1 SAMUEL 31:6 - Cho Bible Common Language 2016

⁶ Cun cu Saul, a hta thum la chang nong ah sih ah mawng ah kyak ci; cu hnüüp ung Saul ah chang gui ami van sik ci gui.

1 SAMUEL 31:6 Referans Kwoze

1 SHONTÄP NAK 10:6

Cun ah kyasei Saul ah a hta thum cu a täng ah sik ci gui, ani ah htangshon naw a ngawi ah phi kä uk tuba ci.

1 SAMUEL 28:19

Ani naw ning ap khai, Israel gui cu Philistin gui am ap khai. Ngawi ung nang la na hta cu kei ah nani ng’dawn khai, Bawipa naw Israel gakap gui cu Philistin gui am ap gui khai” cik ci.

1 SAMUEL 12:25

Cun ung phi katnak nami bi lä ah a kyak ung, nangmi la nami ghangpughang cu ning m’di gui khai,” cik ci.

1 SAMUEL 12:17

Shin cu kho cha ah kyak ci, kä kya ne ang? Cun ung phi kei ka taigü khai. Bawipa naw kho hmun la kho aa tüi lawk khai. Shin gui a kyak law ung, nangmi naw Bawipa hnu ng’tuk püi ne dämduh ciah katnak nami bi cu nami hmat ba khai.

1 SAMUEL 11:15

Cun ah kyasei ami van Gilgal ah hteit u ne, a cu ah theing ciah hmun ung Saul cu ghangpughang ah ng’shäu ba ci gui. Ngami naw hmuh chum-khawihnah nak cu dou thak u ne, Saul la Israel chang avan naw cun ah mawng cu bik ci gui.

SUKI GUI 9:54

Ani naw ang ghit ah ani ah li-chim kawt ciah chang nong tumat cu khü neta, “Na khim yu phawng ne, na ngawn ä. Hnumi naw ana ngawn ah chang naw a pyen vai kä ka ng’ya hlük ci nei” cik ci. Cun ah kia khäta chang nong naw k’dauh sei ani cu sik ci.

1 SAMUEL 26:10

David naw, “Ghing ciah Bawipa ung kei naw ka hmat ci, Bawipa amät naw Saul cu ngawn khai, akhin gawk law sei a sih vai ah baw, ng’tuk nak ung asih vai ah baw cik khai.

1 SAMUEL 31:5

Cun ah chang nong naw Saul a sih cu hmu neta, a khim phawng ne, amät ng’tawk ne Saul awn a täng ah si tuk ci.

1 SAMUEL 31:7

Jeyreela khaw nawi la Jordan tuinu a kiangtäng ah om ciah Israel gui naw Israel gakap gui ami dawng ah mawng la Saul la a hta gui ami ngawn ah mawng cu ng’ya u neta, ami pigaw gui nawng ne dawng yawp ci gui. Cun kawn ah Philistin gui law u ne khäm yawp ci gui.

2 SAMUEL 1:1

Saul a sih kawn ah David cu Amalek gui näng gui neta, law ba ne Ziklak ah hnüüp goi om ci.

2 SAMUEL 1:12

Ngami cu thüi kyap u neta, Saul la Jonathan la Israel chang, Bawipa ah chang gui ah phäh ah mühun güt ei hlawi ci gui, a i ah kyasei ci ung, ng’tuk nak ung akda aih ami ngawn gui ah phäh ah kyak ci.