1 SAMUEL 6:5 - Cho Bible Common Language 2016

⁵ Nangmi naw shin ah ng’khe gui la k’pui gup gui cu nami pyan vai, cun gui naw nami khaw m’dishum ci gui, nang mi naw Israel Khanpughi am m’taam khah nak nami pek vai. Cun ung nangmi, nami khanpughi gui la nami khaw ah khan ah gawk khai ah gawk lawk ciah m’kyuk nak cu düm ei sak hman khai.

1 SAMUEL 6:5 Referans Kwoze

JOSHUA 7:19

Joshua naw ani am, “Ka hta aw, Israel gui ah Khanpughi Bawipa ah ma ah akcang na pyen vai, na ng’yu ba vai. A i na bi cu tuhbäi na na m’thein vai. Kei ah ma ah na m’yih vai ah kä na tha nak en vai” cik ci.

1 SAMUEL 5:11

Cun ah kyasei Philistin ghangpughang ami van gui khü ba mä u neta, “Israel gui ah Thukhän M’küm cu amät ah hmun ung tha ba vä, cun ung acun naw mikmi la mi kyong ung ka gui kä na ngawn ba gui khai” cik ci gui. Mang gaw avan ung düngkyong nak om ci, a i ah kyasei ci ung Khanpughi naw tä khüt aih khai ah am kyuk gui ah hmawk ah kyak ci.

JOHAN 9:24

Pharise gui naw, amik m’dauh te ciah chang cu khü ba mä u netah, “Khanpughi ah ma ah thukhän ne, düng nak awn na pyein vai, namik ning m’dei sak ba ciah chang cu katnak bik ciah kami hmat pyi ci” ci nak ci gui.

ISAIAH 42:12

A khawsho nak ah khaw ungom ci gui Bawipa cu m’tam vä, abäi mang m’dang vä!

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

SAM 32:4

Bawipa, amü a hnüüp kei cu na nam kyuk ci nei; ka thagui cu avan ket yawp ne, chakho ah m’hutui a kawi ah mäih ah kyak ci nei.

1 SAMUEL 5:9

Cun ung phi cun a gawk awn ah Bawipa naw cun ah mang gaw cun phi m’kyuk ne, akdämduh ah düngkyong sak gui ci. Ani naw sa ng’khe nak awn m’kyuk gui sei, mang gaw ung chang avan aghi ak hmaw gawk yawp ci.

THU PHLAAN 16:9

Chang gui cu cun ah ng’ling aih ci naw ui law gui khätah, leigaai gui ah khan ah a huham om ciah Khanpughi cu m’shetkat ne ng’thu ci gui. Cun ung phi ngami cu ami katnak ung phi kä ng’yu ba u ne, Khanpughi phi kä m’kümto ci gui.

THU PHLAAN 14:7

Cun ah khankho chang naw, “Khanpughi cu m’tamkhah vä, a hlüngtai nak cu m’kümtou vä! Chang am khoichaa nak vai ah akhin cu gawk law pyi ci nei. Khankho khomdek, tuinu tuihta avan, tüisho ciah Khanpughi cu khawihnah vä” cine m’lau ci.

THU PHLAAN 11:13

Acun vai-am shihpi thüng ne ng’hmum law sei, mang gaw ah bumghaa ung bum ät cu di yawp ci, chang phia chih-kip phi si yawp ci gui. K’pawih ba ciah chang gui cu cäicat u ne, khanmawpi ah Khanpughi ah hlüngtai nak cu m’kümtou ci gui.

MALAKHI 2:2

Nami bilawh nak phung ung kei cu nami na kyih aa vai. Kei ah ka ng’thu cu kä nami ngaih ah a kyak ung, nami khan ah plah tam nak ka law püi khai. Nami ng’dühshon nak vai ah nami gah ah khan ah phi plah tam nak ka chah khai. Nangmi naw ka thumkhän cu a i ah kä nami sui ci kyasei, nami gah gui ah khan ah plah tam nak cu ka chah pyi ci nei.

