1 SAMUEL 4:8 - Cho Bible Common Language 2016

⁸ Cun ah huham mah ciah khanpughi gui ung ka, a u naw na hun gui hning khai ang? Ngami cu bungpuk ah Egypt chang khli ngawn ci gui ah khanpughi gui ah kyak ci gui!

1 SAMUEL 4:8 Referans Kwoze

PHYAWN NAK 9:14

Tuhbäi ung na bawi gui la na chang gui bäng kä m’kiuk ne, na mät phi ka ning m’kyuk khai. Cun ung khaw ah ka ah kei ah mäih a u kä om ci, cicu nang naw na hmat khai.

PHYAWN NAK 7:5

Kei naw ngami hnungtuk püi gui ne, ka kut shäng ne, ami khaw ungka Israel chang gui ka hteh püi ba gui ung, kei cu Bawipa ah ka kyak ciah Egypt chang gui naw na hmat lawk khai gui.

THU PHLAAN 11:6

Khanpughi ah ng’thu ami pyein sangung khaw kä a aa vai ah khankho khai nak hning ah huham ngami ung om ci, tui cu si ah ami lat nak hning ah huham phi ngami ung om ci, ami ng’yak hlü ah khomdek khan ah khaw yaw tui shek khai ah ami bi nak hning ah huham phi ngami ung om ci.

1 SAMUEL 4:7

gawk law ba cu hmu u ne kyi u neta, “Khanpughi cu ngami ah phung kyong ah lawk ci nei! Mikmi mi maih ci nei! Khotuh güt ung shin ah mäih mikmi ung a i, i ah kä kya man ci nei!

1 SAMUEL 4:9

M’gäi vä, Philistin chang gui! Chang na ne ng’tuk bi vä, kä cun ung Hebrew gui ah changshäm ah mi kya khai nei, ngami mi changshäm ah ami kyak ah mäih ah. Cun ah kyasei chang na ne ng’tuk bi vä!”

PHYAWN NAK 15:14

Chang pakhui gui naw ng’ya u ne kyi ne ng’hlet ci gui. Philistin gui cu kyikyawk aih ne cäi ng’ä ci gui.

1 SAMUEL 5:7

Cun ah a kyak gui cu hmu u neta ngami naw, “Israel Khanpughi naw mikmi la mi Khanpughi Dagon cu m’kyuk pyi ci nei. Shin ah Thukhän M’küm cu shin ung kä mi tha ba khai nei” cik ci gui.