näng nak na pe ä.

1 SAMUEL 9:8

A changshäm naw, “Kei ung ngui tangka a läm hta om ci. Kei naw cun ka pek khai, cun ung a hawi ni hmuh ba vai cu na m’thein goi khai,” cik ci.

2 SAMUEL 15:27

Cun kawn ah Zadok ah hteit ne pyen ba ci, “Teng ä, na hta Ahimaaz la Abiatha ah hta Jonathan cu la ba goi ne mang gaw ah ding gei sei hteit ba vä.

2 GHANGPUGHANG GUI 5:8

Cun gui cu prophet Elisha naw ng’ya neta, ghangpughang am ng’thu m’khäh lawk ci, “A i ah kyasei nang na thüi ang? Cun ah chang cu tüi law ä, Israel ung prophet a om cu kei naw ka m’dang khai nei!” cik ci.

SAM 25:12

Bawipa chang m’sui ci gui naw, ami läk vai ah lam cu ng’thei ci gui nei.