1 SAMUEL 30:8 - Cho Bible Common Language 2016

⁸ David naw Bawipa han ng’shi ne, “Cun ah tu lawk ciah chang gui ka läk gui vai aw? Ka pha gui vai aw” cik ci. Ani naw, “Ami hnu ah läk gui ä, pha gui ne, amo pha gui cu gung gui ä,” cik ci.

1 SAMUEL 30:8 Referans Kwoze

1 SAMUEL 30:18

David naw chang päng la khawh avan, a chu goi mah ah Amalek gui naw ami hteh püi phung cu gung ba gui ci;

1 SAMUEL 23:2

“Hteit ne, Philistin gui ka tu gui vai ang?” cine Bawipa cu ng’shi ci. Bawipa naw, “Ä, ngami tu gui ne, keilah cu gung ä” cik ci.

2 SAMUEL 5:19

David naw Bawipa ng’shi ne, “Philistin gui ka tuk gui vai aw? Näng nak na na pek khai aw?” cik ci. Bawipa naw, “Ä, na tuk gui vai nei, kei naw näng nak ka ning pek khai nei” cik ci.

2 SAMUEL 5:23

Hnü ät ung David naw Bawipa ng’shi thäh ba ci, Bawipa naw, “Shin ungka naw kä na tuk en gui vai, cun ung phi hteit ne khaai gawi neta, a hei lam täng, kian shing gui ah pei ungka naw tuk gui ge vai ah nami om vai.

1 SAMUEL 23:4

Cun ah kyasei David naw Bawipa ng’shi ba ci, Bawipa naw ani am, “Hteit ne keilah na tuk vai, Philistin gui ah khan ah näng nak vai kei naw ka ning pek khai” cik ci.

SAM 91:15

Ami na khü ung ka m’shang gui khai. Ami geinvai yah ung ka om püi gui khai. Kei naw gung gui ne, ka m’taam gui khai.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

KHEI NAK 27:21

Ani cu taigü Eleazar ung ng’yung khai, ani naw Urim la Thummim mang ne kei ung ng’thei khai. A cu cha ah Eleazar naw Joshua la Israel chang bum avan cu ami mawngma nak avan ung m’shümthei gui khai.”

1 SAMUEL 28:6

Cun ah kyasei a i ka bik khai cine Bawipa cu ng’shik ci. Cun ung phi Bawipa naw kä m’shang pang ci, ng’mang ung phi kia, Urim, Thummim la prophet awn phi kä m’shang ci.

SUKI GUI 20:18

Israel gui cu Bethela ah khawihnah nak ah hmun ung htet u neta, Khanpughi cu ng’shik ci gui, “A i pakhui naw Benjamin gui cu a tuk ma vai ang?” Bawipa naw, “Judah pakhui” cik ci.

1 SAMUEL 14:37

Cun ah kyasei Saul naw Khanpughi ng’shik ci,” Philistin gui ka hnim gui vai aw? Nang naw näng nak na na pe gui khai aw?” Cun ung phi cu hnüüp Khanpughi naw kä m’shang ci.

ATÜNNAK 14:16

Ga gui naw ami hteh püi gui avan la ba ne, atu Lotah la a khawh cham gui, hnumi gui la chang gui avan cu law püi ba gui ci.

PHYAWN NAK 15:9

Ga naw pyen ci, “Kei naw k’täm ne ka pha gui khai; ami khawh cu k’pai pe gui ne, kei naw avan ka lak khai. Ka khim phawng neta ngami ung om ci avan ka lak khai.

1 SAMUEL 30:19

a i phi kä k’pawih nak ci. David naw a chang gui ah hta pami, hta hnumi gui la Amalek chang gui naw ami hteh püi avan cu gah ba ci.

SUKI GUI 8:4

Cun yah ung Kideon la akchang phya thum cu Jordan tuinu ah law u ne, hei kat ci gui. Ngami cu bawngbai ci gui, ga cu gawt gäk gäk ci gui.

1 SAMUEL 10:22

Bawipa cu ng’shik ci gui, “A hei chang kä om ba ne ma?” Bawipa naw, “Saul cu ca om ci, i baw gui ah hnu ah ng’thup ci nei” cik ci.