1 SAMUEL 5:9 - Cho Bible Common Language 2016

⁹ Cun ung phi cun a gawk awn ah Bawipa naw cun ah mang gaw cun phi m’kyuk ne, akdämduh ah düngkyong sak gui ci. Ani naw sa ng’khe nak awn m’kyuk gui sei, mang gaw ung chang avan aghi ak hmaw gawk yawp ci.

1 SAMUEL 5:9 Referans Kwoze

1 SAMUEL 5:6

Bawipa naw Ashdod chang gui cu akda vei m’kyuk gui ne, kyihkyawk sak gui ci. Ani naw ngami m’kyuk gui ne, ami khaw veing chang gui phi ami sa ung ng’khe khai ah taam gui ci.

1 SAMUEL 7:13

Cun ah kya ne Philistin gui cu ami m’di gui, Bawipa naw shungvong gui sei, Samuel a ghin ah chuih Israel khaw cu kä tu law ba ci gui.

THULÄÄN NAK 2:15

Ani naw ami van kä amdi pha gui ah chuih Bawipa naw hnu na gui ci.

1 SAMUEL 12:15

Cun ung phi Bawipa ah thu kä ngai ne, a thumkhän kä nami läk ah a kyak ung, ani naw nangmi la nami ghangpughang cu ning hnu ng’tuk püi gui khai.

SAM 78:66

Ani naw a ga gui cu k’tääm gui ne, angtäi sei lü ng’aa sak gui ci.

AMOS 5:19

Cun cu kawng kyih ne dawng neta khawm awn ng’awt ciah chang ah mäih ah kyak khai. Im ah lut ba ne paang ung akut taih khäta phyu naw akdawh ah mäih ah kyak khai.

1 SAMUEL 6:11

Ngami na Thukhän M’küm cu ng’hle kyong ah tha ci gui, ghui awn pyan ah ang khe tha nak ah m’küm la ghui awn pyan ah k’pui gup gui tha nak ah m’küm phi a täng ah tha ci gui.

1 SAMUEL 5:11

Cun ah kyasei Philistin ghangpughang ami van gui khü ba mä u neta, “Israel gui ah Thukhän M’küm cu amät ah hmun ung tha ba vä, cun ung acun naw mikmi la mi kyong ung ka gui kä na ngawn ba gui khai” cik ci gui. Mang gaw avan ung düngkyong nak om ci, a i ah kyasei ci ung Khanpughi naw tä khüt aih khai ah am kyuk gui ah hmawk ah kyak ci.

1 SAMUEL 5:10

Cun ah kyasei ngami naw Thukhän M’küm cu a hei mang gaw Ekron ah hteh püi ci gui; cun a gawk vai am, chang gui m’lau lawk ci gui,” ngami naw Israel Khanpughi ah Thukhän M’küm law püi ci gui nei, mikmi mi van ami na ngawn nak gui vai ah kyak ci nei!”