1 SAMUEL 6:14 - Cho Bible Common Language 2016

¹⁴ Ng’hle cu Joshua ming nak ciah chang ah lo ung gawk lawk ci, ani cu Beth Shemesh ah om ciah kyak ci, ng’hle cu lung nu nu pei ah ng’düm ci. Chang gui naw sing hle cu tu hnget u ne, seipat goi cu ngawn u neta, m’khih ne Bawipa khawihnah

1 SAMUEL 6:14 Referans Kwoze

2 SAMUEL 24:22

Araunah naw, “La ä, bawi mang aw, na sonkiang ung m’khih ne douthak vai ah sei pat gui nei. Shin cu ami phuih kawh nak gui la mei ah sih vai ah hlang sing gui nei” cik ci.

SUKI GUI 21:4

A ngawi ung khaw ngawihta chang gui naw acun ung sonkyang co ci gui, hmu chum khawihnah douthak u ne m’khih ne a pum ah khawihnah ci gui.

1 GHANGPUGHANG GUI 19:21

Elisha cu a vantang bum gui om nak ah hteit ba ne, ngawn gui neta, ami meh cu shong ne, ami thapo gui cu mei ah cik ci. Sei meh gui cu ani naw chang gui am pe gui sei ei ci gui. Cun kawn ah ani cu hteit ne Elijah ah bawmtu ah kya ne läk tuk ci.

2 SAMUEL 24:25

Cun kawn ah ani naw Bawipa am sonkiang cu cawh neta, m’khih ne pek nak la hmuh-chum nak pek nak cu douthak ci. Ani ah taigü cu Bawipa naw ngai sei, Israel khaw ung leigai ng’düm ci.

2 SAMUEL 24:18

A cu hnüüp Gad cu David ah hteit neta, ani ah ma ah, “Araunah htang khlang ah hteit neta, Bawipa ah sonkiang co vä” cik ci.

1 SAMUEL 20:29

Ani naw, “Na bä ni, na hteh ba sak ä, a i ah kyasei ci ung kami kyong khui naw khawihnah nak ei pawi gaw nu ah bik ci gui, ka phäi naw a cu ah ka om tu vai ah na k’bäi ci. Cun ah kyasei, nang cu ka teihpüi ah na kyak ung, na hteh sak ne, ka mätyah gui cu na hmuh sak ä’ cik ci. Cun ah kyasei nang ah tawnglang a ngoh nak ung kä ah om ah kyak ci.”

1 SAMUEL 11:5

Saul cu atuhbäi hta, a seipat awn a lai ah ka law neta, ang shi gui cu, “A i ang a hma, a i ah kyasei chang päng a kyah ang?” cik ci. Ngami naw Jebesh ah ka chang ami tüih law gui ah ng’thu pyen cu m’thein ci gui.

SUKI GUI 6:26

Shin ah m’dek plum ung Bawipa na khanpughi ah hmawk ah akni ah soukiang na cawh vai. Cun kawn ah ak hnihnak ah vantang la ne apum avan douthak ne na m’khih vai, Asherah gup na chukpit cu sing ah mang ne na m’khih vai.”

PHYAWN NAK 20:24

Kei ah hmawk ah m’dek cu sonkiang ah na pyan vai, acun ah khan ah na htome la na sei cu khawihnah ne, akbe ah m’khih ne douthak nak la hmuhchum douthak nak ah na bi vai. Nami na khawihnah vai ah a hmun päng ung na pei ah kei cu ka ngok ci. Kei naw law ne hriham ka ning pek khai.

1 SAMUEL 6:13

Beth Shemesh chang gui khaw nawi ung htang khäm yah ci gui, ngami naw ang ghit ah teng neta, Thukhän M’küm cu hmuk ci gui. Ngami cu ami hmuh vai am yei aih ci gui.

1 SAMUEL 6:18

Ngami naw ghui k’pui gup gui phi m’khäh ci gui, mang gaw tumat ci uk ciah ghangpughang hma naw tumat ci, ami vongpang ah gawnu gui la kä ng’vong ah gaw hta gui van naw m’khäh ci gui. Beth Shemesh ah ka Joshua ah lo ah lung nu nu ah khan ah Bawipa ah Thukhän M’küm cu hmoh ci gui, cun naw tuh güt a kyak te ah mawng ma cu saksi m’dang ci.