1 SAMUEL 8:5 - Cho Bible Common Language 2016

⁵ Ngami naw ani am, “Teng ä! Nang na ghi lawk ci, na hta gui nang ah mäih ah kä kyak ci gui. Cun ah kyasei na uk gui khai ah ghangpughang na m’düih pe gui ä, cun ung a hei khaw gui ah mäih ah keimi ung ghangpughang om khai” cik ci gui.

1 SAMUEL 8:5 Referans Kwoze

LAMKTU 13:21

Cun kawn ah ami ghangpughang vai ng’yoi u khä tah, Khanpughi naw Benjamin pakhui, Kisha ah htapa Soul cu khokum phli-kip ung ghangpughang ah kyak khai ah m’düih pe gui sei ani, maw kho kum phli-kip ung uk ci.

1 SAMUEL 12:17

Shin cu kho cha ah kyak ci, kä kya ne ang? Cun ung phi kei ka taigü khai. Bawipa naw kho hmun la kho aa tüi lawk khai. Shin gui a kyak law ung, nangmi naw Bawipa hnu ng’tuk püi ne dämduh ciah katnak nami bi cu nami hmat ba khai.

KHEI NAK 23:9

Khenglung a hlüng gui ung kei naw ka hmu gui hning ci, Khaw-gui ak tai gui ung kei naw ka ngäng gui hning ci. Ngami cu amät om ciah pakhui ah kyak ci gui. Ahei pakhui gui ah däm pi sei hriham ami gah cu ngami naw hmat ci gui.

1 SAMUEL 9:20

La gui cu ami maih nak hnüüp thum law pyi ci, cun gui ah phä ah kä nani ng’ä vai. Cun gui cu hmuh ba gui pyi nei. Cun ung phi Israel gui cu ami ng’yak hlü ah chang cu a u ang? Cun cu nang nei nang la napa ah kyong khui nei.

1 SAMUEL 12:2

Tuhbäi ning chuiso gui khai ani om ci. Kei ka mät cu, ka ghi ci, ka ng’pyok ci, ka hta gui cu nangmi awn a täng ah om ci gui. Kei cu ka hmaw yah ung tün ne, tuhbäi ung khüt sei nang mi ah chuisotu ah ka kyak ci.

1 SAMUEL 12:13

Tuhbäi shin ung nami ghü ah ghangpughang nei; nangmi naw nami thäh, tuhbäi Bawipa naw a ning pek gui nei.

SUKI GUI 8:22

Cun kawn ah Israel gui naw Kideon am, “Nang naw Midianit gui ah kut ung ka, na nah un gui ci kyasei, nang naw na na uk gui vai nei, nang ah hta ng’shon naw a na uk gui vai nei,” cik ci gui.

1 SAMUEL 10:19

Kei cu nami na Khanpughi, nami khüikha nak la nami geinvai nak avan ung ka ning hun gui ci, cun ung phi tuhngawi nangmi naw na hnu ng’tuk püi u ne, ghangpughang ka ning pek gui vai ah nami na k’thäh ci. Cun ung bä aih khai, nami van a täng ah pakhui ah si, pa ng’pai ah si ah, Bawipa ah ma ah nami ng’bum vai” cik ci.