1 SAMUEL 6:17 - Cho Bible Common Language 2016

¹⁷ Phlistin gui naw ghui ang khe hma cu Bawipa m’cümhnah ne, ami kat ami sah nak ah m’khäh ci gui, Ashdod, Gaza, Ashkelon, Gath la Ekron mang gaw gui, tumat ah phäh ah tumat ciah kyak ci.

1 SAMUEL 6:17 Referans Kwoze

2 SAMUEL 1:20

Shin ah mawng cu Kath khaw ung la, Ashkelon lam gui ung Kä nami shäu vai. Philistin hnumi gui yei khai ah kä nami bi vai; Khaw ng’yo ah hta hnumi gui kä nami yei sak gui vai.

AMOS 6:2

Hteit ne Kalaneh mang gaw cu teng vä. Cun kawn ah däm ciah Hamath mang gaw ah hteit vä, Philistin mang gaw Kath ah phi hteit vä. Ngami cu Judah la Israel ah uknak khaw ah mä bä tuba u ne ang? Ami khawpäng cu nangmi ah mä ng’shawng tuba ne ang?

2 SHONTÄP NAK 26:6

Uzziah naw hteit ne Philistin gui cu tu gui ci. Ani naw Kath, Jamnia, la Ashdod mang gaw k’pang gui cu phye neta Ashdod ah pei la pawih ba ciah Philistin avan ung khäng htet ciah mang gaw gui co ci.

2 GHANGPUGHANG GUI 1:2

Israel ghangpughang Ahaziah cu Samaria ah mangim ah akhuih khan kyak ung ng’kya ne aknui ah leim ci. Cun ah kyasei ani naw ng’shächang gui cu Ekron mang gaw ah tüi gui ne, a gai vai la kä a gai vai ah mawng, Philistin gui ah khanpughi Baalzebub cu ng’shi sak gui ci.

2 SAMUEL 21:22

Shin ah phli gui cu Gath chang dämcham ah hta ng’shon gui ah kyak ci, ngami cu David la ak chang gui naw ngawn gui ci gui.

1 SAMUEL 6:4

Chang gui naw, “A i m’cümhnah nak mi thak khai ang?” cik ci gui. Ngami naw, “Ghui ng’khe lung hma, ghui k’pui gup hma, Philistin ghangpughang tumat ah phäh ah tumat ciah kyak khai. Acun ah leigai cu nami van ah khan la ghangpughang hma ah khan ah gawk lawk ciah kyak ci.

1 SAMUEL 5:10

Cun ah kyasei ngami naw Thukhän M’küm cu a hei mang gaw Ekron ah hteh püi ci gui; cun a gawk vai am, chang gui m’lau lawk ci gui,” ngami naw Israel Khanpughi ah Thukhän M’küm law püi ci gui nei, mikmi mi van ami na ngawn nak gui vai ah kyak ci nei!”

1 SAMUEL 5:8

Cun ah kyasei ngami naw, a hei Philistin ghangpughang hma cu a täng ah khü gui u neta, ng’shi gui ci gui, “Israel Khanpughi ah Thukhän M’küm cu a i ah mi cik khai ang?” Ngami naw, “Gath ah hteh püi vä” cik ci gui. Ngami naw Gath ah hteh püi ci gui, cun cu Philistin mang gaw tumat ah kyak ci.

1 SAMUEL 5:1

Philistin gui naw Thukhän M’küm ami guh gui kawn ah, ngami naw Ebenezer ah ka ami mang gaw Ashdod ah hteh püi ci gui,

SUKI GUI 16:21

Philistin gui naw ani cu pha u neta amik cu kawih ci gui. Cun kawn ah kaza ah hteh püi u ne, kyei gui awn khit u neta, thawng im kyong ah gawtlung gawt sak ci gui.

SUKI GUI 16:1

Hnüüp ät ung Samson cu Philistin mang gaw Kaza ah hteit ci, acu ah pawnzau ciah hnumi awn ng’hmu ni ne a täng ah ip ci goi.

SUKI GUI 1:18

Bawipa naw Judah chang gui cu m’thei gui ci, ngami naw Khaw-gui khaw cu kanak ci gui. Cun ung phi kaza, Ashkelon, käcung Ekron la angveing zung ah khawpäng gui cu ngami naw kä khäm hlawt ci gui. Shin ah chang gui cu tukam un gang däih ah om ci gui, ngami ung m’sii yatha gui om ci. Cun ah kyasei Judah chang gui naw kä k’täm gui hlawt ci gui.

TAIGÜTHUM 5:7

Cun ah chang naw htome baw, me baw kä am hnüt hlawt ah a kyak ung, ani naw akatnak ah phäh ah Bawipa am a pek vai ah, müm kha hnih, käcung mümhta hnih a law püi vai. Tumat cu katphyawn ne douthak nak ah kyak khai, tumat cu m’khih ne douthak vai ah kyak khai.

THULÄÄN NAK 28:27

Bawipa naw Egypt chang gui ung abi ah mäih ah nami khan ah hlut nak chah lawk khai. Ani naw nami pumsa cu pyuut awn ning cheiuh gui khai. Nangmi cu vawi bäng ah nami kyak khai. Ning m’thak gui khai, cun ung phi m’tui nak vai kä om khai.

AMOS 1:6

Bawipa naw, “Kaya chang gui cu leng ba ba ne shekak ci gui, a cun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom chang gui ah khleihtein ah yoi ci gui.

SUKI GUI 14:19

Ang ghit ah Bawipa ah huham naw ani cu k’thamah sak khäta, ani cu Ashkelon ah yu kyum neta chang thum kip ngawn ne, ami sui k’ni gui sut ne, thuzi hmat hning ci chang gui am pe gui ci. Cun kawn ah ani cu, a im ah hteit ba ci, acun ah phäh ah m’lungshe ci,