1 SAMUEL 4:21 - Cho Bible Common Language 2016

²¹ Ani naw ak hmaw cu Ichabod ah ang ming sui ci, a mawng cu, “Khanpughi ah bämang nak naw Israel gui hteh tak ci” Thukhän M’küm ami guh gui, apughi ah sih la a cei ah sih am dang nak ah kyak ci.

1 SAMUEL 4:21 Referans Kwoze

SAM 26:8

O Bawipa, na om nak ah im la, na bämang nak ah hmun cu ka m’hni ci nei.

SAM 78:61

Ani naw a huham la a bäimang nak ah kyak ciah Thukhän m’kü cu ga gui ah kut ung a gawk vai ah bik ci.

JEREMIAH 2:11

Ani ah khanpughi gui cu kä a cang ah ami kyak pang ung phi, a i pakhui chang naw phi kä m’thawng hlawt khai, cun ung phi ka chang gui naw na ng’thawng sak ci gui, Ngami ah phäh ah a i ka bi hlawt ciah khanpughi gui ah hmawk ah m’tamkhah vai ah law pü gui ciah khanpughi cu ami na thawng sak ah kyak ci.

SAM 78:64

Taigü gui cu akshe ung si u sei phi, ami chu hmei gui cu kä kyap ci gui.

HOSEA 9:12

Ami hta nau om sei ami däm ng’vai sak ung phi, kei na ka lak pe gui khai. Tumat phi ghing ne kä om khai gui. Kei naw shin ah chang gui ka nawng gui ah akiak ung ngami ah khan ah kyihkyawk vai gui gawk lawk khai.”

1 SAMUEL 4:11

Khanpughi ah Thukhän M’küm cu gut gui ci gui, Eli ah hta goi Hophni la Phinehas cu ani nik hnih ngawn goi ci gui.

SAM 106:20

Ngami naw Khanpughi bämang nak cu, khu ei ciah sei ah gup awn m’thawng ci gui.

1 SAMUEL 4:22

“Khanpughi ah bämang nak naw Israel gui hteh tak ci nei” a ci ci, “A i ah kyasei ci ung, Khanpughi ah Thukhän M’küm ami guh gui ah phäh ah kyak ci.”

1 SAMUEL 14:3

(Shawi phaw kawt ciah taigüpa cu Ahijah ah kyak ci, ani cu Ichabod ah phäi Ahitub ah hta ah kyak ci, Ahitub cu Phinehas ah hta Eli ah tu ah kyak ci, Eli cu Shilon ung Bawipa ah taigüpa ah kyak ci.) Jonathan a hteh cu chang gui naw kä hmat ci gui.

1 SAMUEL 2:34

Na hta goi Hophni la Phinehas cu hnüüp ät ung a täng ah ani sih ah a kyak ung, acun naw kei ah ka pyen phung a bä nak cu m’dang khai.

1 SAMUEL 3:12

Cun ah hnüüp ung kei naw Eli ah kyongkhui hnu ng’tuk ne, m’kyih nak vai tün nak ungka naw ng’pyi nak ung khüt ci, avan ka law püi khai.

NG’ÄI KYAH 2:1

Bawipa ah am lungshe nak naw mü hnüp awn Zion cu küm ci. Acun ung khan kho bämcam nak cu a ni naw dishum nak ah lat ci. Am lungshe nak ah hnüüp ung ani naw ak taigü im phi kei sak ci.