1 SAMUEL 3:19 - Cho Bible Common Language 2016

¹⁹ Samuel cu ng’vai lawk ci, Bawipa naw a täng ah om püi ne, a päng bi sei, Samuel ah ng’thu avan cu akcang ah kümbe lawk ci.

1 SAMUEL 3:19 Referans Kwoze

ATÜNNAK 39:2

Joseph cu Bawipa naw m’htei ne m’khüt näng nak pek ci. Ani cu Egypt chang a bawi ah im ah om ci.

1 SAMUEL 9:6

Ak changshäm naw, “Om cang ä! Shin ah gawnu ung theingcim ciah chang, ami chang m’sui aih ah chang tumat om ci, a i ah kyasei ci ung ani ah a pyen päng cu hman ci. Ani ah ni hteit kaw, la gui a hawi hmuh ba hning vai cu ani naw na pyen tu goi hning hngaw khai nei” cik ci.

1 GHANGPUGHANG GUI 8:56

“A shaitak ah mäih ah a chang gui am dimdeeih nak pek ciah Bawipa cu m’tamkhah vä. Ani naw a changshäm Moses ung shaitak abi avan cu pang khek ci.

LUKA 2:52

Ak hmaw Jesuh cu däm ng’vai law ne a hmuhmat nak dämda law pi sei, Khanpughi la chang ah ma ah a hmai kiang sei om ci.

2 TIMOTHI 4:22

Bawipa cu na mümcha awn a täng ah om sä, Khanpughi ah chimgein nak cu nami van ah khan ah om sä.

1 SAMUEL 2:21

Bawipa naw Hannah cu hrilham pek ci. Cun kawn ah ani cu pami thum la hnumi hnih ah hrilham pek sei, hta ba ci. Ak hmaw Samuel cu Bawipa ah bi bi nak ung däm ng’vai lawk ci.

2 KORIN 13:11

Ka phäinau gui aw, gai ne om vä! Kümbe ciah chang ah nami kyak vai ah k’tha nah vä; kei ah ning m’cäi m’ä gui cu ngai ng’yah ne, tumat la tumat kawng ät u ne, dimdeeih nak awn om vä. M’hni nak la dimdeeih nak ah Khanpughi cu, nangmi awn a täng ah om khai nei.

LUKA 2:40

Ak hmaw cu däm ng’vai ne gaigawng ci. Ani cu cüivai lunglang ci, Khanpughi ah m’shumphyuk nak cu ani ah khan ah be ci.

LUKA 1:80

Ak hmaw cu däm ng’vai law ne pumsa, mümcha avan ung kümbe lawk ci. Ani cu Israel chang gui ah ng’lung ah dang khai ah bi kä abi pha güt ung kho ng’gau kho ah om cang ci.

ISAIAH 43:2

Thuuk ciah tui nami kan yah ung kei naw ka ning om püi gui khai nei; Nami khüi kha nak naw kä ning küm gui khai nei. Nangmi cu meikdäi kawt ne nami hteh yah ung mei naw kä ning ui gui khai nei.

1 SAMUEL 18:14

ci, ani cu abi nak phung ung näng ci, a i ah kyasei ci ung ani cu Bawipa naw om püi ci.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

ISAIAH 44:26

Cun ung phi kei ah ka chang shäm naw cängbang nak abi ah a kyak ung, kei ah ka pawng püi gui m’than khai ah ng’shächang ka tüih ah a kyak ung. Cun ah pawng püi nak gui la cängbang nak gui cu akcang ah kyak khai ah kei naw ka bik ci. Kei naw ka m’thein gui ci. Jerusalem ung chang gui om ba khai gui, Judah mang gaw gui co ba khai gui. Cun ah mang gaw gui cu didam nak ung ka, Tho law ba khai gui.

ATÜNNAK 21:22

Cun sang ung Abimelek la a gakap bawi Phikol cu Abraham ah law ni neta, “Na bilawh nak päng ung Khanpughi naw ning om püi ci.

