1 SAMUEL 9:3 - Cho Bible Common Language 2016

³ Kish ah la gui amshah cu lum m’chüh u khäta, ani naw Saul am, “Changshäm tumat hteh püi ne, la gui cu na shui ba vai nei” cik ci.

1 SAMUEL 9:3 Referans Kwoze

1 SAMUEL 10:2

Tuhngawi kei na hteh ta ne, na hteh law ba ung, Benjamin khaw, Zelzah pigaw, Rachel ng’cim hmun pei ah chang hnih na hmuk khai. Ngami naw nani shui ba ah la gui hmuh ba pyi ah mawng ning m’thein khai gui, cun ah kyasei, cun gui ah phäh ah na pa kä ng’ä ba khai. Cun ung phi nang ah phäh ah ng’ä khai, ani naw, “Ka hta ah phäh ah a i ka bik khai ang?” cik khai.

SUKI GUI 10:4

Ani ung a hta thum-kip om ci, ngami cu ng’sela thumkip ng’cum ci gui. Ngami naw Kilead khaw ung mang gaw thum-kip uk ci gui, cun gui cu tuh güt Jaira pigaw gui ah pyen ci gui.

SUKI GUI 5:10

la bawk ung ng’cum ne, yih phah ung ngoh ciah chang gui, khaw awn hteit ciah chang gui, nami hteh nak päng ah nami ngaih-tüh vai nei.

1 SAMUEL 9:2

Ani ung Saul ming nak ciah a hta tumat om ci, ani cu a gup kyom ne aa mah ci. Ani cu Israel kho ung chang avan ah alu awn ng’ng’shäi pi ne, kyom pi ciah kyak ci.

1 SAMUEL 9:4

Ngami naw Ephraim khaw gui la Shalishah khaw nawi pum ung hteit ne shui ci gui, cun ung phi kä hmu ba ci gui; cun ah kyasei Shaalim khaw nawi ah hteit ci gui, cun phi la gui kä om ci gui. Cun kawn ah Benjamin khaw hmun ung phi hteit ci gui, cun ung phi kä hmu ba ci gui.

1 SAMUEL 9:20

La gui cu ami maih nak hnüüp thum law pyi ci, cun gui ah phä ah kä nani ng’ä vai. Cun gui cu hmuh ba gui pyi nei. Cun ung phi Israel gui cu ami ng’yak hlü ah chang cu a u ang? Cun cu nang nei nang la napa ah kyong khui nei.

1 SAMUEL 10:14

Saul ah a pukho naw Saul la a changshäm cu hmu goi neta, “A hawi nani kyak ciang?” cine ng’shi goi ci. Saul naw, “La gui kami shui ba ci” cik ci. Shui ne kä hmu ba hlawt neta, hteit ne Samuel ka ni hmuk ci” cik ci.