1 SAMUEL 3:17 - Cho Bible Common Language 2016

¹⁷ Eli naw, “Bawipa naw a i ang a ning m’thein. A i phi kei am kä na na m’zih vai. Ani naw a pyen päng kä na na m’thein ah a kyak ung Khanpughi naw aktä ah ning m’kyuk khai,” cik ci.

1 SAMUEL 3:17 Referans Kwoze

2 SAMUEL 3:35

A hnüüp pum ung David naw ei a ei vai ah chang gui naw tha nak ci gui, cun ung phi ani naw thuuk ciah shaita ne, “Shin ah hnüüp kä ang pyi pha ung ei ka ei läi ngä sei, Khanpughi naw ka sik khai ah na ci sä!” cik ci.

RUT 1:17

Na sih nak ah ka si tuk khai aw ah ka ng’cim khai. Sih nak ah kawn ah a hei a mawng awn nang ka ning pai püi ah a kyak ung, kei cu Bawipa naw akshe pi k’bäih ah na m’kyuk sä” cik ci.

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

MIKHAH 2:7

Israel chang gui cu taam gui khai ah nami ngai ne ma? Bawipa ah hnimgei nak maih hning khai ma? Cun ah mäih ah ani naw akcang ah bik khai ma? Düng ciah chang gui cu m’gein ne kä ng’thu khai ma?” ciah kyak ci.

DANIEL 4:19

Cun ung Daniela, Belteshazzar ah phi ami kh cu, cäicat aih neta a i phi kä pyen hlawt ne om ci. Ghangpughang naw ani am, “Belteshazzar aw, mang la mang ah mawng ung kä cäicat en ä” ci nak ci. Belteshazzar naw m’shang ne, “Mang la mang ah mawng cu nang ah phäh ah kä kya en ne na ga gui ah phäh ah a kyak vak ah kei naw ka ng’ya hlük ci nei.

SAM 141:5

Changni naw kei cu na m’kyuk sä, m’gein nak awn na m’cäi sä, cun ung phi changshe ah m’taam nak cu kä ka dou phung khai nei. A i ah kyasei ci ung ngami naw akshe ami bi gui cu, kei naw angtäi sei hnu ng’tuk püi ne ka taigü ci nei.

1 GHANGPUGHANG GUI 22:16

Cun ung phi Ahab naw, “Bawipa ah ming ung kei ung ng’thu na pyen ung, akcang na pyen vai! Acun ah na bi vai ah kei naw a i güt ka ning pyen nak vai ang?

2 SAMUEL 19:13

David naw Amasa am ami m’thein vai ah a pyen nak gui cu, “Nang cu ka ning mätyah nei. Tuhbäi ung tün ne, Joab hnün ung, gakap ung ang vai pi ah ka ning tha ci nei. Cun ah kä ka bi ah a kyak ung Khanpughi naw na m’sih sä!” cik ci.

1 SAMUEL 20:13

Ani naw nang ning hnim vai ah abi cu nang naw na phyawn nak vai ah kä ka ning m’thein ah a kyak ung, Bawipa naw kei cu na sih sak sä. Bawipa naw ka pa a om püi man ah mäih ah nang cu ning om püi sä.

1 SAMUEL 3:16

Eli naw khü ne, “Samuel, ka chang hta!” cine khü ci. Samuel naw, “Ä, saza” cine m’shang ci.

1 SAMUEL 25:22

Khaw kä thai pha sei shin ah chang gui tumat phi kä om ba khai ah kä ka ngawn yawp ung, Khanpughi naw ka sik khai ah na that sä!” cik ci.

JEREMIAH 38:14

Amawng ahei awn Ghangpughang Zedekiah naw Taigüim luh nak akthum nak ung na hteh püi neta ana pyen nak cu,” kei naw ka ng’ya hlük ci,” ciah kyak ci.

JEREMIAH 42:4

Kei naw m’shang gui ne, “Bä khai, Bawipa, mi khanpughi ah nami k’thäh ah mäih ah ka ning taigü pe gui khai, ani naw a pyen phung cu ka ning m’thein gui khai. A i phi nangmi am kä ka ning m’zih gui khai.” Ka cik ci.

KHEI NAK 23:17

Ani naw Balak cu Moab ng’vai gui awn a täng ah m’khih ne douthak nak ah pei ah ng’düi sei hmuk ci. Bawipa naw a i a pyen cu Balak naw thäh ci.

1 SAMUEL 14:44

Saul naw ani am, “Nang kä na sih ah a kyak ung, Khanpughi naw kei na m’sih sä!” cik ci.

2 SAMUEL 3:9

Bawipa naw David am shaitak ci, ani naw Saul la a hta ng’shon ah kut ungka, uknak cu lak khai, David cu Israel la Judah ah ghangpughang ah ng’hmoh khai, kho vangtäng khaw cawi ungka naw vangtäng khaw cawi ung khüt khai. Shin ah ng’thu cu akcang ah kä ka bi ung Khanpughi naw ka sik khai ah na ci sä!” cik ci.

2 SAMUEL 14:18

Ghangpughang naw, “Kei naw tumat ka ning ng’shi khai, nang naw avan akcang na na m’thein vai” cik ci. Hnumi naw, “Ka Bawi mang, na ng’shi ä” cik ci.

2 GHANGPUGHANG GUI 6:31

Ani naw, “Khohni kä ah hang luh pha ung Elisha ah lu kä a pit ah a kyak ung Khanpughi naw na m’shih sä!” cine ng’taam ci.