1 SAMUEL 4:17 - Cho Bible Common Language 2016

¹⁷ Thu pyen lawk ciah chang naw, “Israel gui cu Philistin gui kyih ne dawng yawp ci gui; cun cu keimi ah phäh ah kyih aih vai kyak ci nei! Cun kawn ah na hta goi Hophni la Phinehas cu ngawn ci gui, Khanpughi ah Thukhän M’küm phi na gut gui ci gui!” cik ci.

1 SAMUEL 4:17 Referans Kwoze

1 SAMUEL 3:11

Bawipa naw ani am, “I baw hnüüp ung Israel chang gui ah khan ah kei naw a i baw ka bi lawk khai, cun cu kyih aih vai kyak ci, cun ng’yak ciah chang päng cu cäicat khai.

1 SAMUEL 2:34

Na hta goi Hophni la Phinehas cu hnüüp ät ung a täng ah ani sih ah a kyak ung, acun naw kei ah ka pyen phung a bä nak cu m’dang khai.

1 SAMUEL 4:16

Cun ah chang naw, “Kei cu ng’tuk nak ung ka, ka phyawng lawk ci, acun ung ka alam pum tuhngawi ka dawng lawk ci” cik ci. Eli naw, “A i ah kyak ci ang, ka hta?” cine ng’shik ci.

1 SAMUEL 4:18

Cun ah chang naw Thukhän M’küm ah mawng a pyen vai am, m’kawt pei ah Eli cu a ngoh nak ung ka, a hnu ah ng’lat ci. Ani cu ghi aih ne plan ci kya neta, ang kyak nak ung a hnü hnget sei sik ci. Ani cu kho kum phli kip ung Israel gui ah ng’vai pi ah kyak te ci.

SAM 78:61

Ani naw a huham la a bäimang nak ah kyak ciah Thukhän m’kü cu ga gui ah kut ung a gawk vai ah bik ci.

SAM 78:64

Taigü gui cu akshe ung si u sei phi, ami chu hmei gui cu kä kyap ci gui.

1 SAMUEL 3:12

Cun ah hnüüp ung kei naw Eli ah kyongkhui hnu ng’tuk ne, m’kyih nak vai tün nak ungka naw ng’pyi nak ung khüt ci, avan ka law püi khai.