1 SAMUEL 7:5 - Cho Bible Common Language 2016

⁵ Cun kawn ah Samuel naw chang tüi ne Israel van Mizpah ung hmuh vai ah khü gui ci, ani naw, “Acu ah nangmi ah phäh ah Bawipa ah ka taigü khai.”

1 SAMUEL 7:5 Referans Kwoze

SUKI GUI 20:1

Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.

JOEL 2:16

Chang gui atäng ah bum gui vä; theing ciah ng’ge nak vai ah pawng püi gui vä; aghipa gui law püi gui vä; a hmaw gui bum gui vä nausen gui phi bum gui vä. Ng’chu ng’la thai ci gui phi ami im nawng shüt ne law u sä.

NEHEMIAH 9:1

A cun ah cha a hnüüp m’ku lei phli nak ung Israel chang gui cu ami hmakat nak thüi ne ami ng’yu ba ah mawng ami m’dang nak ah ei hlawi khai gui ah ng’bum ci gui. Ngami cu akhui hei chang van ami van awn ami mät ng’pai pyi ci gui ah kyak ci. Ngami cu ami thüisei nak dang khai ah suishe sui ne, ami lu khan ah m’vut tha u ne kyak ci gui. Cun kawn ah ng’düi law u neta ami mät la ami pupa gui ah m’cheishoh ah hmakat nak gui cu ng’yu ba ci gui.

2 GHANGPUGHANG GUI 25:23

Akut kä k’chah tuk ciah Judean bawi gui la gakap gui naw acun cu ng’ya u neta Mizpah ung law ne Kedaliah ung ng’dawn lawk ci gui. A cun bawi gui cu Nethaniah ah hta Ishmaela, Kareah ah hta Johanan, Netophah gawnu ah ka Tanhumeth ah hta Seraiah la Maakah ah ka Jezaniah ah kyak ci.

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.

1 SAMUEL 10:17

Samuela naw chang gui cu a täng ah khü gui ne, yum na tängaw Mizpah ung ng’bum sak gui ci.

1 SAMUEL 7:16

Akum tä sei Bethela, Gilgal la Mizpah gui cu m’hleh ci, cun ah hmun gui ung ng’cuh can nak avan cu dim sak ci.

1 SAMUEL 7:12

Samuel naw lung la ne, Mizpah la shen ah ng’lak ung k’süm neta, “Bawipa naw lam pum ung na m’htei gui ci nei” ci neta, acun cu “M’htei ciah lung” ngah sui ci.

JOSHUA 15:38

Dilean, Mizpah, Joktheel,

ATÜNNAK 20:7

Cun ah kyasei hnumi cu a cei am na ap ba vai nei, a cei cu prophet nei, ani naw ning taigü pe sei, nang cu kä na sik khai nei. Kä na ap ba läi ung nang la na chang gui ami van cu nami si yawp khai nei, ciah ka ning m’thein ci nei” cik ci.

ATÜNNAK 31:49

Laban naw, “Shin ung mi ng’pai law ung Bawipa naw na m’htei gui sä” cine pyen ci. Cun ah kyasei cun ah hmun cu Mizpah ah sui ci gui.

SUKI GUI 10:17

Cun yah ung Ammonit gakap gui cu ng’tuk vai ah pawng u ne, Kilead ung phung tu ne om ci gui. Israel chang gui cu ng’bum ne law u ne, Kilead khaw Mizpah ung phung tu ne om ci gui.

1 SAMUEL 7:4

Cun ah kyasei Israel gui naw Baal la Astarte ah gup gui cu nawt heng u ne, Bawipa bäng khawihnah ci gui.

1 SAMUEL 8:6

Ghangpughang vai ami m’thäh ah phäh ah Samuel cu kä yei ci; cun ah kyasei ani cu Bawipa ah

1 SAMUEL 12:17

Shin cu kho cha ah kyak ci, kä kya ne ang? Cun ung phi kei ka taigü khai. Bawipa naw kho hmun la kho aa tüi lawk khai. Shin gui a kyak law ung, nangmi naw Bawipa hnu ng’tuk püi ne dämduh ciah katnak nami bi cu nami hmat ba khai.

JEREMIAH 40:6

Kie cu mizpah ah hteit ne kedaliah awn atäng ah om tu ne, can ah khan ung ami nawng shüt gui ah chang gui ah ng’lung ah ka om ci.

JOSHUA 18:26

Mizpah, Chephirah, Moyah,

HOSEA 5:1

“Taigü gui aw, shin cu ngai vä, Israel chang gui ngaih na vä! Ngai vä nangmi mang im kyong chang gui! Nangmi cu taga khai ah nami m’khoichak khai ah nami kyak ci. Cun ah kyasei nami khan ah m’khoicha nak gawk lawk khai. Nangmi cu Mizpah ung m’hling baan Tabor m’htung ung ng’vai cuun,