1 SAMUEL 4:3 - Cho Bible Common Language 2016

³ K’pawih ba ci gui cu phung ah law ba u khäta, Israel ami ng’vai gui naw, “A i ah kyasei tuhngawi, mikmi na shudep gui khai ah Philistin gui cu Bawipa naw ang khah püi gui ang? Shilon ah ka, Bawipa ah Thukhän M’küm cu hteit ne mi lak khai nei, cun ung ani naw a täng ah na hteh püi gui ne, mi gaa ung na hun gui khai nei” cik ci gui.

1 SAMUEL 4:3 Referans Kwoze

JUDE 1:5

Bawipa naw Israel chang gui cu k’phyawn gui ne, Egypt khaw ung kaa k’plawk ba gui netah, kä yum ciah chang gui a dimaih sak gui cu, nami hmat pyi ah kya pang sei phi ka ning shüm ba sak gui hlük ci nei.

1 PETER 3:21

Tui cicu tuhbäi nangmi ning hun gui ciah tuihniim nak ah kiak ci. Tuiniim nak cicu pumsa alelawi m’sipyou ah kä kyak ci, m’lung ngaih ni awn Khanpughi ah shaitaak nak bi ah kyak ci. Bawipa Jesuh Khrit sih nak ungka a thawh nak ba awn, tuiniim nak awn hun nak nami gah ci.

HEBRU 9:4

Acun ah kyong ah ang ui gui mei awn ami m’khih nak ah ghui mangkiang la, ghui bäng awn pyan ah Thukhän M’küm om ci. Cun ah m’Küm khui ah manna m’htut ah om nak ah ghui-am, lim ne hnah ciah Aaron ah ng’shopawng la thukhän gui guk ah lung k’paang hnih om ci.

2 TIMOTHI 3:5

Ngahmi cu ami khan shai awn ami yum tu ung phi, ak-cang ah hlüngtai nak ah mawng cu hnu ng’tuk püi khai gui nei. Cun ah mäih ah chang gui cu na hlawi gui vai nei.

JEREMIAH 7:4

Keimi na hun gui pyi ci! Shin cu Bawipa ah Taigüim nei, shin cu Bawipa ah Taigüim nei, shin cu Bawipa ah Taigüim nei! cine hleehlak ciah ng’thu yum nak cu nami ng’düm vai!

JEREMIAH 3:16

Nangmi cun ah khaw ung nami da law ah a kyak ung chang gui naw kei ah thu khän m’küm ah mawng kä pyen ba khai gui nei. Nangmi naw cun ah mawng kä ngaih-tüh ba khai gui, kä shüm ba khai gui; ngami naw kä ng’ya hlü ba khai gui, ahei tumat pyang ba khai gui.

ISAIAH 58:3

Chang gui naw ng’shih ci gui, “Bawipa naw a i ah kä ana sui gui ung, a i vai mikmi ei mi hlawi vai ang? Ani naw a i ah ka ana ngaih gui ung a i vai ei kä ei ne mi hteh vai ang? Bawipa naw ngami pyen na gui ci, “akcang cu, nangmi ei nami hlawi sang ung nami mät ah ng’yak hlü shui u ne, nami chang gui nami shedam na gui ci.

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

SAM 74:11

A i ah kyasei keimi na na m’htei gui vai ah na dam ang? A i ah kyasei na kut na hnu ah na thuh ang?

SAM 74:1

O Khanpughi, a i ah kiasei na na nawng gui ang? Na chang gui ah khan ah angtäi sei na m’lung she khai ma?

1 SHONTÄP NAK 17:1

David ghangpughang cu tuhbäi amang im ung om ci. Hnüüp ät ung ani naw prophet Nathan am chang tüi ne ani a pyen nak cu, “Shin ung kei cu cedar sing awn cawh ah im ung ka om ci nei. Cun ung phi Bawipa ah Thukhän M’küm cu phung kyong ah kami tha ci nei!”

