1 SAMUEL 6:6 - Cho Bible Common Language 2016

⁶ Egypt ghangpughang la Egypt chang gui ah mäih ah a i ah kyasei nami ling aih vai ang? Egypt ung ka Israel chang gui kä ami hteh sak gui pha ah chuih Khanpughi naw akgu ah mäih ah a kyak sak gui cu kä nami m’hnih vai.

1 SAMUEL 6:6 Referans Kwoze

PHYAWN NAK 14:17

Kei naw Egypt chang gui cu akcang ah ka ling sak gui khai, ngami naw ning läk law gui khai gui. Ghangpughang, a gakap gui, yatha gui la ng’cum ci gui ah khan ah ka näng nak awn m’taam nak ka gah khai nei.

PHYAWN NAK 8:15

K’u gui ami sih cu ghangpughang naw hmu neta, ani cu ling ba mä ci. Bawipa ah pyen ah mäih ah Moses la Aaron cu ghangpughang naw kä ngai goi ci.

PHYAWN NAK 7:13

Cun ung phi ghangpughang cu king gäk gäk ne, Bawipa naw a pyen ah mäih ah ghangpughang naw Moses la Aaron cu kä ngai goi ci.

PHYAWN NAK 9:34

Ghangpughang naw cun gui cu hmu neta, katnak bi ba ci. Ani la a bawi gui cu ling ba lä ci gui.

HEBRU 3:13

Nangmi cu cheishoh nak ung kä thuvi ne kä nami lingkheng-en vai ah, cacim theing naw “tuhngawi” ciah thu anam thein nak gui a om ah chuih, ak hnüüp tä sei tumat la tumat anmi hteinghtang tu vai nei.

ROMAN 2:5

Cun ung phi nang cu lingkeng ciah nam lung om ci, Cun ah kya sei, Khanpughi ah m’lung she nak la düng ciah m’khoichaa nak a gawk law hnüüp ung, nang cu nuipai ciah shet m’kat nak na gah khai.

SAM 95:8

“Kä nami ling aih vai nei, nami pupa gui Meribah ung ami kyak ah mäih ah, cu hnüüp ung Massah bung ah ami om ah mäih ah kä nami kyak vai nei.

JOB 9:4

Khanpughi cu cüivai ne huham mah ci nei; a u naw ani kä ng’tuk püi hning ci.

PHYAWN NAK 14:23

Egypt chang gui naw ami hnu ah k’täm law gui u ne, ami ng’se gui, ami yatha gui la ng’cum ci gui avan cu tui ung ng’phäi lawk ci gui.

PHYAWN NAK 10:3

Cun ah kyasei Moses la Aaron naw ghangpughang ah hteit ni neta ng’thu ani pyen cu, “Bawipa, Hebru gui ah Khanpughi ah ng’thu cu kei ah na ng’paa law nak vai cu a i güt na mak khai ang? Ka chang gui cu hteh sak gui ä, cun ung ngami naw na khawihnah khai gui nei.

PHYAWN NAK 9:16

Cun ung phi ka huham ka ning m’dang nak ah ka ning ghin sak khai, cun ung kei ah ka m’gäi nak cu m’dek khan avan ung gawk khai.

PHYAWN NAK 8:32

Shin hlawk ah kyasei phi, ghangpughang cu ling ne, Israel chang gui cu kä hteh sak ba gui ci.

PHYAWN NAK 4:21

Bawipa naw Moses cu ng’thu püi bamä ne, “Tuhbäi nang cu Egypt ah na hteit law ba ci, cäi aih gui vai avan cu ghangpughang ah ma ah na bi kheng vai nei. Cun ah na bi vai kei naw huham ka ning pek ah kyak ci. Cun ung phi kei naw ghangpughang cu ka ling sak khai, ani naw chang gui kä hteh sak gui khai.

PHYAWN NAK 7:14

Cun kawn ah Bawipa naw Moses am, “Ghangpughang cu ling aih ciah chang gui kä hteh sak gui ci.