1 SAMUEL 7:17 - Cho Bible Common Language 2016

¹⁷ Ani cu Ramah a im ah hteit ba ci, acun cu taga suki ah bi abi nak ah kyak ci. Ramah ah ani naw Bawipa ah hmawk ah mangkiang co ci.

1 SAMUEL 7:17 Referans Kwoze

1 SAMUEL 1:19

A ngawi ung kho ngawi Elkanah la akyong ung ka gui cu hang kai ngawi u ne, Bawipa ami khawihnah kawn ah, Ramah, ami im ah hteit ci gui Elkanah cu akchu Hannah awn ng’yaw ni neta, Bawipa naw ani ah k’taigü cu m’shang ci.

1 SAMUEL 8:4

Cun kawn ah Israel ang vai gui cu ng’chum u neta Samuel ah om nak Ramah ah hteit ci gui.

1 SAMUEL 1:1

Elkanah ming nak ciah chang tumat om ci, ani cu Ephraim pakhui ah kyak ci, Ephraim kho m’htung nawi Ramah gawnu ah om ci. Ani cu Jeroham ah hta Elihu ah tu ah kyak ci, Tohu kyong khui, Zuph pa ng’pai ung ka ah kyak ci.

1 SAMUEL 11:15

Cun ah kyasei ami van Gilgal ah hteit u ne, a cu ah theing ciah hmun ung Saul cu ghangpughang ah ng’shäu ba ci gui. Ngami naw hmuh chum-khawihnah nak cu dou thak u ne, Saul la Israel chang avan naw cun ah mawng cu bik ci gui.

ATÜNNAK 35:7

A cun ung ani naw Khanpughi ah mangkiang co neta Bethela ah sui ba ci. Cun cu ani a phäi ungka a dawng yah ung Khanpughi naw ang dang nak ah kyak ci.

ATÜNNAK 33:20

Ani naw a cun ung khawih kiang co neta, “El, Israel Khanpughi” ciah a ming sui ci.

1 SAMUEL 2:11

Elkanah cu Ramah pigaw a im ah law ba ci, cun ung phi ak hmaw Samuel cu Shilon ah om shüt ne, taigüpa Eli ah ka ah om ne, Bawipa ah bi bik ci.

1 SAMUEL 9:12

“Ä, om ci nei,” ci u ne hnumi hta gui naw, “Akcang ah, ani cu nani ma lung ung om ci nei. Na ni yang ah ak kyang ung na ni k’pha khai nei. Gawnu kyong ah nami valuh vai am ani cu nani hmuk khai nei. Ani tuhngawi gawnu ah gawk lawk ci, a i ah kyasei ci ung chang gui naw khomhtung ah mangkiang ung khawihnah nak douthak khai gui ah kyak ci. Ami khü tu gui ah chang gui naw ani cä ah kä a gawk pha ah chuih, ei tün ne kä ei khai gui, a i ah kyasei ci ung khawihnah nak cu ani naw hriham pe ma khai. Tuhbäi nani hteh ah a kyak ung, ani ei tuk khai ah m’htung ah kä hang kai pha sei nani hmuk khai nei.”

1 SAMUEL 14:35

Saul naw Bawipa ah sonkyang co ci. Cun cu a cawh htük bäih ah kyak ci.

1 SAMUEL 15:34

Cun kawn ah Samuela cu Ramah ah hteit ba ci, Saul ghangpughang cu Gibeah a im ah hteit ba ci.

1 SAMUEL 28:3

Tuhbäi cu Samuel sik ci, Israel chang ami van cu ani ah phäh ah mang gaw Ramah ah k’phuh ci gui. Saul naw ng’cä bang thei ci gui la k’ce gui cu, Israel khaw ami hteh tak vai ah ak täm gui ah kyak ci.

ISAIAH 10:29

Ngami cu k’hteng kau law une, Keba ung mü ip ci gui! Ramah gawnu ung om ciah chang gui cu kyih aih ci gui, Gangpughang Saul ah gawnu Kibeah ung om ciah chang gui cu a hei ah dawng ci gui.

SUKI GUI 4:5

Ani cu Ephraim khaw-gui Ramah la Bethela ah ng’lak ung Can ghing ka ah ngaw bäk bäk ci, Israel chang gui cu ani naw am khoimcha gui vaih a cu ah hteit ci ci gui.

SUKI GUI 6:24

Kideon naw acun ung Bawipa am soukiang cawh pen eta ang ming a sui cu, “Bawipa cu Dimdeeih nak” ciah kyak ci. (Cun cu Ophrah ung tuhgüt ng’düi ci, cun cu Abiezer pahta ah ka ah kyak ci.)