1 SAMUEL 8:8 - Cho Bible Common Language 2016

⁸ Kei naw ngami cu Egypt ah ka, ka law püi ba gui ci, ngami cu kei ung ka dawng u ne, a hei khanpughi gui khawihnah ci gui; kei ung angtäi ah ami man ah mäih ah nang ung tuhbäi bik ci gui nei.

1 SAMUEL 8:8 Referans Kwoze

PHYAWN NAK 32:1

Moses cu khomhtung ah ka kä kyum law ba ne, ak shou a om cu chang gui naw hmu u neta, Aaron ah law u ne ng’bum u ne ami pyen cu, “Egypt khaw ah ka na law püi ba gui ciah Moses a i ah a kyak cu kä kami hmat ci. Cun ah kyasei lam na m’shüm gui khai ah khanpughi cu na pyan pe gui ä.”

SUKI GUI 13:1

Israel chang gui cu Bawipa hnung’tuk püi ne sheka ba mä ci gui, cun ah kyasei, ani naw philistine gui am khawkum phlikip uk sak gui ci.

SUKI GUI 6:1

Israel chang gui cu Bawipa hnungtuk püi ne sheka ba mä ci gui. Cun ah kyasei ani naw Midian chang gui am khawkum chih uk sak gui ci.

SUKI GUI 4:1

Ehud a sih kawn ah Israel chang gui cu Bawipa hnu ng’tuk püi u ne, sheka ba ci gui.

SUKI GUI 2:20

Cun kawn ah Bawipa naw Israel gui ah khan ah m’lung she neta a pyen cu, “Kei naw ami pupa gui am, ami khäm vai ah ka ng’thu khan ah thukhän cu shin ah pakhui naw m’shet pyi ci nei. A i ah kyasei ci ung ngami naw kei kä na läk ci gui,

THULÄÄN NAK 9:24

Kei naw ka ning hmat gui ge ung Bawipa cu nami hnungtuk püi ci.

KHEI NAK 16:41

A Ngawi ung chang bum avan naw Moses la Aaron ung chiu m’da ne ami pyen cu, “Nang mi naw Bawipa ah chang amshah cu nami ngawn ci.”

PHYAWN NAK 17:2

Ngami naw Moses ah ma ah ng’thu m’da u ne, “Awk vai tui na pe gui ä” cik ci gui. Moses naw, “A i ah kyasei thu nami m’da ang? A i ah kyasei Bawipa nami m’nüm ang?” cik ci.

PHYAWN NAK 16:3

ami pyen cu, “Egypt khaw ah Bawipa naw ana ngawn gui vai kami ng’ya hlük ci. A cu ah keimi kami om ip ci, meh la buh cu kami m’hni ah phü ne kami ei ci. Cun ung phi nang naw shin ah bung ah na law püi gui ne, ei ah cawi ne na na sih sak gui yawp vai ci nei” cik ci gui.

1 SAMUEL 8:7

taigü ci, Bawipa naw, “Chang gui naw ami ning pyen nak phung cu na ngaih vai. Nang cu ngami naw ami hnu ng’tuk püi ah chang ah kä na kyak ci, kei vah ngami naw ami hnu ng’tuk püi ah ghangpughang ah ka kyak ci.

1 SAMUEL 8:9

Cun ah kyasei ngai gui ä, ami ghangpughang naw a i hawi ah a om püi gui vai ah mawng cu m’thein gui ä.”

JEREMIAH 34:14

khokum chuk ung ami bii bik ciah Hebrew khlei htein phjung akum chin nak päng ung m’hlawt vai. Cun ung phi nami pupa hui naw kei cu ai ah kä na sui ci gui, kei ah pyeu phi kä ngai ci gui.

EZEKIEL 2:3

“Hnicim chang, kei naw Israel Chang gui ah ka ning tüi ci nei. Ngami cu ami pupa gui ah mäih ah kya u ne, kei na kuknet püi u ne, hnung tuk ne na ng’hla ta u ne, tuä güt na küknet püi ci gui.”

SAM 78:8

Ngami cu ami pupa gui ah mäih ah kä kyak ci gui, ami pupa gui cu hnu ng’tuk u ne, ng’thu kä ngai u ne, Khanpughi ami yum nak kä ng’shing ci, kä bekhüt ci gui ah kyak ci.