1 SAMUEL 30:6 - Cho Bible Common Language 2016

⁶ David cu khüikha nak akdäm ung gawk ci, a i ah kyasei ci ung, a chang gui ami van u ami hmaw gui a maih ah phäh a thüi aih ci gui, ani cu lung awn vawih vai ah k’bäi ah k’bäi ci gui; cun ung phi Bawipa a Khanpughi naw k’thamah nak pek ci.

1 SAMUEL 30:6 Referans Kwoze

SAM 56:11

Ani ka ngaih u ci, kei cu kä ka kyik khai. Hniciim chang naw kei cu, a i ah na ci hlawt khai aw?

SAM 62:5

Kei cu Khanpughi bäng ung ka ng’yung ci, Khanpughi bäng ka ngaih u ci.

SAM 18:6

Ka cümbawng yah ung Bawipa cu ka khü ci nei; na m’htei khai ah Khanpughi cu ka k’thäh ci nei. A pum im kyong ah om ne ka k’aw cu ng’yak ci; ka kyah cu ngai ne, na m’htei ci nei.

SAM 25:17

Ka ng’ä ai nak gui ung kaa, na hüi sak ne, ka cümbawng nak gui ung ka nak phyawn ä.

HEBRU 13:6

Cun ah kyasei, “Bawipa cu kei nam htei ciah Bawi ah kyak ci, Kei cu kä ka kyikyawk khai. A u naw kei ah khan ah a i bi hlawt khai ang?

ROMAN 4:18

Abraham cu a khaw m’vui ne a kyak yah ung phi Khanpughi cu yum ne ngaih u ci. Cun ah kya ne ani cu changpakhui avan ah pa ah kya lawk ci. Cacim theing ung, “Nang ah hta ng’shon gui cu aisi k’chü ah püi khai nei,” a ciah mäih ah kyak ci.

SAM 116:10

“Kei ka ng’deng pyi ci nei” ka ci ung phi, ka yum nak cu kä htek ci,

ROMAN 8:31

Shin ah a mawng gui avan cu teng ah a kyak ung, Khanpughi cu mik mi lam ah a om ung a u naw na hnu ng’tuk püi gui hning khai ang!

PHYAWN NAK 17:4

Moses naw Bawipa am lung ngaih avan awn ak taigü cu, “Shin ah chang gui ung a i ka bi hning khai ang? Ngami naw lung awn na vawi ge khai ah pawng ci gui nei.”

SAM 42:11

A i ah kyasei kei cu ka thüi aih ang? A i ah kyasei kei cu ka khüikha aih ang? Khanpughi ka ngaih u khai nei, ka Hunbawi la ka Khanpughi cu ka m’taam ba mä khai nei.

SAM 27:14

Bawipa ngaih u ä, yum ä, khüi ghaat ä, Bawipa ngaih u ä.

2 KORIN 4:8

Mikmi cu ashäng shäng mi yaica ung phi kä mi ng’pyäuh sagei ci; ak hngü ät mi khüi khaa ung phi, m’lung kä thüi ci;

JOHAN 8:59

Ngami naw Bawipa Jesuh ami vawih nak vai lung kaw ci gui. Cun ung phi Bawipa Jesuh cu ng’thup ne Taigüim ungka a hei lam ah hteit ci.

KHEI NAK 14:10

Chang gui ami van naw ngani cu lung awn vawi goi ne ngawn goi vai ah pawng ci gui. Cun ung phi pyü ne ng’shü ciah Bawipa ah akdei cu Phung ah khan ah ang ghit ah ng’dang law sei chang gui naw hmuk ci gui.

2 KORIN 7:5

Macedonia kho ah kami gawk law kawn ah phi kami ng’düm nak kä om ci; yaica nak akda kami aut ci, chang gui ah ng’tuk ng’vauk nak akda om sei, ang htei ah kami kyikyawk ng’ä ng’ai ci.

NG'THU K'THUUK~ 18:10

Bawipa cu khänghtek ciah tänghän ah kyak ci. A cu ah dung ciah chang gui hteit u ne phyawng m’htein ci gui.

JEREMIAH 16:19

Bawipa, nang cu kei na shungvong ne k’thagui na pek ciah na kyak ci; ka khüikha sangung nang naw na na m’htei ci. Chang pakhui gui cu khocawi ah ka nang ah law u ne tap yen khai gui, kami pupa gui ung a i kä om ci, khanpughi she gui bäng om ci, ahei a i kä om ci, kä ei mang vai ah agup gui bäng om ci.

JOB 13:15

Ka ngaih u nak avan maih pii ci, Khanpughi naw ana ngawn ung a i ah kyak khai aw? Kei naw ka mawng cu ani am ka m’thein khai nei.

2 KORIN 1:6

Kei mi kami geinvai ung, nang mi naw m’htei nak la hun nak nami gah vai ah hmawk ah kyak ci. Keimi m’htei nak kami gah ung nangmi cun phi m’htei nak gah u ne, keimi naw kami aut ah geinvai nak cu hnimgei ne, aut m’khüt nak ah thagui cu nami gah khai.

ROMAN 4:20

Ani cu a yum nak kä ng’hlat phung ci, Khanpughi ah shaitaak phi kä a ngaih gep nak kä om ci; a yum nak naw hlüngtai nak awn be sak sei, Khanpughi cu m’hlüngtai ci.

