1 SAMUEL 6:4 - Cho Bible Common Language 2016

⁴ Chang gui naw, “A i m’cümhnah nak mi thak khai ang?” cik ci gui. Ngami naw, “Ghui ng’khe lung hma, ghui k’pui gup hma, Philistin ghangpughang tumat ah phäh ah tumat ciah kyak khai. Acun ah leigai cu nami van ah khan la ghangpughang hma ah khan ah gawk lawk ciah kyak ci.

1 SAMUEL 6:4 Referans Kwoze

SUKI GUI 3:3

Cun ah khaw ung om tu lä ci gui cu, Philistin mang gaw hma, Kanaanit gui avan, Sidonian gui, la Lebanon m’htung ungka naw Hamath hteng ung khüt ciah Baala Hermon m’htung ung om ciah Hivit gui ah kyak ci.

JOSHUA 13:3

acun ah mäih ah a htumtäng ah Awim khopäng avan ah kyak ci. (Cun ah khaw cu Shiora tuihta Egypt khawgii ungka naw, a siiptäng Ekron khawgii ung khüt cicu Kanaanit gui ah khaw ah kyak ci. Philistin ghangpughang gui cu Kaya, Ashdod, Ashkelon, Kath la Ekron ung om ci gui.)

1 SAMUEL 5:9

Cun ung phi cun a gawk awn ah Bawipa naw cun ah mang gaw cun phi m’kyuk ne, akdämduh ah düngkyong sak gui ci. Ani naw sa ng’khe nak awn m’kyuk gui sei, mang gaw ung chang avan aghi ak hmaw gawk yawp ci.

1 SAMUEL 5:6

Bawipa naw Ashdod chang gui cu akda vei m’kyuk gui ne, kyihkyawk sak gui ci. Ani naw ngami m’kyuk gui ne, ami khaw veing chang gui phi ami sa ung ng’khe khai ah taam gui ci.

1 SAMUEL 6:5

Nangmi naw shin ah ng’khe gui la k’pui gup gui cu nami pyan vai, cun gui naw nami khaw m’dishum ci gui, nang mi naw Israel Khanpughi am m’taam khah nak nami pek vai. Cun ung nangmi, nami khanpughi gui la nami khaw ah khan ah gawk khai ah gawk lawk ciah m’kyuk nak cu düm ei sak hman khai.

1 SAMUEL 5:12

Kä sik ciah chang gui phi ami sa ang khe nu law püi sei, chang gui cu, ami Khanpughi naw am htei gui vai ah kyap ne ng’pa ci gui.

PHYAWN NAK 12:35

Israel gui naw Moses ah pyen ah mäih ah bi u ne, ghui, ngui pyülung la suisak gui cu Egypt chang gui ah k’thäh ci gui.

1 SAMUEL 6:8

Bawipa ah Thukhän M’küm cu la ne, ng’hle ung nami m’khäh vai, m’küm ah ang leng ung ghui awn pyan ah akhe cu nami kat ah phäh ah nami pek vai ah m’cümhnah nak cu nami tha vai. Ng’hle cu amät tün ne hteh sak ne, amät ah hteh ah nami hteh sak vai.

SUKI GUI 14:19

Ang ghit ah Bawipa ah huham naw ani cu k’thamah sak khäta, ani cu Ashkelon ah yu kyum neta chang thum kip ngawn ne, ami sui k’ni gui sut ne, thuzi hmat hning ci chang gui am pe gui ci. Cun kawn ah ani cu, a im ah hteit ba ci, acun ah phäh ah m’lungshe ci,