1 SAMUEL 4:10 - Cho Bible Common Language 2016

¹⁰ Phlistin gui naw k’tha na ne tu gui u ne Israel gui cu ami shukdep gui, cun ah kyasei ami im ah dawng ba ci gui. Acun ung ngawn sheh nak dämduh ci; Israel gakap phia phia thum ngawn gui ci gui.

1 SAMUEL 4:10 Referans Kwoze

2 GHANGPUGHANG GUI 14:12

Amaziah ah gakap gui cu hnim gui u sei gakap gui ami van püi ne ami im ah dawng ba ci gui.

1 SAMUEL 4:2

Philistin gui näng ci gui, nuipai ciah ami ng’tuk awn ah ngami naw Israel gui cu shudep gui u ne, chang phia phli kip, ng’tuk nak ung ngawn gui ci gui.

THULÄÄN NAK 28:25

“Bawipa naw nami ga gui am nangmi ah khan ah näng nak pe gui khai. Nangmi naw lam tumat ung hteit ne nami tu gui khai, cun ung phi ngami ungka lam avan ung nami dawng khai. Nangmi ah khan ah cun ah a kyak law gui cu, khomdek khan ah chang avan naw hmu u neta cäicat khai gui.

TAIGÜTHUM 26:17

Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

2 SAMUEL 18:17

Ngami naw Absalom ah pum cu la u neta, bung hmu ah ak thuk ah khui ci ung yuk chak ci gui, ak khan ah lung gui akawm awn adäm ah yuk pum shi ci gui. Israel chang gui ami van cu ami im phäh phäh ah dawng ba ci gui.

SAM 78:9

Ephraim chang gui cu li la m’la kawt pang u ne phi, ng’tuk law ung dawng ci gui nei.

2 SHONTÄP NAK 25:22

Judean gakap gui cu tu hnim gui u sei, ami im ah dawng ba ci gui.

2 SHONTÄP NAK 13:17

Abijah la a gakap gui naw Israel gui cu ak ghuih ah tu gui u ne-Israel gui ah gakap aknipi 500,000 vai cu ngawn ci gui.

1 GHANGPUGHANG GUI 22:36

Khohni sip law hlü khäta Israel gakap phung ung ng’thu ng’shäu gawk lawk ci, “Achang päng cu amät ah kho la amät ah mang gaw ung hteit ba sä!”

1 GHANGPUGHANG GUI 12:16

Chang gui naw ghangpughang naw a i ah kä a ngaih gui cu hmu u neta, m’lau ci gui, “David la akyong chang cu nawng gui vä! Ngami naw mikmi ah phäh a i ang ami na bi pek gui man? Israel chang gui, mi im ah mi hteit ba khai nei! Rehoboam naw amät naw amät teng sä!” Cun ah kyasei Israel chang gui naw hnungtuk püi u ne,

2 SAMUEL 20:1

Cun yah ung Gilgal gawnu ah Benjamin pakhui Bikri ah hta, Sheba ming nak ciah chang om k’she tumat om ci. Ani naw phyung puuk tum ne, khü gui ne, “David yu ng’kia sä! Mikmi naw kä mi läk khai nei! Israel chang gui, mi om ah mi hteit ba khai nei!” cik ci.

2 SAMUEL 19:8

Cun kawn ah ghangpughang cu ng’düi law ne, hteit ne, mang gaw m’kawt pei ah ngok ci. A chang gui naw cu ah a om cu ng’ya u neta, ami van ng’cut ne k’bui lawk ci gui. Cun yah ung Israel chang gui ami van dawng ci gui, ami im phäh phäh ah hteit ba ci gui.

2 SAMUEL 18:7

Israel chang gui cu David ah chang gui naw hnim gui ci gui. Cun cu kyih aih vai kyak ci, cun hnüüp ung chang phia phia m’ku ngawn gui ci gui.

THULÄÄN NAK 28:15

“Cun ung phi Bawipa nami Khanpughi ah ng’thu kä läk ne, tuhngawi kei naw ka ning pek gui ah ang thumkhän gui la thukhän gui avan cu nangmi ah khan ah gawk lawk khai.

JEREMIAH 7:12

Shilon ah hteit vä, cun cu khawihnah nak vai kei naw ka ghü ah akhtük bäih ah hmun ah kyak ci nei, cun ung a i ka bi cu teng vä, cun cu ka chang gui Israel gui ah hma ah phäh ah kyak ci nei.

1 SAMUEL 3:11

Bawipa naw ani am, “I baw hnüüp ung Israel chang gui ah khan ah kei naw a i baw ka bi lawk khai, cun cu kyih aih vai kyak ci, cun ng’yak ciah chang päng cu cäicat khai.