1 SAMUEL 30:23 - Cho Bible Common Language 2016

²³ Cun ung phi David naw, “Ka phäi nau gui aw, Bawipa ah ana pek nak gui ah khan ah cu cha ah kä nami bi vai nei! Ani naw phyawn nak na pe gui ne, ng’tuk bik ci gui ah khan ah näng nak na pe gui ci nei.

1 SAMUEL 30:23 Referans Kwoze

THULÄÄN NAK 8:18

Bühmang law nak vai ah hriham ning pe gui ci cu, Bawipa nami Khanpughi ah kyak ci, cicu nami shüm ba vai. Ani naw shin ah bii bik ci, a i ah kyasei ci ung ani naw nami pupa gui ung abi ah thukhän cu tuhngawi güt ung abekhüt ah hmawk ah kyak ci.

LAMKTU 22:1

“Israel chang nupa phäi nau gui aw, tuk bäi ka mät ah mawng phlehphlang ne ka pyein lawk khai na ngai tu vä!

LAMKTU 7:2

Stephen naw, “Phäi nau gui lah Pa ng’vai gui aw, nang ngai vä, mi pughi Abraham cu Haran khaw ah hteit ne kä a om pha ung Mesopotamia ah a om yah ung hlüng tai ciah Khanpughi cu ng’dang netah,”

1 SAMUEL 2:7

Ani naw amshah dukhaih sak ci, amshah bühmang sak ci; Amshah neim sak ci, amshah dämduh sak ci.

SUKI GUI 19:23

Cun ung phi a ghipa nu cu lut law neta a pyen nak gui cu, “Ka nei, ka teihpüi gui aw! Nami bä ne! Shin ah mäih ah akshe, ng’zawpawn nak cu kä bi vä! Shin ah chang cu ka k’khin nei.

THULÄÄN NAK 8:10

Nangmi naw nami ng’yak hlü avan nami ei khai, Ani naw a ning pek gui ah ang lei nik ciah khaw ah phäh ah Bawipa nami Khanpughi cu nangmi naw nami m’hlümtai khai.

ATÜNNAK 19:7

“Teihpüi gui aw, nami bä ni, cukcha ah akshe ah kä bi en vä!

HABAKKUK 1:16

Ngami naw ami ng’vai cu khawihnah u ne, vawihpeh ci gui, a i ah kyasei ci ung a cun naw akni pi apäng a gah sak gui ah hmawk ah kyak ci.

1 SAMUEL 30:8

David naw Bawipa han ng’shi ne, “Cun ah tu lawk ciah chang gui ka läk gui vai aw? Ka pha gui vai aw” cik ci. Ani naw, “Ami hnu ah läk gui ä, pha gui ne, amo pha gui cu gung gui ä,” cik ci.

1 SAMUEL 30:22

Cun ung phi chang om she, akholä gui naw David awn a täng ah hteit tuk ci amshah naw, “Ngami cu mikmi awn a täng ah kä hteit tuk ci gui, cun ah kyasei khawh api phi kä mi pe tu gui khai. Ngami naw ami chu gui la ami hta gui cu la ba u ne, a hei ah hteit u sä” cik ci gui.

1 SAMUEL 30:24

Cun ah nami pyen cu a u naw kä yum tuk khai nei! Van naw a täng ah mi ng’pai khai; ng’tuk va bik ciah chang gui la ei vai ngäng ne, mi hnu ah ana om ci gui cu a täng ah ng’pai khai gui nei” cik ci.

THULÄÄN NAK 8:17

Cun ah kyasei nami mät ah thagui la huham awn nami mät naw bämang nak nami bik ciah kä nami ngaih en vai.