1 SAMUEL 6:3 - Cho Bible Common Language 2016

³ Ngami naw, “Israel Khanpughi ah Thukhän M’küm nami tha ba gui vai a kyak ung, nami hmakat nak nami sah nak ah kyak khai ah m’cühnah naw awn nami m’khah vai. Thukhän M’küm cu m’cümhnah nak kä om ciah kä hteit ba khai. Cun ung ngami naw nami gai khai, a i ah kyasei a ning m’kyuk gui phi nami hmat lawk khai.

1 SAMUEL 6:3 Referans Kwoze

1 SAMUEL 6:9

Cun kawn ah a hteh cu nami ngäng vai; cun cu Beth Shemesh gawnu täng ah a hteh ah a kyak ung, Israel Khanpughi naw mikmi ah khan ah shin ah kyih vai ah leigai cu tüi lawk ciah kyak khai, kä ah hteh ah a kyak ung, ani naw leigai kä tüi lawk ciah mi hmat khai; amät gawk lawk ciah kyak khai” cik ci.

THULÄÄN NAK 16:16

“Nami pakhui khaw ung chang avan cu Bawipa khawihnah vai ah khawihnah nak ah hmun tumat ung kum ät ung thum vei nami law vai nei. Cun gui cu Phyawn nak Pawi, Geit Khäm Pawi la Ng’yii nak Pawi ah kyak ci. A chang sing naw m’cümhnah nak tumat ci a law püi vai.

PHYAWN NAK 23:15

Abib cha, Egypt khaw nami hteh taak nak ah cha ung, K’caw kä shum ah m’htut awn mang ei pawi cu, kei naw ka thumkhän ah mäih ah nami bi vai. Cun ah hnüüp chih pawi ah kyong ung k’caw shum ah m’htut phung kä nami ei vai. Douthak vai a i kä law püi ah law ne kei cu kä nami na khawihnah vai.

PHYAWN NAK 34:20

Cung phi ng’se ah a hta htük phung cu htome hta awn nami m’thawng ba vai. Kä nami hleih ba ah a kyak ung cun ah ng’se ah a hngü nami cheiuh vai. A hta htük phung cu nami hleih ba vai. “A u chang phi douthak vai kä law püi ah kei ah ma ah kä a ng’dang en law vai.

JOB 10:2

Kä na m’kyuk en ä, Khanpughi. Na m’thein ä! A i uktu naw a na ng’tuk püi ang?

1 SAMUEL 5:11

Cun ah kyasei Philistin ghangpughang ami van gui khü ba mä u neta, “Israel gui ah Thukhän M’küm cu amät ah hmun ung tha ba vä, cun ung acun naw mikmi la mi kyong ung ka gui kä na ngawn ba gui khai” cik ci gui. Mang gaw avan ung düngkyong nak om ci, a i ah kyasei ci ung Khanpughi naw tä khüt aih khai ah am kyuk gui ah hmawk ah kyak ci.

1 SAMUEL 5:9

Cun ung phi cun a gawk awn ah Bawipa naw cun ah mang gaw cun phi m’kyuk ne, akdämduh ah düngkyong sak gui ci. Ani naw sa ng’khe nak awn m’kyuk gui sei, mang gaw ung chang avan aghi ak hmaw gawk yawp ci.

1 SAMUEL 5:7

Cun ah a kyak gui cu hmu u neta ngami naw, “Israel Khanpughi naw mikmi la mi Khanpughi Dagon cu m’kyuk pyi ci nei. Shin ah Thukhän M’küm cu shin ung kä mi tha ba khai nei” cik ci gui.

TAIGÜTHUM 6:6

Ani naw thungba nak douthak ah Bawipa am pek vai ah kä kheihlik ciah htome baw, me baw ak hla cu, taigüpa ah a law püi vai. Cun cu aküikyang ah a phu ami k’bäi ah kyak khai.

TAIGÜTHUM 5:6

Akatnak a gei nak vai ah htome ak khik baw, me baw Bawipa am douthak vai ah a law püi vai. Taigü naw cun ah chang ah katnak ah phäh ah khawihnah ne douthak pek khai.

1 SAMUEL 6:8

Bawipa ah Thukhän M’küm cu la ne, ng’hle ung nami m’khäh vai, m’küm ah ang leng ung ghui awn pyan ah akhe cu nami kat ah phäh ah nami pek vai ah m’cümhnah nak cu nami tha vai. Ng’hle cu amät tün ne hteh sak ne, amät ah hteh ah nami hteh sak vai.

PHYAWN NAK 8:15

K’u gui ami sih cu ghangpughang naw hmu neta, ani cu ling ba mä ci. Bawipa ah pyen ah mäih ah Moses la Aaron cu ghangpughang naw kä ngai goi ci.