1 SAMUEL 5:8 - Cho Bible Common Language 2016

⁸ Cun ah kyasei ngami naw, a hei Philistin ghangpughang hma cu a täng ah khü gui u neta, ng’shi gui ci gui, “Israel Khanpughi ah Thukhän M’küm cu a i ah mi cik khai ang?” Ngami naw, “Gath ah hteh püi vä” cik ci gui. Ngami naw Gath ah hteh püi ci gui, cun cu Philistin mang gaw tumat ah kyak ci.

1 SAMUEL 5:8 Referans Kwoze

ZEKHARIAH 12:3

Cun ah khin a gawk law ung Jerusalem cu, lung k’song ah ka pyang khai — acun ah lung sawchang ciah chang phung cu geih geep khai. Khomdek khan ung pakhui avan cu ani tuk vai ah ng’chum lawk khai gui.

AMOS 6:2

Hteit ne Kalaneh mang gaw cu teng vä. Cun kawn ah däm ciah Hamath mang gaw ah hteit vä, Philistin mang gaw Kath ah phi hteit vä. Ngami cu Judah la Israel ah uknak khaw ah mä bä tuba u ne ang? Ami khawpäng cu nangmi ah mä ng’shawng tuba ne ang?

1 SAMUEL 17:4

Gath mang gaw ung ka Koliath ming nak ciah chang cu Philistin phung ung ka lut law ne Israel gui cu gheet taap gui ci. Ani cu dawng chuk la khap ah ng’sau ne,

1 SAMUEL 5:11

Cun ah kyasei Philistin ghangpughang ami van gui khü ba mä u neta, “Israel gui ah Thukhän M’küm cu amät ah hmun ung tha ba vä, cun ung acun naw mikmi la mi kyong ung ka gui kä na ngawn ba gui khai” cik ci gui. Mang gaw avan ung düngkyong nak om ci, a i ah kyasei ci ung Khanpughi naw tä khüt aih khai ah am kyuk gui ah hmawk ah kyak ci.

1 SAMUEL 5:7

Cun ah a kyak gui cu hmu u neta ngami naw, “Israel Khanpughi naw mikmi la mi Khanpughi Dagon cu m’kyuk pyi ci nei. Shin ah Thukhän M’küm cu shin ung kä mi tha ba khai nei” cik ci gui.

1 SAMUEL 29:6

Achish naw David khü neta, ani am, “Kei naw Israel ah ghing ciah Khanpughi ung aktung ah ka ning pyen nak cu; nang cu kei ung bekhüt ne kei awn a täng ah ka ning hteh sak la shin ung na ng’tuk tu ah phäh ah kei naw ka ning yei nak ci. Kei ah na law ung tün ne, nang ah na hmakat nak cu kei naw kä ka hmuk ci. Cun ung phi a hei ghangpughang gui naw kä ning yum ci gui.

JOSHUA 13:3

acun ah mäih ah a htumtäng ah Awim khopäng avan ah kyak ci. (Cun ah khaw cu Shiora tuihta Egypt khawgii ungka naw, a siiptäng Ekron khawgii ung khüt cicu Kanaanit gui ah khaw ah kyak ci. Philistin ghangpughang gui cu Kaya, Ashdod, Ashkelon, Kath la Ekron ung om ci gui.)

JOSHUA 15:11

Khawgii cu cun ungka naw hteit ne, Ekron asiip m’htung ung gawk ci, cun ungka ng’hlat ne, Shikero ung hteit ne, Baalah m’htung kaan ne, Jamnia ung khüt ci. Cun cu Mediteranean tuinu ung khüt ci.

1 SAMUEL 6:2

Chang gui naw taigüpa gui la cecai ci gui cu khü gui u neta, “Bawipa ah Thukhän M’küm ah mawng cu a i hawkcha ah bi vai ang? Ka nak ci gui am mi thak ba gui vai a kyak ung, a i awn m’khah ne mi thak ba gui khai ang?” cik ci gui.

1 SAMUEL 17:52

Israel gui la Judah gui naw m’lau ne dawng ne Gath lam pu ung gawk u ne, Ekron m’kawt ung khüt sei k’täm gui ci gui. Leim ciah Philistin gui cu Saaraim ungka naw Gath la Ekron ung khüt sei lam pum ung kyu ne ng’zaih ci gui.

1 SHONTÄP NAK 7:21

Zabad, Shuthelah, Ephraim ung Shuthelah ah kawn ah a hta pami hnih om ba ci: Ezra la Elead, ngani cu ka dung om ciah chang gui ah ami seipat m’gu vai ah tha ni sei, ami ngawn goi ah kyak ci.