1 SAMUEL 8:6 - Cho Bible Common Language 2016

⁶ Ghangpughang vai ami m’thäh ah phäh ah Samuel cu kä yei ci; cun ah kyasei ani cu Bawipa ah

1 SAMUEL 8:6 Referans Kwoze

1 SAMUEL 15:11

“Saul ghangpughang ah kam hmoh ah phäh ah kei ka thüi ci nei; ani cu kei ung ka ng’hlat ne, ka thumkhän phi kä läk ci” cik ci. Samuela cu m’lung shei ci, amü pum Bawipa ah ng’coi ng’pa ci.

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

1 SAMUEL 12:17

Shin cu kho cha ah kyak ci, kä kya ne ang? Cun ung phi kei ka taigü khai. Bawipa naw kho hmun la kho aa tüi lawk khai. Shin gui a kyak law ung, nangmi naw Bawipa hnu ng’tuk püi ne dämduh ciah katnak nami bi cu nami hmat ba khai.

SAM 109:4

Kei naw m’hni gui ngä sei phi, na ng’tuk püi ci gui, cun ung phi kei naw ka taigü pe gui ci.

KHEI NAK 16:46

Moses naw Aaron a pyen nak cu, “Mei khawk cu la ä, sonkiang ungka ghing ciah meicak la ne a cun ung tha ä. Cun kawn ah tui ng’ui cu meicak ah khan ah tha ä. Chang gui cu yangkhai sak gui ne ng’gängsei nak ak-yang ah bi pe gui ä. Bawipa ah m’lungshe nak cu kya law pyi ne, leigai cu ng’tün pyi ci nei” cik ci.

KHEI NAK 16:22

Cun ung phi Moses la Aaron naw ani hmai m’dek ung tawn khai ah ng’boop ni neta, “O Khanpughi, nang cu ghin nak avan ah a phung ah na kyak ci, chang tumat akat ung chang bum van ah khan ah na m’lungshe ne ma?” cik ci goi.

KHEI NAK 16:15

Moses cu ang htei ah m’lungshe neta, Bawipa ah ma ah “Shin ah chang ah law püi ah douthak cu a i phi kä na dou vai. Ngami ah khan ah ka cheishoh nak a i phi kä om ci, kei naw ami ng’sela tumat phi kä ka la man ci.”

PHYAWN NAK 32:32

Na bä ni, ami katnak m’geinsei gui ä; kä na m’gein gui vai ung, na chang gui ah ming na guk nak ah ca-uk ung kei ah ming cu na pheng vai nei” cik ci.

PHYAWN NAK 32:21

Ani naw Aaron am, “Shin ah mäih ah kyih she ciah shetkat nak ami bi vai ah nang naw na ci gui cu, ngami naw nang ah khan ah a i bi u sei ang?

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

1 SAMUEL 7:5

Cun kawn ah Samuel naw chang tüi ne Israel van Mizpah ung hmuh vai ah khü gui ci, ani naw, “Acu ah nangmi ah phäh ah Bawipa ah ka taigü khai.”

1 SAMUEL 10:19

Kei cu nami na Khanpughi, nami khüikha nak la nami geinvai nak avan ung ka ning hun gui ci, cun ung phi tuhngawi nangmi naw na hnu ng’tuk püi u ne, ghangpughang ka ning pek gui vai ah nami na k’thäh ci. Cun ung bä aih khai, nami van a täng ah pakhui ah si, pa ng’pai ah si ah, Bawipa ah ma ah nami ng’bum vai” cik ci.

1 SAMUEL 12:12

Cun ung phi Ammon ghangpughang Nahash naw ning tu law gui khai ah hmu u neta, nangmi naw nami ghangpughang ah, Bawipa cu nami hnu ng’tuk püi ci, cun kawn ah kei ah ma ah, “Na uk gui khai ghangpughang kami ng’ya hlük ci” nami cik ci.

HOSEA 13:10

Nang naw ghangpughang la angvai hta gui cu nak thäh khai. Cun ung phi a i hawkcha ah ngami naw pakhui khaw cu hun hning khai gui aw?

1 SAMUEL 12:19

Cun kawn ah ngami naw Samuel am, “Na bä ni saza, keimi ah phäh ah Bawipa na Khanpughi ah na taigü pe gui vä. Cun ung keimi kä kami shik khai. Keimi naw kami hmat lawk ci, kami hma gui avan ah kawn ah ghangpughang kami thäh nak awn kami hma ba mä ci nei” cik ci gui.

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.