1 SAMUEL 31:1 - Cho Bible Common Language 2016

¹ Kilboa M’htung ah Israel gui cu Philistin gui naw tu gui ci gui. Israel chang gui akda cu ami ngawn gui, k’pawih ba ci gui la ghangpughang Saul la a hta gui cu dawng ci gui.

1 SAMUEL 31:1 Referans Kwoze

1 SAMUEL 28:4

Philistin gakap gui cu Shunem gawnu pei ah phung tu ne ng’bum ci gui; Saul naw Israel chang gui cu Kilboa m’htung ah phung tu ne bum püi gui ci.

2 SAMUEL 1:21

Kilboa khaw m’htung gui ah khaw kä aa en sä, khlüitui kä baw en sä; ami lou ung angtäi ah khaw käu sä! A i ah kyasei ci ung chang m’gäi ah shawi gui cu acun ung thüi ne yung kyak ci; Saul ah shawi phih situi awn kä hluk ba nei.

1 SAMUEL 29:1

Philistin gui naw ami gakap gui avan cu a täng ah Aphek ung law püi ci gui, cun yah ung Israel gui cu Jeyreela khaw ng’nawi ung phung tu ne om ci gui.

1 SAMUEL 28:15

Samuel naw Saul am, “A i ah kyasei na na m’shok shü ang? A i ah kyasei shi ah ka law vai ah na bi ang? cik ci. Saul naw “Kei cu khüikha nak akdäm ung ka gawk ci nei! Philistin gui naw na ng’tuk püi ci gui, Khanpughi naw na nawng ci. Cun ah kyasei ka ning khü nei, a i ka bi vai cu na m’thein ä” cik ci.

1 SAMUEL 28:1

Api shou hta khäta Philistin gui naw ami gakap gui cu k’bum u ne, Israel gui cu tuk vai ah pawng ci gui, Achish naw David am, “Tuhbäi ung nang naw na hmat pyi ci, nang la na chang gui cu kei täng ah om ne ng’tuk nami bik khai” cik ci.

1 SAMUEL 12:25

Cun ung phi katnak nami bi lä ah a kyak ung, nangmi la nami ghangpughang cu ning m’di gui khai,” cik ci.

2 SAMUEL 1:6

Ani naw, “Kei cu Kilboa M’htung khan ah ka hang gawk düt ci. Saul cu ak htei ung ng’düh sei ka hmuk ci. Yatha ng’cum ci la ng’se ung cun ci gui naw khaai ci gui.

2 SAMUEL 4:4

A hei Saul ah angshon tumat cu Jonathan ah hta Mephibosheth ah kyak ci, ani cu Saul la Jonathan ami ngawn goi yah ung kum hma lawk ci. Ngani ah sih ah mawng cu Jezreelaa mang gaw ungka gawk law khäta, ani m’htei ci naw chang ne dawng püi ci; cun ung phi cun ah hnumi cu ang htei ah tawt aih neta, lam ah chah pah sei, a khaw shum ci.

1 SAMUEL 28:19

Ani naw ning ap khai, Israel gui cu Philistin gui am ap khai. Ngawi ung nang la na hta cu kei ah nani ng’dawn khai, Bawipa naw Israel gakap gui cu Philistin gui am ap gui khai” cik ci.