1 SAMUEL 4:4 - Cho Bible Common Language 2016

⁴ Cun ah kyasei ngami naw Shilon ah ng’shä tüi u ne, Hlüngtai ciah Bawipa ah Thukhän M’küm cu lak ci gui. Tüiküi ng’phia mah gui ah khan ah mang kyang ung ngok ci. Eli ah a hta goi, Hophni la Phinehas cu Thukhän M’küm ung ng’gui ne law tuk ci goi.

1 SAMUEL 4:4 Referans Kwoze

2 SAMUEL 6:2

Ngami cu Judah khaw, Baalah ah tüi gui ne, Khanpughi ah Thukhän M’küm cu lak sak gui ne, Cherubim gui ah khan ah ngo ciah Hlüngtai ciah Bawipa ah ming awn nami law püi vai cik ci.

SAM 80:1

O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,

KHEI NAK 7:89

Moses cu Bawipa ng’thu püi khai ah Phung ah kyong a hlut neta, thumkhän m’küm ah a khüm ah khan, Cherubim hnih goi ah ng’lak ung, om neta, Bawipa naw ng’thu a pyen cu cun ng’yak ci.

SAM 99:1

Bawipa cu ghangpughang nei! Chang gui naw kyih aa u sä. Ani cu Cherubim ah khan ah amawng kyang ung ngok ci nei, khomdek cu thüng sä.

2 GHANGPUGHANG GUI 19:15

Taigü ci, “O Bawipa, Israel Khanpughi, na tüisho gui ah khan ah na mangkiang ung na ngok ci, nang bäng nei Khanpughi, khaw ah ka ung uknak khaw gui avan na uk ci, nang naw m’dek la khankhaw na tüishaw ci nei.

MALAKHI 1:9

Tuhbäi tagü gui aw, mikmi ah khan ah ani vai ah Khanpughi cu ng’shi thäh vä. Ani naw nami taigü kä ning m’shang gui khai nei. Cun cu nami katnak ah kyak khai.

1 SAMUEL 2:22

Tuhbäi Eli cu ghi lawk ci. A hta gui naw Israel gui ah khan ah ami bi gui avan cu ani naw ng’yak ci. Bawipa ah phung ung luh nak ah m’kawt ung bi bik ci gui ah hnumi gui awn ami ih om phi ng’ya gui ci.

KHEI NAK 4:15

Phung phyet vai a khin a gawk law ung Kohath ah a pahta, gui cu acun ah aktheing kawh vai ah lawk khai gui. Cun cu Aaron la a hta gui naw cun gui la cun ung khawhcham avan ami uknak ang pyi kawn ah kyak khai. Kohath pahta gui naw theing ci a i phi kä ami tawn vai. Ami tawn ung ngami cu sik khai gui. Shin cu Kohath pahta gui naw Phung a hawi ah ang nawn ung phi ami bi vai ah kyak ci.

KHEI NAK 4:5

Bawipa naw Moses am shin ah m’shümthein nak gui cu pek ci. Phung phyet nak vai ah a khin a gawk law ung, Aaron la a hta gui cu Phung ung lut u neta, Thukhän M’küm ah ma ungka yihdung cu la ne, acun awn M’küm cu ami uk vai.

1 SAMUEL 1:24

Ani naw tui tui kä a tu ba kawn ah Shilon ah hteh püi ci, kum thum lawk ciah seipat, m’htut den phawi gha la yu tui um ät phi hteh püi ci. Ani naw ak hmaw hta Samuel cu Shilon ah Bawipa ah im ung hteh püi ci.

2 SAMUEL 15:24

A cun ung taigüi Zadok cu om ci, ani awn a täng ah Levit chang gui phi om ci gui, ngami naw Thukhän M’küm cu kawt ci gui. Ngami naw cun cu hmoh u ne, chang avan mang gaw ungka, kä a luh law pha ah chuih kä chang ba ci gui. Taigü Abiatha phi a cu ah om tuk ci.

ISAIAH 37:16

“M’gäi ciah Bawipa, Israel khanpughi, cherubim ah khan ah na mang kiang nak ci, nang bäng nak ci, nang bäng khanpughi ah na kyak ci, khomdek khan ung uknak khaw avan na uk ci nei. Nang naw khomdek la khomik na tüisho ci nei.

1 SAMUEL 14:3

(Shawi phaw kawt ciah taigüpa cu Ahijah ah kyak ci, ani cu Ichabod ah phäi Ahitub ah hta ah kyak ci, Ahitub cu Phinehas ah hta Eli ah tu ah kyak ci, Eli cu Shilon ung Bawipa ah taigüpa ah kyak ci.) Jonathan a hteh cu chang gui naw kä hmat ci gui.

SAM 80:2

Ephraim, Benjamin la Manasseh pakhui gui ah khan ah na mät cu dang sak ä. Na hta gui na m’dang gui ä, law ne na hun gui ä!