1 SAMUEL 30:16 - Cho Bible Common Language 2016

¹⁶ Ani naw David cu ngami ah hteh püi ci. Ng’tuk bik ciah chang gui cu pawi bi u ne, ei ne, aw ne, ami hmun ung püi pyang ne om ci gui, a i ah kyasei ci ung Philistin la Judah ung tu ne ami gah ah dämduh aih ciah khawh chang ah phäh ah kyak ci.

1 SAMUEL 30:16 Referans Kwoze

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

ISAIAH 22:13

Cunnak vaisü ung nangmi cu gaih ne pawi nami bik ci nei. Htome la seipat ngawn ne ei u ne, sapyit tui nami awk ci nei! Nangmi naw, “Mikmi akni mi ei awk khai nei, Ngawi ung mikmi mi si lawk khai nei” nami cik ci.

JOB 20:5

a u chang shekha phi ak shou kä yeikyai man ci.

2 SAMUEL 13:28

Achangshäm gui cu m’cäi gui ne, “Nami geing nak vai, Ammon naw akdäm a awk law ung, ka ning khü gui khai, nami ngawn vai, kä nami kyih vai. Kei naw ka mät ah bi vai cu ka bik khai. Nami nget vai, kä nami kut ng’gin vai!” cine m’cäi gui ci.

1 SAMUEL 30:14

Keimi naw Judah khaw a htumtäng Cherethit gui ah khaw la Kaleb pahta gui ah khaw cu tu ne, Ziklak gawnu cu kami m’khih ci nei,” cik ci.

PHYAWN NAK 32:6

A ngawi ung khaw ngawi hta chang gui naw, m’khih ne khawihnah nak seime gui la douthak ne ei vai gui cu law püi ci gui. Chang gui cu ngo ne ei aw u neta, ng’tunglam ne lawklak ci gui.

1 SAMUEL 30:15

David naw, “Cun ah ng’tuk bik ci gui ah na na khah püi hning khai aw?” cik ci. Ani naw, “Kä nami na ngawn khai, ka bawi am kä nami na ap ba khai ah Khanpughi ah ming ung shai nami tak ung läi ka ning khah püi gui khai” cik ci.

SAM 119:162

Na shaitak ah hmawk ah ka yei aih ci, cun cu mangnak vai khawh ng’peeih hmuk ciah yei ah mäih ah kyak ci.

ISAIAH 9:3

Nang naw dämduh ciah hüithaw nak na pe gui ci nei, BAWIPA; Nang naw na yeikyai sak gui ci. Chang gui naw ami geit ami khäm ung, kä cun ung ami guh tep ah khawh ami ng’pai ung ami yeikyai ah mäih ah, Ngami cu nang ah bi nak ung hüithaw ci gui nei.

SUKI GUI 8:11

Kideon cu Nobah la Jokbehah ah akiang, ng’kyang ma ah ak cawi, lam k’täi ung heit neta, ga gui ah gakap gui cu ang ghitah tu gui ci.

1 SHONTÄP NAK 4:43

A cu ah ngami naw pawih ba ciah Amalekit ak gui cu ngawn gui u neta tuhbäi güt om ci gui.