1 SAMUEL 30:14 - Cho Bible Common Language 2016

¹⁴ Keimi naw Judah khaw a htumtäng Cherethit gui ah khaw la Kaleb pahta gui ah khaw cu tu ne, Ziklak gawnu cu kami m’khih ci nei,” cik ci.

1 SAMUEL 30:14 Referans Kwoze

ZEPHANIAH 2:5

Tuikem ah om ciah Philistin gui, nangmi cu nami ng’yiin ci. Bawipa naw ning m’kyuk gui ci. Ani naw ning m’di gui yawp khai, a u phi kä nami k’pawih ba khai.

EZEKIEL 25:16

Cun ah kyasei kei naw ka ng’shäu ci, kei naw Philistin gui cu tu gui ne ka nawtheng gui khai. Philistin kho dou ung om ci ng’nü cu kei naw ka m’di gui khai.

1 GHANGPUGHANG GUI 1:44

Ani naw Zadok, Nathan, Benaiah la mang im ngäng gui cu ani m’htei khai gui ah tüi gui ci nei. Ngami naw ani cu ghangpughang ah ng’sela ng’cum sak ci gui.

1 GHANGPUGHANG GUI 1:38

Cun ah kyasei Zadok, Nathan, Benaiah la mang im ngäng gui naw Solomon cu ghangpughang David ah ng’sela ung ng’cum sak neta Kihon tuihta ah hteh püi ci gui.

2 SAMUEL 8:18

Jehoiada ah hta Benaiah cu David ngäng ciah bawi ng’vai pi ah kyak ci, David ah hta gui cu taigü ah kyak ci gui.

1 SAMUEL 30:16

Ani naw David cu ngami ah hteh püi ci. Ng’tuk bik ciah chang gui cu pawi bi u ne, ei ne, aw ne, ami hmun ung püi pyang ne om ci gui, a i ah kyasei ci ung Philistin la Judah ung tu ne ami gah ah dämduh aih ciah khawh chang ah phäh ah kyak ci.

1 SAMUEL 30:1

Hnüüp goi alüng kawn ah David la a chang gui cu Ziklak ah law ba ci gui. Amalek gui naw Judah a htum lam cu ang ghit ah tu u ne, Ziklak cu tu nim ci gui. Ngami naw gawnu cu mei awn m’khih u ne,

JOSHUA 15:13

Bawipa naw Joshua am ang thumkhän ah mäih ah Judah khopäng ah avang cu Judah pakhui, Jephunneh ah hta Kaleb am pek ci gui. Ani naw Hebron cu gah ci, Cun cu Anah ah apa Arba ah khäm ah mang gaw ah kyak ci.

JOSHUA 14:13

Joshua naw Jephunneh ah hta Kaleb cu hriham pe neta, Hebron mang gaw cu a kaa nak vai ah pek ci.

1 SHONTÄP NAK 18:17

Jehoiada ah hta Benaiah cu David ngäng ci ung angvaipi ah kyak ci; Ghangpughang David ah hta gui cu ani ah bii binak ung ak hlüng gui ah kyak ci gui.

JOSHUA 21:12

Cun ah mäih ah mang gaw khuli gui, acun ah gawnu gui, Jephunneh ah a hta Kaleb am akaa nak vai ah ami pek pyi ah kyak ci.

1 SAMUEL 30:13

David naw ani cu, “Na bawi a u ang? A hawi ka na lawk ci ang?” cine ng’shik ci. Ani naw, “Kei cu Egypt chang, Amalek chang gui ah changshäm nei. Gaw ngäta ka bawi naw ana nawng nak hnüüp thum law lawk ci nei.

1 SAMUEL 30:15

David naw, “Cun ah ng’tuk bik ci gui ah na na khah püi hning khai aw?” cik ci. Ani naw, “Kä nami na ngawn khai, ka bawi am kä nami na ap ba khai ah Khanpughi ah ming ung shai nami tak ung läi ka ning khah püi gui khai” cik ci.