1 SAMUEL 8:7 - Cho Bible Common Language 2016

⁷ taigü ci, Bawipa naw, “Chang gui naw ami ning pyen nak phung cu na ngaih vai. Nang cu ngami naw ami hnu ng’tuk püi ah chang ah kä na kyak ci, kei vah ngami naw ami hnu ng’tuk püi ah ghangpughang ah ka kyak ci.

1 SAMUEL 8:7 Referans Kwoze

1 SAMUEL 10:19

Kei cu nami na Khanpughi, nami khüikha nak la nami geinvai nak avan ung ka ning hun gui ci, cun ung phi tuhngawi nangmi naw na hnu ng’tuk püi u ne, ghangpughang ka ning pek gui vai ah nami na k’thäh ci. Cun ung bä aih khai, nami van a täng ah pakhui ah si, pa ng’pai ah si ah, Bawipa ah ma ah nami ng’bum vai” cik ci.

LUKA 19:27

Cun kawn ah kei ah uknak kä ng’ya hlük ciah kei ah gaa gui cu, kama ah lawpüi ne ngawn gui vä, cine pyein ci” cine m’thein gui ci.

LUKA 10:16

Bawipa Jesuh naw, Ang düihpüi gui-am, “Nangmi ah ng’thu ngai cicu kei ah ng’thu ngai ci, nangmi ning nawng gui ci cu, kei na nawng ci, kei na nawng ci cu, kei na tüi lawk cicu nawng ciah kyak ci” cine m’thein gui ci.

PHYAWN NAK 16:8

Moses naw, “Bawipa naw mühun ah nami ei vai ah meh, khaw ngawi ah nami ng’büh nak vai ah m’htut ning pe gui khai nei, a i ah kyasei ci ung a i hlawk ah ng’thu m’da ne nami hnungtuk püi cu ani naw ng’yak ci nei. Ng’thu m’da ne keimi nami na hnungtuk püi gui cu akcang ah Bawipa cu ng’thu m’da ne nami hnungtuk püi ah kyak ci nei” cik ci.

LUKA 19:14

Cun ung phi a kho ung ak chang gui naw, ani cu m’thüi na u netah, ‘Ani ah uknak kä kami ng’ya hlük ci nei’ cine ng’shä tüi ne pyein lawk ci gui.

MATTHE 10:40

‘Nangmi ning dou gui cicu kei na dou ciah kyak ci.

JOHAN 13:16

Kei naw akcang ka pyein cu, “Changshäm cu khuimah ah mä kä tai pi man ci.

ISAIAH 66:4

Cun ah kyasei ngami ah khan ah kei naw leigai ka law püi khai-cun cu ngami naw ami kyih ah kyak khai — a i ah kyasei ci ung, kei naw khü ung a u kä äi ci, ka ng’thu a u naw kä ngai ci. Ngami ami van naw kä na ngai u ne, akshe bik ci gui.”

KHEI NAK 22:20

Cun ah mü Khanpughi naw Balaam ah law neta, a pyen cu, “Shin ah chang gui naw law ne na hteh tu vai ah ami ning thäh ah a kyak ung na hteh tu ge vai, cun ung phi ka ning pyen nak bäng na bi vai” cik ci.

SUKI GUI 8:23

Kideon naw, “Kei cu nangmi ah uktu ah kä ka kyak khai, ka hta gui phi kä kyak khai gui. Bawipa cu nangmi ah uktu ah kyak khai nei” cik ci.

1 SAMUEL 8:8

Kei naw ngami cu Egypt ah ka, ka law püi ba gui ci, ngami cu kei ung ka dawng u ne, a hei khanpughi gui khawihnah ci gui; kei ung angtäi ah ami man ah mäih ah nang ung tuhbäi bik ci gui nei.

1 SAMUEL 8:22

Bawipa naw m’shang ne, “Ami ng’yak hlü cu bi pe gui ä, ghangpughang pe gui ä” cik ci. Cun kawn ah Israel chang gui ami van im ah ami hteh ba vai ah Samuel naw pyen ci.

1 SAMUEL 12:1

Samuel naw Israel chang gui am, “Kei naw ka bi vai ah nami na k’thäh cu ka bi pyi ci nei. Ning uk gui khai ah ghangpughang ka ning pe gui pyi ci nei,

1 SAMUEL 12:12

Cun ung phi Ammon ghangpughang Nahash naw ning tu law gui khai ah hmu u neta, nangmi naw nami ghangpughang ah, Bawipa cu nami hnu ng’tuk püi ci, cun kawn ah kei ah ma ah, “Na uk gui khai ghangpughang kami ng’ya hlük ci” nami cik ci.

JEREMIAH 34:14

khokum chuk ung ami bii bik ciah Hebrew khlei htein phjung akum chin nak päng ung m’hlawt vai. Cun ung phi nami pupa hui naw kei cu ai ah kä na sui ci gui, kei ah pyeu phi kä ngai ci gui.

EZEKIEL 2:3

“Hnicim chang, kei naw Israel Chang gui ah ka ning tüi ci nei. Ngami cu ami pupa gui ah mäih ah kya u ne, kei na kuknet püi u ne, hnung tuk ne na ng’hla ta u ne, tuä güt na küknet püi ci gui.”

EZEKIEL 3:7

Cun ung phi Israel Chang gui a u naw phi kä ngai hlük khai nei; Ngami naw kei phi kä na ngai khai gui nei. Ngami ami van cu ami m’lung ling sei ai kä tä ci gui ah kyak ci.