1 SAMUEL 7:6 - Cho Bible Common Language 2016

⁶ Cun ah kyasei ami van Mizpah ung lawk ci gui. Ngami naw Bawipa am douthak nak ah, tui than ne k’peh u ne, cun hnüüp mü ne ei hlawi ci gui. Ngami naw, “Mikmi cu Bawipa hnu ng’tuk püi ne mi hma ci nei” (Israel gui ah lung ah Samuel naw abi nak cu Mizpah ah kyak ci)

1 SAMUEL 7:6 Referans Kwoze

2 SAMUEL 14:14

Mikmi mi van mi sik khai; mikmi cu m’dek ung kyak ciah tui ah mäih ah mi kyak ci, cun cu kaw ba ne kä gah ah kyak ci. Khanpughi naw phi aksi cu kä ghin ba sak ci. Cun ung phi ghangpughang naw omk’tu khaw ah ka chang lak nak ba vai ah lam cu hmu hning ci.

1 SAMUEL 1:15

“Ka, Saza, kei kä ka awktat ci nei, a i kä ka awk ci nei! Kei ka geinvai ci, ka taigü ci, ka khüikha nak cu Bawipa ung ka lawn ci nei.

SUKI GUI 10:10

Cun kawn ah Israel gui naw kyap m’lau u ne, Bawipa ung thu ami pyen cu, “Keimi naw nang ning hnung’tuk püine kami shekak ci nei, Kami Khanpughi nang ning nawng ne, Baala kami khawihnah ci nei” cik ci gui.

JOEL 2:12

“Cun ung phi tuhbäi, Bawipa naw pyen ci, Ei hlawi nak la thüi kyah nak awn, M’lung neim sak ne ng’yuu ba ne, kei ah ng’hlat law ba vä.

JEREMIAH 9:1

Kalu cu tui shawk tui ah mäih, kamik gui cu tui hta lawng ah mäih ah a kyak vai ka ng’ya hlük ci, Cun ung kei cu ami ngawn gui ah ka chang gui ah phäh ah amü a hnüüp ka kyap hning khai nei.

SAM 106:6

Keimi cu kami pupa gui ah mäih ah katnak kami bik ci; kami shekak ci, kami cheishoh ci.

SAM 62:8

Ka chang gui, ang täi sei, Khanpughi ngaih u vä. Nami khüikha nak avan m’thein vä, Ani cu mi ng’yii nak ah kyak ci.

LUKA 15:18

A tuhbäi ng’düi law ne, kapa ah hteit ba netah, Kapa aw, Khanpughi la nang Kapa ah khan ah katnak ka bi pyi ci nei,

SAM 119:136

Chang gui naw na thukhän kä ami läk ah hmawk ah tuinu ah mäih ah ka ng’phli li ci nei.

1 GHANGPUGHANG GUI 8:47

na chang gui ah taigü cu ngaih pe gui ä. Cun ah khaw ah ngami cu ng’yuu ba u ne, nang ah ami taigü law ung, a i hlawk ah ami kat ah mawng, akshe ami bi ah mawng cu ami ng’kiaa law ung, O Bawipa, ami taigü cu ng’yak pe gui ä.

EZEKIEL 20:4

“Hnicim chang, nang cu ngami m’kyuk gui ge vai ah na om ne ang? Na om ung bi ge ä. Ami pupa gui naw ami bi gui ah shemshai nak gui cu m’shüm tu gui ä.

NG’ÄI KYAH 3:49

“Ka ng’phlitui cu kä ng’düm ciah tuihta gui ung yu kyum ci nei.

NG’ÄI KYAH 2:11

Ka mik cu thüikyah nak awn yai ci, ka m’lung kyong cu khüikha aih ci. Ka chang gui ami dishum ah phäh ah thüi ne kei cu ka k’tha maih ci nei. A hmaw hta gui la nau sen hta gui cu mang gaw lam gui ung ami tha käi ne om ci gui.

JEREMIAH 31:19

Keimi naw nang kami ning hlah tak ci, Cun ung phi tuhbäi kami ng’hlat law ba hlük ci nei. Nang naw na na m’kyauk gui kawn ah, keimi cu kami lu bat ne kami thüi ci nei. Keimi cu lung aa ne kami thui hmai ci nei. A i ah kyasei ci ung keimi cu kami hmaw sang ung kami hmakak ci nei!

SAM 42:3

Ka gaa gui naw ak phlüt ah, “Na Khanpughi a hawi ang?” ci u sei, amü ak hnüüp kyap ne ng’phli tui kamü ngawi ei nak ci nei.

SAM 6:6

Kei cu yaica ne ka tha maih ci nei; Amü tä sei ih phak ung ka awk gu ci. Ka ng’khumbei ung ka ng’phli li ci.

JOB 42:6

Cun ah kyasei kei cu ka ng’thu ah phäh ah ng’a ne, ng’yu ba ne m’vut ung ka ngok ci nei.

JOB 33:27

Ani naw chang khli ah ma ah pyen khai, kei ka kak ci nei, kei naw ng’düng nak kä ka bik ci nei. Cun ung phi Khanpughi naw na m’htei ci nei.

