1 SAMUEL 9:17 - Cho Bible Common Language 2016

¹⁷ Samuel naw Saul cu hmu ne ta, Bawipa naw a pyen nak cu, “Kei naw a mawng ka ning m’thein gui cu shin ah chang nei. Ani naw ka chang gui cu uk khai.”

1 SAMUEL 9:17 Referans Kwoze

HOSEA 13:11

Kei naw ka m’lungshe nak ung ghangpughang gui ka ning pe gui ci. Ka m’lungso nak awn cun gui avan ka la ba khai.

LAMKTU 13:21

Cun kawn ah ami ghangpughang vai ng’yoi u khä tah, Khanpughi naw Benjamin pakhui, Kisha ah htapa Soul cu khokum phli-kip ung ghangpughang ah kyak khai ah m’düih pe gui sei ani, maw kho kum phli-kip ung uk ci.

NEHEMIAH 13:25

Kei naw chang gui cu khü gui ne, plah tam gui ne, that gui ne, ami lu k’thut gui ne ka ci gui ci. Cun kawn ah ngami la ami hta nau gui cu api ah phi a khaw hei chang gui awn kä ami ng’chungla ba vai ah, Khanpughi ah angming awn ka ng’phyun sak gui ci.

NEHEMIAH 13:19

Cun ah kyasei kei naw thu ka k’bäi gui cu, kyiin hnüüp päng ung angtün nak ah mühun ung tün ne m’kawt gui cu nami khai vai, kyiin nak kä angpyi pha ah chuih kä nami hmawn ba vai. Kyiin hnüüp ung mang gaw kyong ah a i phi kä ami law en püi vai a hmat phyat nak vai ah ka chang gui am m’kawt ka ngäng sak gui ci.

1 SAMUEL 3:13

Kei naw ani am ka m’thein pyi ci, kei naw ani ah kyongkhui cu angtäi sei ka m’kyuk lawk khai. A i ah kyasei ci ung ani ah hta gui cu akshe ah ng’thu ne, kei na hnu ng’tuk püi ci gui. Eli naw cun ah ami bi cu hmat ci, cun ung phi kä m’cing gui hlawt ci.

1 SAMUEL 9:18

Saul cu m’kawt pei ah om ciah Samuel ah hteit neta, “Na m’thein ä, mik hmuk ciah chang a hawi ang a om” cine ng’shik ci.

JEREMIAH 32:8

Acun ah Bawipa naw a pyen ah mäih ah, Hanamela cu mang im väng kyong ah kei ah law ne, khaw ka hleih ah kei na ng’thu püi ciah ka hmat ci.