1 SAMUEL 7:4 - Cho Bible Common Language 2016

⁴ Cun ah kyasei Israel gui naw Baal la Astarte ah gup gui cu nawt heng u ne, Bawipa bäng khawihnah ci gui.

1 SAMUEL 7:4 Referans Kwoze

HOSEA 14:8

Israel chang gui naw a i a gup phi kä bilo ba khai gui. Kei naw ami taigü m’shang gui ne ka m’hteihtang gui khai. Angtäi sei ching ciah sing ah mäih ah kei naw ka ng’hniim gui khai. Kei cu ngami phyuhtheh nak ah aphung ah ka kyak ci.”

HOSEA 14:3

Assiria naw kä na hun gui hning ci. Ng’tuk ciah ng’se gui naw kä na shungvong gui hning ci. Keimi naw kami pyan ah agup gui am kami Khanpughi ah kä kami pyen ba khai. O Bawipa ami ng’hlah shi vai kä om ci gui ah khan ah na chimgein nak m’dang ä.”

1 GHANGPUGHANG GUI 11:33

Kei naw acun ah ka bi lawk khai, a i ah kya se ci ung Solomon naw kei cu na hnungtuk püi ne a khaw hei khanpughi gui a khawihnah ah phäh ah kyak ci: cun gui cu Astarte Sidon khanpughinu; Chemosh, Moab khanpughi; Molek, Ammon khanpughi ah kyak ci. Solomon naw kä na ngai ci; ani naw chei khai ah bik ci, apa David ah mäih ah kei ah ka thukhän gui la thumkhän gui cu kä k’pang ci.

SUKI GUI 2:13

Ngami naw Bawipa Khawihnah nak cu nawng u ne, Baala la Astarte gui cu khawihnah ci gui.

SUKI GUI 2:11

Israel chang gui cu Bawipa hnu ng’tuk püi ne katnak bi u ne, Baala gui cu tün ne khawihnah ci gui.

1 SAMUEL 7:3

Samuel naw Israel chang gui am, “Nang mi cu nami m’lung avan awn Bawipa täng ah nami ng’hlah law ba ah a kyak ung, a khaw hei khanpughi gui la Astarte ah a gup cu nami nawt heng vai. Bawipa ung nami mät avan nami ng’ap vai, ani bäng nami khawihnah vai, cun ung ani naw Philistin gui ah huham ung ka ning k’phiawn gui khai” cik ci.

1 SAMUEL 7:5

Cun kawn ah Samuel naw chang tüi ne Israel van Mizpah ung hmuh vai ah khü gui ci, ani naw, “Acu ah nangmi ah phäh ah Bawipa ah ka taigü khai.”

1 GHANGPUGHANG GUI 8:48

Cun ah khaw ah ngami cu akcang ah m’lung hnip ne, ami ng’yuu ba ung, ngami cu kami pupa ghü ah shin ah mang gaw, nang ah phäh ah kei naw ka cawh ah shin ah Taigüim täng ah mang ne ami taigü ung,

1 GHANGPUGHANG GUI 11:5

Ani naw Sidon ah Khanpughi hnumi Astarte la Ammon ah shemshai ciah Khanpughi Molek cu khawihnah ci.

2 GHANGPUGHANG GUI 23:15

Josiah naw Bethela ung khawihnah nak ah hmun cun phi phyek ci, cun cu Israel chang gui katnak ung hteh pui gui ciah Nebat ah hta, Ghangpughang Jeroboam naw a cawh ah kyak ci. Josiah naw sonkiang cu phu hlit ne, a cun ung lung gui cu ng’phyit khai ah m’shet ne, khui khai ah deng ci; ani naw Asherah ah müi-gup phi m’khih ci.