LUKA 1:28

Khankho chang naw Mari ah ma ah, “Na khan ah ding gei nak om sä, Bawipa naw a täng ah ning om püi ne, küikyang ciah hrilham ning k’be sä!” pyen nak ci.

SUKI GUI 13:24

Cun ah hnumi cu pami hta ah hta ne, angming cu Samson ah sui ci. A k’hmaw cu dä ng’ghaw law sei Bawipa naw hriham pek ci.

ATÜNNAK 28:15

Na shüm vai, kei naw na hteh nak päng ah ning om püi ne ka ning m’htei khai, shin ah khaw ung ka ning law püi ba khai. Ka shaitak kä a khüm pha ah chuih kä ka ning hteh tak khai” ciah kyak ci.

1 SAMUEL 12:2

Tuhbäi ning chuiso gui khai ani om ci. Kei ka mät cu, ka ghi ci, ka ng’pyok ci, ka hta gui cu nangmi awn a täng ah om ci gui. Kei cu ka hmaw yah ung tün ne, tuhbäi ung khüt sei nang mi ah chuisotu ah ka kyak ci.

1 SAMUEL 16:18

Acun ung om ci gui ung ka tumat naw, “Bethlehem ah ka Jesse ung akni ah tumkhawng thei ciah a hta pami om ci. Ani cu ng’phet ne, kyom ci, gakap ni ah kyak ci, thu m’gawng thei ciah kyak ci. Ani cu Bawipa naw om püi ci.

ATÜNNAK 39:3

Joseph cu Bawipa naw om püi sei, a bi päng ung m’khüt näng nak om ci, cicu a bawi naw hmat ci.

THULÄÄN NAK 18:22

Prophet tumat naw Bawipa ah ming ung ng’thu pyen khai, cun ah ani ah ng’thu pyen cu kä abä law ah a kyak ung, cun cu Bawipa ah thu pyen ah kä kyak ci. Cun ah prophet naw amät ah huham awn a pyen ah kyak ci. Nangmi naw kä nami kyih vai.

JOSHUA 21:45

Bawipa naw Israel gui ung abi ah shaitak päng cu paang khenggeng ci.

1 SAMUEL 2:26

Ak hmaw Samuela cu däm ng’vai law ne Bawipa ah ma la chang gui ah ma ah hmai kiang nak gah ne om ci.

1 SAMUEL 10:7

Shin gui a kyak law ung Khanpughi naw na bi vai a ning m’shüm phung cu na bi vai.

1 SAMUEL 18:5

David cu Saul naw ng’tuk khai ah a tüih nak päng a van ung näng nak gah ci, cun ah kyasei Saul naw gabawi ah tha ci. Cun naw Saul ah bawi gui la achang avan cu yei sak gui ci.

1 SAMUEL 18:12

Saul naw David cu kyih ci, a i ah kyasei ci ung Bawipa naw David om püi ci, ani cu nawng ci.

2 GHANGPUGHANG GUI 10:10

Ahab ah htangshon gui ah mawng Bawipa naw a pyen gui phung phung bä lawk ciah a shin naw dang sak ci. Bawipa naw a prophet Elijah ung shai a tak phung cu bi pyi ci” cik ci.

2 GHANGPUGHANG GUI 15:12

Bawipa naw Ghangpughang Jehu ung a pek ah shaitak cu kümbe ci, cun cu, nang ah htangshon, ang shon phli ung khüt sei, Israel ghangpughang ah kyak khai” ciah kyak ci.

2 GHANGPUGHANG GUI 22:16

shin ah Bawipa ah ng’thu cu pe gui ci: “Shin ah ca uk ung ami guk, ghangpughang naw a phat ah mäih ah, kei naw Jerusalem la a chang gui cu ka m’kyuk lawk khai nei.

ISAIAH 55:11

A cun ah mäih ah kei ah ka pyen ah ng’thu cu kyak khai nei — kei naw ka pawng püi cu bi vai ah cun cu kä shum khai; kei naw bi vai ah ka tüih law päng cu, a cun naw bik khai.