2 SAMUEL 15:25

Ghangpughang naw Zadok am, “Thukhän M’küm cu la ne mang gaw ah hteh püi ba vä, Bawipa naw ana yei nak ah akiak ung hnüüp ät ung na law ba sak khai, a om nak ah hmun ung ka hmu ba khai.

1 SAMUEL 14:18

Saul naw taigüpa Ahijah am, “Shawi phaw law pui ä” cik ci. (Cun hnüüp ung cun cu Ahijah naw Israel chang gui ah ma ah kawt ci.)

JOSHUA 7:7

Cun kawn ah Joshua naw, Uktu Bawipa a i ah kiasei Jordan tuinu kami kah vai ah na na law püi gui ang? Amorit gui ah kut ung na ap gui ä! Na m’di gui ä! Ai ah kiasei keimi Jordan tuinu ah vang ga ah kä kami om ang?

JOSHUA 4:7

Bawipa ah Thukhän M’küm naw tuinu a kan yah ung, Jordan tuinu cu alon nak ung ng’düm ci, cine nami m’thein gui vai. Shin ung a i ah kya te ci, cicu shin ah lung gui naw Israel chang gui am angtäi sei m’shüm thein khai gui.”

THULÄÄN NAK 31:26

“Shin ah Khanpughi ah thukhän ca uk cu la neta, Bawipa nami Khanpughi ah Thukhäm M’küm ah ang leng ung nami tha vai. Cun ung shin cu a chang gui hnu ng’tuk püi gui ciah saksi ah kya ne a cun ung om khai.

THULÄÄN NAK 29:24

Cun kawn ah khaw aka ung chang avan naw ng’shik khai.” A i ah kyasei nangmio ah khaw ah khan ah Bawipa naw shin ah abi ang? Ani ah nui ciah amlungshe nak ah mawng cu a i ang?

KHEI NAK 31:6

Moses naw cun ah chang gui cu, Taigü Eleazar ah hta Phinehas khawngmang sak ne, tüi gui ci, ani naw theing ciah li khim gui la phyungheng gui cu, m’hnüt nak pek nak vai ah hteh püi ci.

KHEI NAK 10:35

Thukhän M’küm tün ne a hteh law ba phung ung Moses naw, “Tho law ä, Bawipa, na ga gui püipyang sak gui ä!”

KHEI NAK 10:33

Chang gui naw khomhtung theing Sinai ami hteh tak awn ah hnüüp thum ung hteit ci gui. Bawipa ah Thumkhän M’küm cu ma ne hteit ne shaum pigaw ami cawh nak vai ah hmun cu hmuk ci gui.

JOSHUA 6:6

Joshua naw taigü gui khü gui neta, “Thukhän m’küm nami lak vai, nangmi sing chih cu acun ah ma ung phyungheng gui kawt ne nami hteh vai” cine m’cäi gui ci.

JOSHUA 7:8

A i ka pyen ba hning khai aw? O Bawipa, tuhbäi Israel gui cu, ga tuk nak ung ng’hlat law pyi ci gui nei.

1 SAMUEL 1:24

Ani naw tui tui kä a tu ba kawn ah Shilon ah hteh püi ci, kum thum lawk ciah seipat, m’htut den phawi gha la yu tui um ät phi hteh püi ci. Ani naw ak hmaw hta Samuel cu Shilon ah Bawipa ah im ung hteh püi ci.

1 SAMUEL 4:2

Philistin gui näng ci gui, nuipai ciah ami ng’tuk awn ah ngami naw Israel gui cu shudep gui u ne, chang phia phli kip, ng’tuk nak ung ngawn gui ci gui.

ISAIAH 59:1

Bawipa cu, aning hun nak gui vai ak tha ken ci, aning m’htei gui vai ah nami khü ung, ang yak nak vai ah ak hnga pang ciah kä nami ngaih vai nei!

ISAIAH 59:2

Nang mi, nami hmakat nak ah phäh ah ani naw kä aning yak gui ah kyak ci. Nangmi naw ani khawihnah vai ah nami k’thanak yah ung, nangmi la khanpughi ah ng’lak ung ning m’cha gui cicu nangmi ah katnak ah kyak ci —