1 SAMUEL 30:1 - Cho Bible Common Language 2016

¹ Hnüüp goi alüng kawn ah David la a chang gui cu Ziklak ah law ba ci gui. Amalek gui naw Judah a htum lam cu ang ghit ah tu u ne, Ziklak cu tu nim ci gui. Ngami naw gawnu cu mei awn m’khih u ne,

1 SAMUEL 30:1 Referans Kwoze

1 SAMUEL 29:11

Cun ah kyasei David la a chang gui cu khaw ngawi hta ung ang dawt ah pawng ne, Philistin ah hteit ba ci gui, Philistin gui cu Jeyreela hteit ci gui.

1 SAMUEL 15:7

Saul naw Amalek gui cu hnim gui ci, Egypt khaw ak kyang täng, Havilah ungka naw Shura ung khüt sei avan ung ng’tuk ci gui;

1 SAMUEL 29:4

Cun ung phi Philistin gabawi gui naw Achish cu m’lung she na neta ami pyen nak cu, “Na pek gui ah gawnu ung ami hteh ba vai ah tüi ba gui ä. Mikmi awn a täng ah ng’tuk nak ah kä hteh en sak gui ä. Mi ng’tuk sangung ani naw lat ne na tu ba gui hning ci nei. Shin cu ani naw mikmi ah sih nak awn a bawi ah hmai kiang nak a gah nak vai ah ani ah phäh ah aknipi ah kä kya ne ang?

JOSHUA 11:6

Bawipa naw Joshua am, “Kä na kyih gui vai, ngami ung ashin ah khin ung Israel gui ah hmawk ah kei naw ami van ka ngawn gui khai. Nangmi naw ami ng’sela gui cu tuthat u ne, ami yatha gui cu nami m’khih vai” cine m’thein ci.

2 SAMUEL 1:2

A ngawi ung Saul ah phung ung ka chang nong tumat gawk lawk ci. A thüi am dang nak ah, a sui gui cu shum ne, alu ung m’dek awn bu ci. Ani cu David ah hteit ne m’dek ung bop ne chang m’sui ci.

ATÜNNAK 24:62

Isaak cu ‘Ghing ne kei na hmuk ciah tuishawk’ ming nak ciah bung hmu ah law ne, Kanaan khaw a htumtäng ah om ci.

JOSHUA 15:31

Ziklak, Madmannah, Sansannah,

1 SAMUEL 15:8

Ani naw Amalek ghangpughang Agag cu akghing ah pha ne, chang gui avan ngawn gui ci.

1 SAMUEL 27:6

Cun ah kyasei Achish naw Ziklak gawnu cu pe tuk ci, cun ah kyasei Ziklak cu Judah ghangpughang gui naw tuh güt ami khäm ah kyak ci.

1 SAMUEL 30:14

Keimi naw Judah khaw a htumtäng Cherethit gui ah khaw la Kaleb pahta gui ah khaw cu tu ne, Ziklak gawnu cu kami m’khih ci nei,” cik ci.

2 SAMUEL 1:1

Saul a sih kawn ah David cu Amalek gui näng gui neta, law ba ne Ziklak ah hnüüp goi om ci.

2 SAMUEL 1:8

Ani naw nang a u ang cine, na ng’shi sei, kei Amalek chang nei cine ka m’thein ci.

2 SAMUEL 15:18

Abawi avan cu ani tawi ne ng’düi ci gui, bekhüt ne ani ngäng ciah chang gui cu ma ne, ama ung hteit ci gui. Gath ungka ani läk lawk ciah gakap phia chuk phi ma ne hteit ci gui.

1 SHONTÄP NAK 12:21

Ngami cu David ah gakap ung bawi ah kya ne bii bik ci gui, a i ah kyasei ci ung ngami cu m’gäi ciah gakap ah kyak ci gui. A ngawi ah ngami cu Israel gakap ung bawi ah kya lawk ci gui.

JEREMIAH 41:12

ami chang gui awn a hnu ah läk law u ne kibeon ung tui k’büm nu pei ah k’pha ci gui.

1 SAMUEL 29:10

Cun ah kyasei David, ngawi ung kho ngawi, Saul nawng shüt ne kei ah lawk ciah chang gui nami van, kho ngawi hta ung tho ne, khaw a thaih vai am nami hteh vai” cik ci.

1 SHONTÄP NAK 12:22

A hnüüp tä sei chang thai gui cu David ah gakap ung ng’dawn law u sei, ani ah gakap cu anghtei ah khüighat lawk ci.