1 SAMUEL 7:10 - Cho Bible Common Language 2016

¹⁰ Samuel naw khawihnah nak a douthak sang ung, Philistin gui naw tu gui khai gui ah ng’et lawk ci gui; cun ung phi, acun hta ng’lung ung khankho ah Bawipa ng’hmum kyeek ne hnu ng’tuk püi gui ci. Ngami cu ng’caw ng’thääh u ne, düngkyong ne dawng ci gui.

1 SAMUEL 7:10 Referans Kwoze

1 SAMUEL 2:10

Bawipa ah gaa gui cu dishum khai gui; Ani naw khan ah ka naw hmun kyeek awn hnu ng’tuk püi gui khai. Bawipa naw khaw ng’lei avan m’khoi chak khai; ani naw a ghangpughang huham pek khai, ani naw a ghü ah ghangpughang cu näng m’khüt sak khai.”

1 SAMUEL 12:17

Shin cu kho cha ah kyak ci, kä kya ne ang? Cun ung phi kei ka taigü khai. Bawipa naw kho hmun la kho aa tüi lawk khai. Shin gui a kyak law ung, nangmi naw Bawipa hnu ng’tuk püi ne dämduh ciah katnak nami bi cu nami hmat ba khai.

SUKI GUI 5:20

Aisi gui naw khawmik ungka naw ng’tuk bik ci gui; Ngami cu khawmik ung ng’nawk u ne, Sisera cu hnu ng’tuk ne tuk ci gui nei.

JOSHUA 10:10

Bawipa naw Amorit gui cu Israel gakap gui ah ma ah ang ghit ah kyikyawk sak gui ci. Israel gui naw Kibeon ung ngawn gui u ne, Beth Horon phlän ciah khomhtung ah khüt ne gawt gui u ne, ahtum täng Ayekah la Makkedah ung khüt ne k’pang ne tu gui ci gui.

ZEKHARIAH 4:6

Bawipa ungka lawk ciah shin ah ng’thu cu, Zerubbabela am ka pek vai ah khanchang naw na m’thein ci nei. “Nang cu na näng khai, cun cu gakap huham awn ah kä kyak ci, na mät ah thagui awn ah kä kyak ci, kei ah ka mümcha awn ah kyak ci.

SUKI GUI 5:8

Israel chang gui naw Khanpughi gui ak thai ami ghü kawn ah, khaw ung ng’tuk nak om ci nei. Israel chang phya, phya phli kip ung ka, Shawi käcung k’htei kawt ci a u om ne ang?

SUKI GUI 4:15

Bazak naw a gakap gui awn a tuk law gui yah ung Bawipa naw Sisera la a yatha gui, ak chang gui avan cu ng’phying sak gui sei, Sesera cu yatha khan ah ka kyum law ne, a khaw awn dawng ci.

1 SAMUEL 7:11

Israel gui cu Mizpah gaw k’pung ah lut law ne ng’täm law u ne, Philistin gui cu Bethcar ah khüt ne gawk ne pha gui ci gui, lam pum ung ngawn gui ci gui.

1 SAMUEL 14:15

Cun ah khohmun ung om ciah Philistin gui cu cäcat yawp ci gui, ng’tuk bi ci gui la gakap gui cu phung kyong ah kyi ne htet ci gui; khomdek thüng ci, ak tung ah thünggüng nak om ci.

SAM 29:3

Bawipa ah ak’aw cu tuinu ah khan ah ng’yak nei; ng’hmum kyeek ciah Khanpughi bäkhäk nak la ak aw cu tuinu ah khan ah ng’shan lawk ci nei.

SAM 29:4

Bawipa ah aw cu a bämang nak la a küikyang nak ung ng’yak nei.

THULÄÄN NAK 28:7

“Nami ga gui naw ami ning tuk law gui ung, Bawipa naw hniim gui khai. Ngami naw lam tumat ung law ne ami ning tuk law pang ung phi lam avan ung dawng ba khai gui.

SAM 18:15

Bawipa, na gaa gui cu hawh gui ne, m’lungshe ne na m’ngawn gui ung tuinu ah ka ng’lei cu dang ne, m’dek ah khan cu ng’hmawng ci.

SAM 78:66

Ani naw a ga gui cu k’tääm gui ne, angtäi sei lü ng’aa sak gui ci.