1 SAMUEL 7:12 - Cho Bible Common Language 2016

¹² Samuel naw lung la ne, Mizpah la shen ah ng’lak ung k’süm neta, “Bawipa naw lam pum ung na m’htei gui ci nei” ci neta, acun cu “M’htei ciah lung” ngah sui ci.

1 SAMUEL 7:12 Referans Kwoze

2 KORIN 1:10

Cun hlawk ah kyih aih vai ah sih nak ung kaa, Bawipa naw na hun gui ci; na hun ba gui khai; cun kawn ah phi na hun ba gui mä khai ah yum ne mi ngaih u ci.

JOSHUA 4:9

Joshua naw phi lung gha lei goi cu Jordan ah tuinu ah anglung ung ng’ling ci. Cun cu Thukhän M’küm kawt neta taigü gui naw ami düih nak ah hmun ah kyak ci. (Cun ah lung gui cu atuhgüt acun ung om ci.)

LAMKTU 26:22

Cun ung phi tuk ngawi ung khüt khai ah Khanpughi naw nam htei sei, ak pyam, ang mang, chang khli ah ma ah, ka saksi ci nei. Moses la prophet gui ah ng’thu pyein ah mäih bä bä ah;

ATÜNNAK 22:14

Cun ah hmun cu Abraham naw, “Jehova Jereh” ah sui ci. Cun cu tuh ngawi güt ung “Bawipa naw a pek nak ah m’htung” cine pyen ci gui.

ATÜNNAK 35:14

Cun ah Khanpughi naw ang thu nak püi ah hmun ung Jakob naw lung k’tung ng’ling neta tui ng’ui la oliv situi awn shawi ci.

1 SAMUEL 5:1

Philistin gui naw Thukhän M’küm ami guh gui kawn ah, ngami naw Ebenezer ah ka ami mang gaw Ashdod ah hteh püi ci gui,

ISAIAH 19:19

Cun ah khin a gawk law ung, Egypt khaw ung Bawipa ah sonkiang tumat om khai, Egypt khogii ung ani un gap ah lungktung tumat om khai.

SAM 71:17

Ka hmaw sang ung tün ne angtäi sei na na m’htei ci, cäicat vai ah na hnün thawh ah mawng cu ka pyen lä ci nei.

SAM 71:6

Kei ka ghin nak chuih nang ung ka om ci; kei ka ng’tüi law ge ung nang naw na na shungvong ci, angtäi sei ka ning m’taam khai.

1 SAMUEL 4:1

Cun sangung Philistin gui naw Israel gui cu tuk püi gui vai ah hteit ci gui, cun ah kyasei Israel gui naw ng’tuk püi tu ba gui vai ah pawng ci gui. Israel gui cu Ebenezer ung phung tu ne om u sei, Philistin gui cu Aphek ung om ci gui.

PHYAWN NAK 17:15

Moses naw kiaang co neta, “Jehovahnisi, Bawipa cu kei ah Näng nak nei” cine a ming sui ci.

1 SAMUEL 7:11

Israel gui cu Mizpah gaw k’pung ah lut law ne ng’täm law u ne, Philistin gui cu Bethcar ah khüt ne gawk ne pha gui ci gui, lam pum ung ngawn gui ci gui.

1 SAMUEL 14:35

Saul naw Bawipa ah sonkyang co ci. Cun cu a cawh htük bäih ah kyak ci.