JOB 16:20

Ka teihpüi gui naw na päipih ci gui, Kei cu Khanpughi ah ma ah ka ng’plitui chah ne ka kyap ci nei.

NEHEMIAH 9:27

cun ah kyasei ngami cu ami ga gui am näng sak gui ne na uk sak gui ci. Ngami ami khüikha yah ung na m’htei gui vai ah ning thäh u sei, Khankho ah ka naw na m’shang gui ci. Dämduh ciah na chimgein nak awn ami ga ung gung gui khai ah angvai gui cu na tüih pe gui ci.

2 SHONTÄP NAK 20:3

Jehoshaphat cu kyikyawk neta, Bawipa naw lam am shüm vai ah taigü ci. Ami khopäng avan ung chang gui ei hlawi ne ami taigü vai ah thu k’bäi ci.

SUKI GUI 3:10

Bawipa ah mümcha cu ani ah khan ah gawk law sei, ani cu Israel gui ah ang vai ah kya lawk ci. Othniela cu ng’tuk vai ah hteit sei, Bawipa naw ani am Mesopotamia ghangpughang ah khan ah näng nak pek ci.

TAIGÜTHUM 26:40

“Cun ung nami htangshon gui naw ami katnak la ami pupa gui ah katnak cu ng’yu ba khai gui, cun ah pupa gui cu kei na lüm u ne, na hnungtuk püi ci gui ah kyak ci gui.

ATÜNNAK 31:49

Laban naw, “Shin ung mi ng’pai law ung Bawipa naw na m’htei gui sä” cine pyen ci. Cun ah kyasei cun ah hmun cu Mizpah ah sui ci gui.

TAIGÜTHUM 16:29

Shin ah thungyo gui cu lawk khai ah a khin avan ung ngaih mah nak gui vai ah kyak ci. A cha chih nak ah, a hnüüp gha hnüüp ung Israel chang gui la ami ng’lung ah om tuk ciah a khawhei chang gui cu ei ami hlawi vai, a i phi kä ami bi vai.

1 SAMUEL 7:15

Samuel naw a ghin yah ak chuih Israel cu uk ci.

JEREMIAH 36:9

Jehoiakim, Judah ghangpughang ah a kyak nak, kum hma nak ah a cha kaw nak ung chang gui naw Bawipa ah m’kuum nak gah vai ah ei hlawi ci gui. Ei hlawi nak cu Jerusalem ung om ciah chang avan la Judah khaw gawnu gui ungka lawk ci gui ami van naw bik ci gui.

JOSHUA 18:26

Mizpah, Chephirah, Moyah,

SUKI GUI 2:4

Khanchang naw shin ah thu a pyen vai-am Israel chang gui ami van cu kyap ci gui,

SUKI GUI 10:15

Cun ung phi Israel gui naw Bawipa ah ma ah, “Keimi kami shekak ci nei. Na m’hni ah na ci gui ä, cun ung phi tuhngawi, na bä ni, nah un gui ä” cik ci gui.

SUKI GUI 20:26

Cun ung Israel chang gui ami van Bethela ah hang kai u ne kyap ci gui. Ngami cu a cu ah Bawipa ah ma ah ngaw u neta mühun güt ung ei kä ei ci gui. Ngami naw hmuhchum douthak nak cu douthak u ne, khawihnah nak along ah m’khih u ne, cun gui avan cu Bawipa ah ma ah bik ci gui.

1 SAMUEL 10:17

Samuela naw chang gui cu a täng ah khü gui ne, yum na tängaw Mizpah ung ng’bum sak gui ci.

1 SAMUEL 12:10

Cun kawn ah Bawipa naw am htei gui vai ah m’lau u neta, “Keimi kami hma ci, a i ah kyasei ci ung, keimi naw nang kami ning hlah tak ci, Bawipa, keimi naw Baala la Astarte gup cu kami khawihnah ci. Kami ga ung ka nak phyawn gui ä, keimi naw kami ning khawihnah khai!” cik ci gui.

1 SHONTÄP NAK 11:18

Mingthang ciah gakap thum naw Philistin gui ah phung cu ak gat ah kan u ne, tuishawk ungka tuithan u neta, David ah law püi ci gui cun ung phi ani naw cun cu kä awk ci, ani naw cun ah tui cu Bawipa am phyuh ne douthak neta,

JOB 3:24

Kei cu ka ei nak vaisü ung ka kyap ci, Ng’hlaw ei nak ung kä ka kyap ci,

NG’ÄI KYAH 5:16

Keimi kami khähghah nak ungka, a i phi kä k’pawih ci nei. Keimi cu hmaka u ne tuhbäi kami ng’yiin ci.

HOSEA 5:1

“Taigü gui aw, shin cu ngai vä, Israel chang gui ngaih na vä! Ngai vä nangmi mang im kyong chang gui! Nangmi cu taga khai ah nami m’khoichak khai ah nami kyak ci. Cun ah kyasei nami khan ah m’khoicha nak gawk lawk khai. Nangmi cu Mizpah ung m’hling baan Tabor m’htung ung ng’vai cuun,