MATTHE 27:22

Pilat naw, “Cun ah a kyak ung Messiah ami ciah Jesuh cu a i ah ci vai ang,” cine ng’shi gui ci. Chang ami van naw, “Kutlamtung ung tai ne ngawn vai nei,” cik ci gui.

MATTHE 21:9

Bawipa Jesuh ah a hnu ama ung ana dou law ne läk lawk ciah chang gui cu, “David ah Htapa cu m’hlüngtai vä! Bawipa ang ming awn kyum lawk cicu Khanpughi naw yeikyai nak pe sä! Khanpughi cu m’hlüngtai vä,” cine m’lau ci gui.

ISAIAH 25:4

Dukhaih ci la am geinka gui cu nang ung ng’yii ci gui nei, yaica nak ah akhin ung ngami cu phiawn nak gah ci gui nei. Pui khokhi ung ng’yii nak vai la mei k’cang ung ng’shung nak vai na pe gui ci nei. Chang m’ghämce naw sik khokhi ah mäih ah,

SAM 62:1

Nak phyawn khai ah Khanpughi cu ngaih gep ne ka ngäng ci; kei cu Khanpughi bäng ung ka ng’yung ci.

SUKI GUI 18:25

Dan ung ka chang gui naw, “Shin ah chang gui m’lungshe u neta, ami ning tuk law gui vai, kä nami m’hni ah a kyak ung thu a i phi kä pyen ne nami om ung bä tu ba khai nei. Nang la na kyong chang gui nami sik khai nei” cik ci gui.

ATÜNNAK 32:7

Jakob cu ang htei ah cäi ne ng’ä ci. A chang gui, a sei a me gui, la kalauk gui avan cu hnih ah k’pai ci.

SAM 42:5

A i ah kyasei kei cu ka thüi aih ang? A i ah kyasei kei cu ka khüikha aih ang? Khanpughi ka ngaih u khai nei, ka Hunbawi la ka Khanpughi cu ka m’taam ba mä khai nei.

2 SAMUEL 17:8

Na pa David la a chang gui cu ng’tuk m’khüt ciah chang gui, a hta ami guh ung nget ciah khawm ah mäih ah nget ciah chang gui ah kyak ciah na hmat ci. Napa cu ng’tuk bi chüm ciah gakap ah kyak ci, ak chang gui awn a täng ah mü ah kä ip ci.

2 GHANGPUGHANG GUI 4:27

Cun ung phi Elisha ah a gawk law kawn ah ama ah kawp ne a khaw cu k’pang ci. Kehazi naw k’täm hlük ci, cun ung phi, Elisha naw, “Nawng en ä, ani am lung a thüi nak cu nang naw kä na hmu ne ma? A cun ah mawng cu Bawipa naw a i kä na m’thein ci nei” cik ci.

1 SAMUEL 23:16

Jonathan cu a cu ah hteit neta, Khanpughi ah ngäng m’htei nak ah mawng a ngaih gep vai ah k’thamah nak pek ci.

SAM 18:2

Bawipa cu kei ah lung, kei ah vongpang, Kei ah Hunbawi, kei ah Khanpughi, ani cu kei ah phyawn nak ah kyak ci. Ani naw shawi ah mäih ah na shung ci; Ani naw nang vong ne nak phyawn ci.

SAM 31:24

Bawipa ngaih u ciah chang avan, thamah vä, khüi ghaat vä.

SAM 71:4

Ka Khanpughi, changshe gui ung na gung ä, ami cheishoh nak ah huham ung na gung ä.

SAM 71:5

Uk ciah Bawipa, nang cu ka ning ngaih u ci nei; ka hmaw yah ung tün ne nang ung ka ng’ap ci nei.

JONAH 2:2

“O Bawipa, ka geinvai yah ung ning khü ngä sei, nang naw na na m’shang ci. Thuuk aih ciah sih nak ah khaw ung ka naw na na m’htei vai ah ng’khüngä sei na na ngaih pek ci nei.

SUKI GUI 20:22

Israel gui cu khawihnah nak ah hmun ah hteit u ne, Bawipa ah ma ah mühun güt kyap ci gui. Ngami naw ng’shi ba u ne, “Keimi kami nau Benjamin tuk vai ah ng’tuk nak ah kami hteh ba mä vai ang?” cine ng’shik ci gui. Bawipa naw, “Ä” cik ci. Cun ah kiasei Israel gakap gui cu k’thagui la ba u neta, azanta ah mäih ah ami gakap gui cu tha ba ci gui.

1 SAMUEL 28:15

Samuel naw Saul am, “A i ah kyasei na na m’shok shü ang? A i ah kyasei shi ah ka law vai ah na bi ang? cik ci. Saul naw “Kei cu khüikha nak akdäm ung ka gawk ci nei! Philistin gui naw na ng’tuk püi ci gui, Khanpughi naw na nawng ci. Cun ah kyasei ka ning khü nei, a i ka bi vai cu na m’thein ä” cik ci.

SAM 138:3

Kei naw ka ning khü ung nang naw na na m’shang ci; Na tha gui awn thagui na na k’be ci.