1 SAMUEL 30:12 - Cho Bible Common Language 2016

¹² K’thei ket ni, sapyit theih soi goi ni pek ci gui. Ani cu cun gui a ei kawn ah a k’tha be law ba ci; Ani cu hnüüp thum lüng ung a i kä ei awk ah om te ci.

1 SAMUEL 30:12 Referans Kwoze

SUKI GUI 15:19

Cun kawn ah Khanpughi naw Lehi khomdek ung m’dek yuk hmawng khäta, acun ung tui lut lawk ci. Samson naw cun cu aw neta acun ung gai law ba ci. Cun ah kiasei cun ah tui cu Hakkore ah sui ci gui, cun cu tu ä Lehi ung om ci.

1 SAMUEL 14:27

Cun ung phi apa naw chang gui ung taam nak abi cu Jonathan naw kä ng’ya tuk ci. Cun ah kyasei ani naw akawh ah htung awn khoi phiai tawk neta, khoitui cu ei ci. Acun vai am ani cu cüngkhüi ne theek ci.

MATTHE 27:63

“Bawi aw, cän ah hleei ciah chang a ghin yah ung ‘Kei ak hnüüp thum hnüüp sih nak ungka ka tho ba khai,’ a cicu kami shüm ba ci nei.

JONAH 1:17

Bawipa naw atäkphan ah nganu naw Jonah cu m’yawih sei, ani cu mü thum la hnüüp thum ung nga ah puk kyong ah om ci.

ESTA 4:16

“Hteit ne Jew gui avan Susa ung k’bum gui ä. Ei hlawi ne kei ah phäh ah taigü vä. Hnüüp thum la mü thum ung ei kä nami ei, tui kä nami awk en vai nei. Kei la ka changshäm hnumi hta gui phi acun ah kami bik khai nei. Cun kawn ah shin cu thukhän awn a hnungtuk ung phi, kei cu ghangpughang ah ka hteit khai. Shin bi ah phäh ah sih vai a kyak ung phi ka sik khai nei” ciah kyak ci.

1 SAMUEL 30:13

David naw ani cu, “Na bawi a u ang? A hawi ka na lawk ci ang?” cine ng’shik ci. Ani naw, “Kei cu Egypt chang, Amalek chang gui ah changshäm nei. Gaw ngäta ka bawi naw ana nawng nak hnüüp thum law lawk ci nei.

1 SAMUEL 30:11

David awn hteit ciah chang gui naw bung ah Egypt chang ak hmaw cu hmu u neta, David ah law püi ci gui. Ngami naw tui la ei, pek ci gui.

NG’ÄI KYAH 1:11

Ani ah chang gui cu ami ei vai shui ne ng’hlo ng’ei ci gui. Ngami naw ami m’küm khawh gui cu ami hnun ami m’ghin nak vai ah ei awn m’thawng ci gui. Bawipa na teng ä, ka m’lung ah natnak cu na hmuh pe ä, “ci ne mang gaw gui cu kyap ci gui.