JOEL 2:25

Na shum nak gui cu ka ning pe ba khai ng’hlom ciah khanpeh gui naw na geit gui ami ei ah kum ung ka ah kyak ci. Shin ah gakap cu nang ning hnungtuk püi khai ah ka tüih law ah kyak ci nei.

JEREMIAH 3:13

Na cheishoh la Bawipa na khawpughi na hnungtuk püi nak cu na ng’kiaa vai. Sing fhing ah ka päng ung akhihei khanpughi gui am na m’hni nak na pek la kei ah thumkhän gui kä na läk cu na ng’paa vai, kei Bawipa naw ka pyen nei.

ISAIAH 19:1

Shin cu Egypt ah mawng thum’khäh ah kyak ci. Bawipa cu khongmei akyäpah ng cun ne Egypt ah lawk ci nei. Egypt gui ah amiagup gui cu ama ah ng’hlet ci gui, Egypt chang gui ami thagui maih ci.

SAM 66:3

Khanpughi-am, “Na bilawh gui cu cäicat vai ah kyak ci nei! Na huham cu däm ciah ci nei, Na gaa gui naw ning kyih u ne na ma ah kawp ci gui nei.

SAM 39:10

Cun kawn ah kä na m’kat en ba ä! Na na tukthah ah hmawk ah ka si lawk khai kyak ci nei.

SAM 18:44

Kho hei chang gui ka ma ah kawp ci gui; Ka mawng ami ng’yak ung na ngai ci gui.

KHEI NAK 33:4

Cun sangung ngami cu Bawipa naw a ngawn pek gui ah ami hta htük gui cu htüm tha ci gui. Shin ah abi nak awn Bawipa naw, Egypt khanpughi gui ah ta a huham mah nak cu m’dang ci.

PHYAWN NAK 12:12

“Cun ah mü ung Egypt khaw avan yäu ne ka hteit khai, chang gui la seime gui ah hta htük gui phung ka ngawn khai. Egypt gui ah khanpughi gui avan ka m’kyuk khai. Kei cu Bawipa nei.

PHYAWN NAK 8:24

Bawipa naw pikying mawng mah cu ghangpughang ah mang im la a bawi gui ah im gui ung yuk chah ci. Cun ah pikying gui naw Egypt khaw avan cu m’di ci gui.

PHYAWN NAK 8:17

Aaron naw khomdek cu ang shopawng awn that khäta, Egypt khaw avan ung m’vut cu khogang ah kya yawp ne, chang gui la khisa avan cu küm yawp ci.

PHYAWN NAK 8:5

Bawipa naw Moses am, “Aaron na pyen nak vai, ang shopawng kawt ne, tuinu gui, tui m’hlon gui, tui shawk gui ah khan ah k’shäng ne Egypt khaw avan küm khai ah k’u gui a kai sak vai” ci nak ci.

1 SAMUEL 6:8

Bawipa ah Thukhän M’küm cu la ne, ng’hle ung nami m’khäh vai, m’küm ah ang leng ung ghui awn pyan ah akhe cu nami kat ah phäh ah nami pek vai ah m’cümhnah nak cu nami tha vai. Ng’hle cu amät tün ne hteh sak ne, amät ah hteh ah nami hteh sak vai.

1 SHONTÄP NAK 16:28

M’dek khan ah om ciah chang avan naw Bawipa cu m’tam vä Abämang nak la amgäi nak cu m’tam vä.

1 SHONTÄP NAK 16:29

Bawipa bämang ciah ang ming cu m’tam vä; douthak vai law püi ne ak Taigüim ah kyong ah law vä. Theingciim ci ang dang law ung ama ah m’khukdong ne kawp vä;

JONAH 3:9

Khanpughi naw am lung m’thawng ei hman khai, am lungshe nak m’düm ei hman khai, cun ung mikmi kä mi sik khai!” cik ci gui.