1 SAMUEL 31:4 - Cho Bible Common Language 2016

⁴ Ani naw ali htei kawt ciah changnong am, “Na khim phawng ne, kei na ngawn ä, cun ung shin ah Khanpughi kä yum ciah Philistin gui naw yei ne kä na ngawn khai gui” cik ci. Cun ung phi cun ah chang nong cun bi vai ah ang htei ah kyik ci. Cun ah kyasei Saul naw amät ah khim phawng ne, amät ng’tawk ci.

1 SAMUEL 31:4 Referans Kwoze

2 SAMUEL 1:20

Shin ah mawng cu Kath khaw ung la, Ashkelon lam gui ung Kä nami shäu vai. Philistin hnumi gui yei khai ah kä nami bi vai; Khaw ng’yo ah hta hnumi gui kä nami yei sak gui vai.

2 SAMUEL 1:6

Ani naw, “Kei cu Kilboa M’htung khan ah ka hang gawk düt ci. Saul cu ak htei ung ng’düh sei ka hmuk ci. Yatha ng’cum ci la ng’se ung cun ci gui naw khaai ci gui.

SUKI GUI 9:54

Ani naw ang ghit ah ani ah li-chim kawt ciah chang nong tumat cu khü neta, “Na khim yu phawng ne, na ngawn ä. Hnumi naw ana ngawn ah chang naw a pyen vai kä ka ng’ya hlük ci nei” cik ci. Cun ah kia khäta chang nong naw k’dauh sei ani cu sik ci.

1 GHANGPUGHANG GUI 16:27

Omri ah a bilawh gui phung la ang näng nak gui avan cu Israel ghangpughang gui ah mawng ca-uk ung guk ah kyak ci.

2 SAMUEL 17:23

Ahithophela naw ani ah m’shüm thein gui kä ami läk cu hmu neta, ang sela ung ng’cum ne, amät ah mang gaw ah hteit ba ci. Amät ah bi vai gui cu bi neta, amät ng’awk ne sik ci. Ani cu ami kyong ah phuh hmun ung m’cim ci gui.

2 SAMUEL 1:14

David naw ani am, “Khanpughi naw a ghü ah ghangpughang ngawn vai ah a i hawkcha ah na gäng tha lawk ci ang?” cik ci.

1 SAMUEL 17:36

Kei naw kawng gui la khawm gui cu ka ngawn ci, shin ah khuihei Philistin acun ah mäih ah ka cik khai, ani naw ghing ciah Khanpughi ah gakap gui cu gheet taap gui ci.

1 SAMUEL 17:26

David naw a pei ah ka gui cu ng’shi gui ne, “Shin ah Philistin chang ngawn ne Israel gui cäi ng’ä nak ung phyawn sak ciah chang naw a i gah khai ang? Ghing ciah Khanpughi ah gakap ghet taap ciah shin ah chang hei Philistin chang cu a u ang?” cik ci.

1 SAMUEL 14:6

Jonathan naw chang nong am, “Philistin chang hei gui ah phung ah ni va ng’kat khai. Bawipa naw na m’htei goi hman khai; ana m’htei goi ah a kyak ung kä ma ne, näng nak na pe goi khai, mi ken ung phi a i kä kyak khai” cik ci.

SUKI GUI 14:3

Cun ung phi anu la apa naw, “A i ah kyasei nang naw Khanpughi kä yum ciah Philistin hnumi hta, hteit ne na chu nak hlü ang? Mi mät ah pahta, mimät ah chang avan ung hnumi hta kä na hmu hning ne ma?” cine ng’shik ci goi. Cun ung phi Samson naw apa am, “Kei ah phäh ah nami na lak pek vai ka ng’yak hlü cu ani ah kyak ci nei, ani cu ka m’hni ci nei” cik ci.

1 SHONTÄP NAK 10:4

Ani naw a lihtei gui kawh pek ciah chang nong am, “Shin ah Khanpughi kä hmat ciah Philistin gui naw kä ami na kahta nak vai ah, na khim phawng ne na ngawn ä” pyen nak ci. Cun ung phi cun ah chang nong naw cun ah abi vai ah ang htei ah kyik ci. Cun ah kyasei Saul naw amät ah khim phawng ne amät ng’tawk ci.

1 SAMUEL 31:5

Cun ah chang nong naw Saul a sih cu hmu neta, a khim phawng ne, amät ng’tawk ne Saul awn a täng ah si tuk ci.

2 SAMUEL 21:12

Gilead ah Jebesh chang gui ah, Saul la a hta Jonathan ah guh cu hteit ne lak ci. (Beth Shan pigaw lung ungka ngami naw ami m’guk ah kyak ci, cun cu Gilboa M’htung ah Saul ngawn u ne, a cu hnüüp, a pum cu Philistin gui naw ami m’awh ah kyak ci.)

1 GHANGPUGHANG GUI 16:18

Zimri naw mang gaw angkiak cu hmu neta mangim ah akyong lungung ah lut ne, mangim cu mei awn m’khih neta mei ung lutne sik ci.

1 SAMUEL 26:10

David naw, “Ghing ciah Bawipa ung kei naw ka hmat ci, Bawipa amät naw Saul cu ngawn khai, akhin gawk law sei a sih vai ah baw, ng’tuk nak ung asih vai ah baw cik khai.

2 SAMUEL 1:1

Saul a sih kawn ah David cu Amalek gui näng gui neta, law ba ne Ziklak ah hnüüp goi om ci.