1 SAMUEL 9:12 - Cho Bible Common Language 2016

^12-13 “Ä, om ci nei,” ci u ne hnumi hta gui naw, “Akcang ah, ani cu nani ma lung ung om ci nei. Na ni yang ah ak kyang ung na ni k’pha khai nei. Gawnu kyong ah nami valuh vai am ani cu nani hmuk khai nei. Ani tuhngawi gawnu ah gawk lawk ci, a i ah kyasei ci ung chang gui naw khomhtung ah mangkiang ung khawihnah nak douthak khai gui ah kyak ci. Ami khü tu gui ah chang gui naw ani cä ah kä a gawk pha ah chuih, ei tün ne kä ei khai gui, a i ah kyasei ci ung khawihnah nak cu ani naw hriham pe ma khai. Tuhbäi nani hteh ah a kyak ung, ani ei tuk khai ah m’htung ah kä hang kai pha sei nani hmuk khai nei.”

1 SAMUEL 9:12 Referans Kwoze

ATÜNNAK 31:54

Ani naw m’htung khan ah a khawihnah nak cu ngawn neta, a chang gui cu ei aw tuk khai gui ah khü gui ci. Ngami cu ami ei awk kawn ah acu mü, mü lung ne m’htung khan ah om ci gui.

1 SAMUEL 16:2

Samuel naw, “A i haw cha ah ka bi vai ang? Saul naw cun ah mawng ang yak ung kei na ngawn khai nei!” cik ci. Bawipa naw, “Seipat hta tumat hteh püi neta Bawipa cu cä ah khawihnah nak ka douthak khai, cine na pyen vai.

1 SAMUEL 10:5

Cun kawn ah nang cu Gibeah ah Khanpughi ah khaw gui ah ni hteh vai, acu ah Philistin gui ah phung om ci. Gawnu ah luh nak m’kawt ung, khaw gui ah sonkyang ah ka kyum law ba ciah prophet bum ät awn nami ng’hmuk khai, ngami cu tingtäng ni, k’hting ni, phyung lawi ni, tingtangnu ni tum ci gui. Ngami cu ng’lam khai gui, m’lau khai gui.

1 SHONTÄP NAK 16:39

Taigü Zadok la ak taigü paw gui cu Kibeon khawihnah nak ah hmun ung tängpang ci gui ah kyak ci.

1 SAMUEL 7:17

Ani cu Ramah a im ah hteit ba ci, acun cu taga suki ah bi abi nak ah kyak ci. Ramah ah ani naw Bawipa ah hmawk ah mangkiang co ci.

1 SAMUEL 2:35

Kei ung bekhüt khai la kei naw abi vai ka ng’yak hlü päng bik khai ah taigüpa cu kei naw ka ghü khai. Kei naw hta ng’shon nak ka pek khai, acun naw angtäi sei, kei ah ghü ah ghangpughang ah ma ah bi bik khai.

1 SAMUEL 20:6

Kei tawnglang ung kä ka ngoh tu cu na pa naw a hmat ah a kyak ung, na m’thein vai, nang ah ma ah pyen neta Bethlehem im ah ang ghit ah hteit ba ci, acu ah ka kyong khui avan naw kum ng’län khawihnah nak ah khin ah kyak ci.