1 SAMUEL 7:1 - Cho Bible Common Language 2016

¹ Cun ah kyasei Kiriah Jearim ah chang gui naw Bawipa ah Thukhän M’küm cu la u ne, Abinadab ah im ah tha ci gui, ani cu m’htung khan ah om ci. Ngami naw ani ah hta Eleazar cu acun m’htei khai ah ghü ci gui.

1 SAMUEL 7:1 Referans Kwoze

ISAIAH 52:11

Taigüim ung ka, khawh gui kawt chang ci gui nami van, Babilon ung ka ang ghit ah hteit vä! Hlawi zeeih phungcu kä nami tawn en vai nei; Nami mät theing cim sak neta hteit vä!

SAM 132:6

Bethlehem ah Thukhän m’küm ah mawng mi ng’ya pyi ci, Jearim kho hmun ung mi hmu pyi ci.

1 SAMUEL 6:21

Ngami naw Kiriah Jearim chang gui am ng’shä tüih ne ami pyen sak gui ci, “Philistin gui naw Bawipa ah Thukhän M’küm law püi ba ci gui nei, law ne la law vä” cik ci gui.

JOSHUA 18:14

Khogii cu vangtäng ung phi, shin ah khomhtung ah akhei täng ungka naw ahtum täng ah ng’hlat ne, Kiriah Baala (Kiriah Jearim) ung hteit ci, cun cu Judah pakhui ah khäm ah kyak ci. Shin cu akhei täng khogii ah kyak ci.

JOSHUA 9:17

Cun ah kyasei Israel chang gui naw tün ne hteit u ne, a hnüüp thum ung shin ah chang gui ah om nak ah mang gaw gui ah gawk ci gui. Cun gui cu Kibeon, Chephirah, Beeroth, la Kiriah Jearim ah kyak ci.

1 SAMUEL 7:2

Thukhän M’küm cu Kiriah Jearim ung akshou om ci, kum ku om ci. Cun ah ah khui ung Israel chang gui ami van cu Bawipa naw am htei gui vai ah kyap ne taigü ci gui.

1 SHONTÄP NAK 13:3

Cun kawn ah ghangpughang Saul a om yah ung ami nawng ah Thukhän M’küm cu hteit ne mi lak khai nei” cik ci.