1 SAMUEL 6:19 - Cho Bible Common Language 2016

¹⁹ Bawipa naw Beth Shemesh ung ka chang chih kip ngawn ci, a i ah kyasei ci ung Thukhän M’küm akyong ami teng ah phäh ah kyak ci. Chang gui cu thüi sei ci gui, a i ah kyasei ci ung Bawipa naw ami ng’lung ah chang khli a ngawn ah phäh ah kyak ci.

1 SAMUEL 6:19 Referans Kwoze

KHEI NAK 4:20

Cun ung phi Kohath chang gui cu Phung kyong ah lut law u ne, tagü gui naw ak theing gui k’plon vai ah ami pawng püi ami hmuh ah a kyak ung, ngami cu sik khai gui.

PHYAWN NAK 19:21

Bawipa naw ani am, “Yu kyum ba ne m’cäi gui ä. Ng’gii phlän ne law ne kä ami na teng en law vai nei. Ami law ah a kyak ung akda sik khai gui nei.

2 SAMUEL 6:7

A cun vai am Bawipa Khanpughi cu m’lungshe neta, kä ak chang m’sui ah phäh ah m’kyuk sei, Uzzah cu sik ci. Uzzah cu Thukhän M’küm ah pei ah sik ci,

KHEI NAK 4:15

Phung phyet vai a khin a gawk law ung Kohath ah a pahta, gui cu acun ah aktheing kawh vai ah lawk khai gui. Cun cu Aaron la a hta gui naw cun gui la cun ung khawhcham avan ami uknak ang pyi kawn ah kyak khai. Kohath pahta gui naw theing ci a i phi kä ami tawn vai. Ami tawn ung ngami cu sik khai gui. Shin cu Kohath pahta gui naw Phung a hawi ah ang nawn ung phi ami bi vai ah kyak ci.

KOLOSE 2:18

Khankho chang khawihnah u ne, chang k’ni ah ng’hlawk u ne, ami mik hmuh ah phäh ah aktung ah hlüngtai ciah ng’shei ci gui ah, m’kat nak cu kä nami yuun en vai nei. Amawng hei kä om ci, chang tumat cu khomdek chang ah mawng lam ang ngaih-tüh nak awn, am lung kyong cu mei ah khu yawp ci.

1 PETER 4:17

M’khoichaa nak ah a khin cu gawk law pyi ci nei, Khanpughi amät ah chang gui cu m’khoichaa nak gah ma khai gui nei. Cun cu mikmi ung a tün ah a kyak ung, Khanpughi ah Thu Ni kä yum ciah chang gui ah khan ah akhüt ung a i cha ah kyak khai ang?

THULÄÄN NAK 29:29

“Bawipa mi Khanpughi naw adüm ah shum ne ak pan amshah om ci. Cung phi ani naw ang thukhän cu m’than ci. Mikmi la mi htangshon gui naw khonglän ung mi läk vai kyak ci.

PHYAWN NAK 33:4

Cun cu chang gui naw ng’ya u neta, thüi kyap u ne, ghui lung gui cu kä äh awi ba ci gui.

KHEI NAK 1:51

Nangmi naw nami shaum pigaw nami m’kawn päng ung Levit gui naw Phung cu la u neta, shaum pigaw thi ami cawh banak hmun ung, m’düih ba khai gui. A u chang phi Phung ah pei ah lawk cicu ngawn vai.

KHEI NAK 4:18

“Kohath pahta gui cu kä nami law sak gui vai.

2 SHONTÄP NAK 25:21

Cun ah kyasei Israel Ghangpughang Jehoash naw Judah Ghangpughang Amaziah awn ng’tuk vai ah hteit ci. Ngami cu Judah khaw Beth Shemesh ung ng’hmuk ci gui.