1 SAMUEL 5:12 - Cho Bible Common Language 2016

¹² Kä sik ciah chang gui phi ami sa ang khe nu law püi sei, chang gui cu, ami Khanpughi naw am htei gui vai ah kyap ne ng’pa ci gui.

1 SAMUEL 5:12 Referans Kwoze

PHYAWN NAK 12:30

Cun ah mü ung ghangpughang, a bawi gui la Egypt chang gui ami van cu tho lawk ci gui. Egypt khaw avan ung m’lau ne kyap ci gui, a i ah kyasei ci ung a hta kä si tuk ciah im a u kä om ci.

AMOS 5:19

Cun cu kawng kyih ne dawng neta khawm awn ng’awt ciah chang ah mäih ah kyak khai. Im ah lut ba ne paang ung akut taih khäta phyu naw akdawh ah mäih ah kyak khai.

JEREMIAH 48:3

Horonaim chang gui cu, “Kiawi m’saa nak, m’dimshum nak!” cine m’lau khai gui nei.

JEREMIAH 25:34

Kyap vä, nangmi angvai gui, ka chang gui htome sham gui, m’lau ne kyap vä! Thüisei ne m’vut ung ng’tah vä. Ami ning ngawn nak gui vai ah akhin gawk lawk ci nei, nangmi cu htome khla ah mäih ah ning ngawn gui khai gui nei.

JEREMIAH 14:2

“Judah cu thüi kyap ci; ani ah mang gaw gui cu sik ci gui, ani ah chang gui cu azä ne m’dek ung ng’zän ci gui, Jerusalem cu m’htei vai ah ng’khü ci.

1 GHANGPUGHANG GUI 19:17

Hazela naw kä a ngawn gui, luat ci gui cu Jehu naw ngawn gui khai, Jehu ah kut ung phyawng ci gui cu Elisha naw ngawn gui khai.

1 SAMUEL 9:16

am “Ngawi ung a tuhbäi chü, Benjamin pakhui ung ka chang tumat ka ning tüih lawk khai, ani cu Israel chang uktu ah na phyuh theh vai nei, ani naw Philistin gui ung ka phyawn gui khai nei. Kei naw ka chang gui ah gein vai nak cu hmu ne, m’htei gui vai ah ami kyah cu ka ng’yak ci nei.”

1 SAMUEL 6:1

Bawipa Thukhän M’küm cu Phlistin khaw ah chakchih a om kawn ah,