1 SAMUEL 6:11 - Cho Bible Common Language 2016

¹¹ Ngami na Thukhän M’küm cu ng’hle kyong ah tha ci gui, ghui awn pyan ah ang khe tha nak ah m’küm la ghui awn pyan ah k’pui gup gui tha nak ah m’küm phi a täng ah tha ci gui.

1 SAMUEL 6:11 Referans Kwoze

1 SHONTÄP NAK 13:7

Ngami naw Abinadab ah im ungka Thukhän M’küm cu la u ne, ng’hle akthai ung taih ci gui. Uzzah la Ahio naw ng’hle cu kaih ni sei,

2 SAMUEL 6:3

Ngami naw m’htung khan ah Abinadab ah im ungka la u ne, ng’hle akthai ung taih ci gui. Abinadab ah hta goi Uzzah la Ahio naw ng’hle cu hteh püi ci goi,

THULÄÄN NAK 28:27

Bawipa naw Egypt chang gui ung abi ah mäih ah nami khan ah hlut nak chah lawk khai. Ani naw nami pumsa cu pyuut awn ning cheiuh gui khai. Nangmi cu vawi bäng ah nami kyak khai. Ning m’thak gui khai, cun ung phi m’tui nak vai kä om khai.

1 SAMUEL 6:4

Chang gui naw, “A i m’cümhnah nak mi thak khai ang?” cik ci gui. Ngami naw, “Ghui ng’khe lung hma, ghui k’pui gup hma, Philistin ghangpughang tumat ah phäh ah tumat ciah kyak khai. Acun ah leigai cu nami van ah khan la ghangpughang hma ah khan ah gawk lawk ciah kyak ci.

1 SAMUEL 6:10

Ngami naw ami m’thein gui ah mäih ah bik ci; ngami naw seipat hnih la ne ng’hle ung khit ci gui, seipat hta gui cu sei im kyong ah iip ci gui.

1 SAMUEL 6:12

Seipat gui cu tün ne, Beth Shemesh lam ung hteit ci gui, ang düng ah hteit u ne, kä a ng’hlat law ba ling ci gui. Ngami cu ani naw hlü ah maw ci gui. Philistin ghangpughang hmaw naw Beth Shemesh khogi ung khüt ne läk gui ci gui.