1 SAMUEL 8:14 - Cho Bible Common Language 2016

¹⁴ Ani naw aknipi nami lo, sapyit lo la olive lo gui cu la ne a bawi gui am pe gui khai.

1 SAMUEL 8:14 Referans Kwoze

EZEKIEL 46:18

Uktu manghta naw chang gui ah khawh cham cu api phi kä lak pe gui hning ci. Ani naw a hta gui am a pek ah khobung cu ani ah ami phäh m’sak ah khaw ungka ah kyak ci. Cun ah kyasei ani naw a khaw lak pe ne ak shedam nak vai a u kä om ci.”

1 GHANGPUGHANG GUI 21:7

Jezebela naw, “Nang cu ghangpughang ah kä na kya ne ang? Ih phak ungka tho law ne, yeikyai ne, ei ei ä, Naboth ah sapyitduum cu kei naw ka gah khai nei!” cik ci.

1 GHANGPUGHANG GUI 21:19

Kei Bawipa naw ka pyen cu na m’thein vai nei, “Chang ngawn neta ani ah khawcham cu na lak khai ma? Shin ah kei naw ka pyen cu na m’thein vai nei: Naboth ah si ui gui naw ami m’leih nak ah hmun bä bä ung nang ah si cu m’leik khai gui nei!”

1 SAMUEL 22:7

ani naw a bawi gui am, “Ngai vä, Benjamin chang gui! David naw lai gui la sapyit lo gui nami van am ning pe gui ne, a ga kap ung bawi ah ning pyang gui khai ah nami ngai ne ma?

1 SAMUEL 8:13

Na hta hnumi gui cu ani ah phäh ah tui ng’ui pyan khai, ei shong khai, m’htut pyang khai ah tha gui khai.

1 SAMUEL 8:15

Ani naw nami htang la am theih gui ah bum gha bum ät la ne, a yung bawi gui la a hei bawi gui am pe gui khai.

1 GHANGPUGHANG GUI 21:2

Hnüüp ät ung Ahab naw Naboth a pyen nak cu, “Na sapyitduum cu na pe tu ba ä; cun cu kei ah mang im pei ung om ci nei, kei naw thui an geit nak ah duum ah ka ng’ya hlük ci nei. A cän ah phäh ah ni pi ciah duum cu ka ning pek khai nei,