1 SAMUEL 3:18 - Cho Bible Common Language 2016

¹⁸ Cun ah kyasei Samuel naw a päng m’thein ci; a i hta phi kä m’zih ci. Eli naw, “Ani cu Bawipa nei; ani ung om ciah aknipi phung cu ani naw bik khai nei” cik ci.

1 SAMUEL 3:18 Referans Kwoze

ISAIAH 39:8

Ghangpughang Hezekiah naw ani ah ghin sang ung dimdeeih nak la ngaih gep nak om khai ciah ngai neta, ani “Bawipa ung ka ng’thu na na pek law cu nik ci nei” cik ci.

JOB 2:10

Job naw mshang ci, “Nang akholä ah na ng’thu ci! Khanpughi naw akni ana pek gui ung yei ne mi dou ci, ani naw khuikha nak ana pek law ung mä a i hawkcha ah maa thei vai ang? A i chü ah akhuikha ung phi Joba naw Khanpughi ka hnungtuk ci.

1 PETER 5:6

Khanpughi ah hlüngtai säih ciah a kut kaa ah nami mät naw nami mät ng’neim sak ne om vä, cun ung Khanpughi naw ni pi ciah akhin ung ning yu chang gui khai nei.

SUKI GUI 10:15

Cun ung phi Israel gui naw Bawipa ah ma ah, “Keimi kami shekak ci nei. Na m’hni ah na ci gui ä, cun ung phi tuhngawi, na bä ni, nah un gui ä” cik ci gui.

NG’ÄI KYAH 3:39

Mikmi mi katnak ah phäh ah m’kyuk nak mi gah law ung, a i ah kyasei mikmi ng’thu mi m’da ang?

SAM 39:9

Kei cu adüm ah ka om khai, m’kha ät ah phi kä ka ng’thu khai, a cun ah ka om vai cu nang ah bi ah kyak ci nei.

JOB 1:21

Ani naw, “Kei cu a i kä law püi ah ka lawk ci, a i kä hteh püi ne ka sik khai. Bawipa Naw na pek ci, tuhbäi ani naw la ba ci nei. Ani ah ming cu m’tamkhah nak om sä!” cik ci.

ATÜNNAK 18:25

Chang ni gui cu changshe gui awn a täng ah kä na ngawn en gui vai nei. Cun ah na bi ung chang ni gui naw changshe gui ah mäih ah m’katnak cu gah lawk khai gui nei. Cun ung kä bä khai nei, khomdek m’khoichak ciah Bawipa cu düng ciah kä kya ne ang” cine ng’paa nak ci.

PHYAWN NAK 34:5

Bawipa cu khongmei ung kyum law ne, acu ah ani awn a täng ah ng’düi neta, Bawipa ah a ming theing cu ng’shäu ci.

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

2 SAMUEL 10:12

Khüi ghat ne nami thamah vai! Mi chang gui la mi Khanpughi ah mang gaw gui ah phäh ah k’tha na ne mi ng’tuk khai nei. Bawipa naw ang yak hlü ah bi bik khai nei!” cine m’cäi gui ci.

2 SAMUEL 15:26

Cun ung phi kei kä ana yei nak ah akiak ung — bäi khaai, ani naw am hni ah kei ah khan ah bi sä” cik ci.

2 GHANGPUGHANG GUI 20:19

Ghangpughang Hezekiah naw shin ah a mawng cu ani a ghin yah ung dimdeeih nak la ngaih gep nak om khai ciah ngai neta, ani naw amshah cu, “Nang naw Bawipa ungka lawk ciah ng’thu na na pek cu nik ci nei” cik ci.

JEREMIAH 34:6

Kei naw shin ah ng’thu cu Jerusalem ah Ghangpughang zedelciah am ka pek ci,

JEREMIAH 38:14

Amawng ahei awn Ghangpughang Zedekiah naw Taigüim luh nak akthum nak ung na hteh püi neta ana pyen nak cu,” kei naw ka ng’ya hlük ci,” ciah kyak ci.

JEREMIAH 42:4

Kei naw m’shang gui ne, “Bä khai, Bawipa, mi khanpughi ah nami k’thäh ah mäih ah ka ning taigü pe gui khai, ani naw a pyen phung cu ka ning m’thein gui khai. A i phi nangmi am kä ka ning m’zih gui khai.” Ka cik ci.

1 SHONTÄP NAK 19:13

Khüighat ne k’thamah vai! Mi chang gui la mi Khanpughi ah mang gaw gui ah phäh ah aktung ah mi ng’tuk khai nei. Bawipa naw angyak hlü ah kya sä” cik ci.